ربنا يكرمك و تبطلها خالص, انا عن نفسى حفكر فى الدوا ده معنى لسة شارى اروسة النهاردة الصبح بس مش مشكلة فى دهية
عرض للطباعة
ربنا يكرمك و تبطلها خالص, انا عن نفسى حفكر فى الدوا ده معنى لسة شارى اروسة النهاردة الصبح بس مش مشكلة فى دهية
ربنا يخليك يا فندم
الدوا دا بتمن اروسة ولا اتنين يبقي مين احسن ؟
200 سيجارة كل سيجارة بتقلل من عمر الانسان ثانية يعني 200 ثانية يعني3 دقايق ونص لو كانت حسباتي صح دا من الاروسة دي
وممكن بتمنها كنت تجيب حاجة تفيد حضرتك
وبدوا او من غير دوا لابد من ترك العادة دي
صدقني المدخن محروم من حاجات كتيرة ربنا كرمه بيها
ربنا يكرمك ويزود عزيمتك وقرار احييك عليه بشدة
صدقني انت الكسبان حتي لو خسرت فلوس الاروسة في الاول انت الكسبان
انا عارف انه قرار صعب الواحد بيتخيل حياته بسيجارة ومنغير وكان صعب عليا
بس صدقني لما توكلت علي الله حسيت اني عندي حياه جديدة
وبقيت اعمل حاجات مكنتش بعملها
بقيت بصلي
بقيت العب رياضة تاني
غيرت اصحابي وعرت مين الكويس اللي كان بيشجعني ويقف جمبي ومين اللي عاوز يرجعني فيها عشان مبقاش احسن منه
وانا حاليا فرحان
وعاملها دلوقتي زي جدول كدا مستني كل حاجة تيجي فيه بفارغ الصبر
وهكتبة
:Copy of m-s5:اليوم
13-5-2012
الساعة 11 صباحا
اخر سيجارة دخنتها
الساعة 11.20 صباحا
عاد الضغط والنبض الي المعدل الطبيعي وتحسن في الدورة الدموية
الساعة 7 مساءا
عاد الاكسوجين في الدم الي المعدل الطبيعي
وبدا التناقص في احتمالية الاصابة بالسكتات القلبة
الساعة 11 صباحا
يوم 14-5-2012
البدء في التخلص من غاز اول اوكسيد الفحم من الجسم
وبداء الرئة بالتخلص من التبغ
ولسة الباقي ان شاء الله
بس مجرد اني عرفت اني كل دا حصل
بقيت سعيد ومتلهف علي الباقي انو يحصل
:Copy of m-s5:
علي فكرة الموضوع كله ارادة ... هقولك علي حاجة يمكن متصدقهاش انا دخنت حوالي 14 سنة واخدت قرار اني اوقف تدخين مرة واحدة وفعلا بطلت وقعدت 4 سنين ولا سيجارة ولا شيشة ولا اي حاجة ومرة سافرت اوروبا في شغل والجو ساقعة حنيت لايام سيجارة البرد قمت اشتريت سجاير و رجعت ادخن تاني بس طبعا دلوقتي يعتبر تدخين بسيط اوي يعني يمكن علبة كل اسبوع
المختصر ان الموضوع ارادة من غير ادوية ولا غيره وربنا يكرمك وتقدر تبطلها
هو فعلا يا استاذ عصام موضوع ارادة ومن غير أي دوا
والدي 30 سنة تدخين وبطلها
بس المشكلة ان ساعات الارادة بتبقي معدومة من المحيط اللي حوليك
يعني اصدقاء بدل ميشجعو يقولك لا مش هتقدر واعمل واشرب
الفترة اللي بنمر بيها دلوقتي
حاجات كتير قوي
عارف حضرتك لما الواحد مثلا يبقي عنده دافع انو يذاكر عشان يجيب مثلا حاجة كان نفسه فيها
الدوا دا بردة بيعمل كدا
انا نويت اني ابطل بدوا او من غير بس كنت عارف اني هرجعلها في وقت ما عشان كدا جبت الدوا عشان ابقي عملت اللي عليا ومفكرش فيها تاني
اليوم التاسع
صحيت اخدت الدوا
اكتئاب
اكتئاب
اكتئاب
اكتئاب
كلت
اكتئاب
كلت اكتئاب
كلت اكتئاب
فضلت علي هذا الحال كنت باكل بمجرد كل ساعه
مليش نفس للسجاير
مفكرتش فيها
الساعة 7 بليل مزاج حلو
بضحك واهزر عادي
بس من ابسط حاجة تنرفزني
خرجت الساعة 10 اجيب حاجات
شميت ريحة سجاير من اللي كان بيكلمني
غثيان
غثيان
غثيان
مش طايق الريحة خالص
وفضلت افكر
هو انا ريحتي كانت كدا
واخدت الدوا ونمتتت
اليوم العاشر
اللي هو النهاردة
صحيت خدت الدوا
نمت تاني
غثيان
غثيان
عشان افتكرت ريحة السجاير بتاعت امبارح
صحيت
اكلت وفضلت قاعد
دلوقتي حاسس بطعم السجاير وحاجات كدا كل ما اجي اكح
زي متقولو السجاير عاوزة تطلع مني :d:d:d
مليش نفس للسجاير ومفكرتش فيها
ولسة باقي اليوم هكتبة بليل ان شاء الله
ابص لروحى فجأة لاقتينى كبرت فجأءة هههههههههههههه
الحمد للة مبطل بقالة 5 ايام ادعولى ربنا يوفقنى واكمل
