الموضوع: يوميات مدخن

المشاركة الأصلية كتبت بواسطة mailo

عن تجارب ناس كتير قوي قالولي على موضوع الادوية ده

اثارها الجانبية زي الزفت

لازم تكمل الكورسات كلها
مش عارف بتاع فايزر حوالي 6 أو 4 مش فاكر وكل واحد بسعر

بعد ماتخلص هتكون بطلت بس ممكن ترجع تاني بعد شوية

الموضوع في الاول وفي الآخِر ارادة

أنا بطلت السجاير لمدة أسبوع مش عن اقتناع ده كان عند في صحابي
ورجعت تاني بمزاجي برده ومن غير ادوية بس أول يومين صعبين قوي قوي قوي

أنا فاكر إني بطلت أعمل كل حاجة بعملها عشان ماكنتش فاكر نفسي من غير سجاير أصلا
بطلت شاي ونسكافيه بقيت بشرب لمون ونعناع والحاجات الحريمي اللي ملهاش أي 30 لازمة دي
بطلت games وبطلت السهر مع صحابي عشان ماشربش
غيرت حتى الطريق اللي كنت بمشي منه
بطلت بيبسي وبقيت أشرب ديو

بس بصراحة بعد 3 أيام كنت بطلع أي سِلّم زي القرد وحسيب بيفرق كبير قوي فالصحة
كل ماكنت اعوذ أشرب سيجارة أقعد جنب واحد صاحبي بيدخن مثلا
أو أقوم آكل أنا فاكر إن أول يوم بطلت فيه ده كلت سندوتشات في ساعتين بحوالي 40 جنيه "طبعا السجاير اوفر علبتين مارلبورو احمر كانوا ب 17 ساعتها "
مشغل التكيف في عز البرد

أول يوم بعد العذاب اللي كنت فيه جيت الساعة 7 وولعت سيجارة خدت منها نفسيين بس وطفيتها عشان بس افوق
وشربت نفسين تاني قبل ماأنام عشان أنا كنت مظبط نفسي على 1 بس فاليوم لما لقيت إنه مش لازم اكملها مازودتيش

من تاني يوم بطلت

بعد أسبوع كنت زهقت بقى رجعت أشرب تاني



المشكلة بس إنك كل ماتبطل وترجع تيجي تبطل تاني بتكون أصعب من اللي قبلها
عشان كده قبل ماترجع اعرف إنك مش هتعرف تبطل تاني بالساهل

عندك حق يا فندم
انا باخد بتاع فايزر
بس لو جينا حسبناها بطريقة تانية
خسائر الادوية ولا خسائر السجاير
انا في اليوم التالت صحيت الساعة 1 الفجر وكان نفسي وهموت اكل ومكنش ليا نفس لاي حاجة غير البيتزا نزلت جبتها واكلت نمت وصحيت علي الساعة 4 ونص كدا نفسي اكل طعمية :d:d
ونزلت وجبتها بعديها لسه يا دوب هنام مطلبتش غير عصير وفضلت علي هذا الحال كل شوية نفسي في حاجة لحد الساعة 4 العصر
صرفت في اليوم دا بتاع 150 جنية
بس لو حسبتها اصرف 20 جنية في سجاير ولا 150 في حاجة تفدني؟

انا الارادة عندي بحالات ومن غير ارداة والله لو جبت مليون دوا مش هتبطل
بس زي متقول حضرتك حاجة تشجعني اني ابطل
يعني لو نسبة التبطيل عندي 40 % بعد لما جبت الدوا لقت 80 %
و لو حسبت العمر اللي فات هتلاقي نفسك صرفت بلاوي
انا عملتها عند مع واحد صحبي قبل كدا بردة بس كان اكتر وقت مستريح فيه لكن الشيطان الله يحرقه