انا بقالى كتير قوى بشرب سجاير من ايام ماكنت فى اولى ثانوى ودلوقتى انا ماشى فى 31 سنة عمرى مابطلت
كنت بشرب ميرت اصفر يعنى على الاقل 500 جنية فى الشهر سجاير قولت لنفسى هاقول لربنا اية على الفلوس دية؟
كنت الاول علبة بتقعد يومين لاقيت نفسى بفتح التانية اخر النهار
ساكن فى الدور السادس يعنى كل لما اطلع شقتى اول اقعدلى حوالى دقيقتين تلاتة مش قادر اتكلم الا لما اخد نفسى
مش عارف اقول بس اليومين دول حسيت بفرق كبير قوى عربيتى ريحتها حلوة هدومى احسن كل حاجة
ابتديت اكل كتير بس مش مشكلة هاعمل دايت وارجع انزل تانى
واللة انا كنت ناوى ابطل شهرين تلاتة يعنى اعمل رست كدة وارجع تانى بس ان شاء اللة هاكمل
وبجد الموضوع ارادة ارادة بجد ونصيحة للة لو انت عايز تبطل علشان صحتك مش هاتعرف
انما لو هاتبطل لوجة اللة وان هيا حاجة حرام اتكل على اللة وربنا هايعينك
على فكرة انا بطلت من غير اى ادوية خالص ولا لبان بس قرررت وتوكلت على اللة
الله عليك
تحياتي وتقديري لحضرتك
بس بلاش حكايه الرست دي انا بقالي 3 ايام دلوقتي ولسة كنت بجيب حاجات من تحت عاده المشوار دا بيخليني اموت من النهجان
لكن لاحظت ان النهاردة الحمدلله اكني معملتش مجهود
ربنا يعفينا ويعفي كل واحد بيدخن منها وهيلاحظ الفرق بجد
وعندك حق نسيبها عشان ربنا
لكن الدوا دا انا جبتة للاسف عشان انا عندي الجو مش مشجع خالص ولا حتي الصحاب مساعدين غير واحد ولا اتنين
والارادة فيه بس مش اللي هيا
ويا رب تغيير مفهوم الهدنة دي خالص وتبقي تبطيل للابد وربنا يعينك ويقويك عليها
واية يا شباب هو مفيش حد عاو يبطل تاني دا قله قليله اللي بطلت عاوزين تشجيع وناس جديدة تنضم لحزب المبطلين :alien31:
ربنا يقوينا يارب واللة انا مبسوط اوى لانى شوفت علبة سجاير وكنت هاعمل مش واخد بالى واشدلى واحدة بس الحمد للة ضربت ايدى بأيدى التانية وقولت لنفسى عيب عليم دة انت بقالك خمس ايام هاتضعف؟
المهم فى الاول كنت بقول لنفسى ياد انت تبطل يومين تنضف وتحس بفرق وبعدين ترجع وهكذا دية كانت
الخطة بس ان شاء اللة هاطمع واكمل
بس لعنة اللة علية الشيطان يحيلى ويقولى
لما تقعد مع صحابك وتسهروا وتحكوا مع بعض مش هاتشرب يعنى
لما حد يضايقك وتتنرفز اكيد هاترجع تانى
لما بكون سايق عربيتى بليل على طريق سفر هاتكون عايز تولع سيجارة مع الكاسيت
لما بروح شقة اسكندرية وبعد اكلة سمك بتكون عايز تشرب
كل دة الشيطان شغال معايا ربنا ان شاء اللة هاينصرنى علية
ويكفى ان انا بستعيد شبابى وصحتى وبفلوس السجاير هاجيب بيها حاجات كتير واطلع منها للة كمان
واللة المستعان على كل شىء
صدقني الشيطان عملها معايا انا كمان اول يومين نفس الفكر
وقلب عليا المواجع كتير وزكريات كتير
بس صدقني هما يومين والشيطان زهق مني
والحمدلله انا فرحان اني سبتها لانها خلتني اصلي تاني
وبعدها صدقني ولا فكرت طيب لما هسافر هعمل اية وانا سايق
ولقيت ليها بديل :d
البونبوني او لبان بنعناع :d:d
اول يوم ليه النهاردة
من الصبح حتى الان شارب 9 سجاير فى العادى بشرب علبة و ده انجاز
المشكلة فى الصداع المستمر
فكرت اخد بنادول بس قلت كده لعب كتير فى الدماغ
ايوة كدا
ربنا يكرمك ويقويك ويعينك
النهاردة 9 بكرة ان شاء الله اقل
بس صدقني لو سبتها مرة واحدة اسهل
وصدقني مش هتندم
هتضعف في الاول بس شجع نفسك ادخل المنتدي وكلنا نشجعك خلي الي حواليك يشجعوك
اول يومين بس وصدقني هتبقي اسهل بكتير
واقنع نفسك انك ادها وادود ناس كتير عملوها انت مش اقل منهم لازم تعملها
وكبر عزيمتك
لتعُلم ذلك ..... إليك هذا الاختبار من أخوك البيان بارك الله فيك وحكم بنفسك :
....*اختبار يستغرق (30) ثلاثين ثانية ..... يقيس مقدار تعويلك على النيكوتين . بمقدور الطبيب أن يعرف من أجوبتك مدى تبعيتك وخضوعك له .