سعاده الباشا مشكور على الموضوع القيم ده بس انا عايز الفت انتباهك لو شربت فى اول اسبوع متزعلش ولا تكتءب لان الدوا بتاع فايزر حتلاقى مكتوب فى العلبه ان التوقف بيكون ما بين يوم 8 الى اليوم ١٤ لان لما جرعه الدوا بتزيد مع تانى اسبوع مبيوصلش النيكوتين بتاع السيجاره لخلايا المخ بيعمل بلوك ليها وساعتها حتحس ان السيجاره فعلا بلا اى طعم بس وصدقنى الدوا ده مش محتاج اى نوع من انواع الاراده بس خلى بالك من نقطه انتا حتحس انك مش عايز تكمل الكورس لما تبطل السجاير بس لو حتعمل كدا لازم حاجه من اتنين يااما تبطلوا تدريجى بردو وده مكتوب فى الروشته بتاعه الدوا علشان احتمال لو بطلتو فجاه تحس بشوق انك عايز تشرب تانى يااما تكمل الكورس على الاقل ٣ علب هوا الدوا ده غير مستحب بس لللى عندو حاله نفسيه علشان هوا بيبوظ المود شويه بس صدقنى بعد ما تخلص اول عليه حتحس انك اتولدت من جديد

المشاركة الأصلية كتبت بواسطة mohamedkordy

سعاده الباشا مشكور على الموضوع القيم ده بس انا عايز الفت انتباهك لو شربت فى اول اسبوع متزعلش ولا تكتءب لان الدوا بتاع فايزر حتلاقى مكتوب فى العلبه ان التوقف بيكون ما بين يوم 8 الى اليوم ١٤ لان لما جرعه الدوا بتزيد مع تانى اسبوع مبيوصلش النيكوتين بتاع السيجاره لخلايا المخ بيعمل بلوك ليها وساعتها حتحس ان السيجاره فعلا بلا اى طعم بس وصدقنى الدوا ده مش محتاج اى نوع من انواع الاراده بس خلى بالك من نقطه انتا حتحس انك مش عايز تكمل الكورس لما تبطل السجاير بس لو حتعمل كدا لازم حاجه من اتنين يااما تبطلوا تدريجى بردو وده مكتوب فى الروشته بتاعه الدوا علشان احتمال لو بطلتو فجاه تحس بشوق انك عايز تشرب تانى يااما تكمل الكورس على الاقل ٣ علب هوا الدوا ده غير مستحب بس لللى عندو حاله نفسيه علشان هوا بيبوظ المود شويه بس صدقنى بعد ما تخلص اول عليه حتحس انك اتولدت من جديد

ربنا يبشرك بالخير ان شاء الله يا محمد باشا لاني كنت زعلان قوي اني شربت
وسؤال معلش يعني ان شاء الله بداية الاسبوع التاني مشربش ولما اول علبة تخلص اجيب التانية وابطلها تدريجي ؟
واحييك جدا جدا لان حضرتك اللي شجعتني علي كتابة الموضوع لعل وعسي حد من الاعضاء يبطل

المشاركة الأصلية كتبت بواسطة mailo

ان عارف إن كلامك صح طبعا في موضوع الأكل
أنا بس بهزر مش أكتر
وكنت بأقول الكلمة دي لصحابي دايما
السجاير اوفر
اوفر حتى من ال لب عشان مايوجعوش دماغي كل شوية بـ بطل بطل

:D:D:D
انا بقي اللي هوجع دماغ حضرتك بلازم تبطل ان شاء الله

المشاركة الأصلية كتبت بواسطة bido600

ربنا يبشرك بالخير ان شاء الله يا محمد باشا لاني كنت زعلان قوي اني شربت
وسؤال معلش يعني ان شاء الله بداية الاسبوع التاني مشربش ولما اول علبة تخلص اجيب التانية وابطلها تدريجي ؟
واحييك جدا جدا لان حضرتك اللي شجعتني علي كتابة الموضوع لعل وعسي حد من الاعضاء يبطل

اميننن يارب ان شاء الله نجعل المنتدى بلا دخان. بص يا سيدى خلص الاولى وهات التانيه اول اسبوع من العلبه التانيه خد الجرعه العاديه تانى اسبوع ابتدى قلل فى الجرعه لغايه لما توصل لصفر بس عموما كل ما تكمل الكورس حيبقى احسن ليك يعنى لو قدرت تمشى على ٣ او اربع علب يكون احسن لو مش حابب اول ما تبتدى تقلل جرعه الدوا وتوقفو خالص حاول متعقدش فى الفتره الاولانيه من توقف الدوا على قهاوى او تختلط كتير بناس بتدخن. انا وقعت فى المطب ده قبل كده واضريت بعد فتره اعيد الكورس بس اتعلمت الدرس والحمد لله كلو تمام دلوقتى