أولا: بعد استيقاظك من النوم صباحاً ... كم من الوقت يمّر قبل تدخينك السيجارة الأولى ؟...............
ثانياً : هل تجد صعوبة في الإحجام عن التدخين في الأماكن التي يمنع التدخين فيها ، مثلاً صالات المناسبات ، أو في الطائرة ، أو قاعات المكتبات العامة ؟ ......
ثالثاً: من بين جميع السجاير التي تدخنها طوال اليوم .... أي سيجارة هي الامتع بينها ؟...........
رابعاً : كم سيجارة تدخن في اليوم ؟...............
خامساً : هل تدخن حتى لو كنت متوعك الصحة واضطررت لملازمة الفراش معظم النهار ؟.................
سادساً : أي نوع من السجائر تدخن ؟..............
الآن خذ هذا الأختبار إلى طبيبك
أذهب إلى الطبيب دون تقاعس ، واعرض عليه أجوبتك عن هذا الأختبار ، لترى كم أنت بحاجة ‘إلى برنامج من المعالجة والاستشارات التي قد تساعدك على ترك التدخين لصالحك – حتى لو كنت معولا لدرجة بالغة على النيكوتين
إن الفرص المتاحة أمامك للإقلاع عن التدخين كبيرة ، مع اقتراحات لتقديم المعالجة التي تجعلك تتغلب على النيكوتين بالانقطاع عنه ، وسيقدم لك الطبيب الاستشارات لتلطيف وتسكين العوامل النفسية والاجتماعية .
هل سوف يكون طوال عمرك تدخن ............؟؟
نصيحة أخيره من أخوك في الله:
مرض السرطان كيف يأتي للمدخن :
عندما يدمن المدخن كعملية أدماناً لدخان ...... فحين يترك التدخين مباشرة بداعي التوبة والابتعاد عن التدخين ..... مباشرة يأتيه مرض السرطان منتشراً في جميع أنحاء جسمه ويكون بدلاً من الدخان المسموم في الجسم حسب الدراسات الأخيرة
بعدها .......... لا ينفع ترك الدخان أو الإقلاع عنه .
ناهيك عن السعال المزمن أثناء التدخين والبلغم وضيق في التنفس وأنسدد الشرايين القلب بحيث لا ينفع فتح انسداد الشرايين ولا حتى عملية قسطرة .
فبادر من الآن في الإقلاع عن التدخين .
أخي في الله ...... أخي المدخن بارك الله فيك
هناك كلمات أقولها لك لعلها تجد قبولاً عندك في ألإقلاع فوراً عن التدخين ومن الآن ولعدة أسباب بسيطة وبغض النظر عن الأمراض الأخرى .
وهي كما يلي :
1- كيف تنام وصدرك ضيق يصعب عليك التنفس وغيرك من الناس ينامون بدون عناء أو متاعب . كيف بالله عليك وأنت مازلت تدخن.
2- كيف يكون شعورك عندما تقابلك ظروف صعبه جداً تحتاج لمجهود كبير لكي تقوم به مثل – حمل ولدك إذا أصابه مكروه – أو أمك لا قدر الله – أو أباك لا سمح الله . كيف تحملهم أو إسعافهم في أسرع وقت ممكن وأنت عاجز عن حملهم بسبب التدخين الملعون . حينها والله تندم على شربك للدخان .
3- كيف يكون شعورك بين الناس من هيبة وعزة واحترام وكشخص يشهد له ألناس. وأنت راحتك تعم بدخان المسموم .
4- كيف تمارس الدخان وأنت تؤمن بأنه هو السبب في أغلب الأمراض . هذا أن دل على شي فينما يدل على عدم كمال شخصيتك وعدم القدرة على أقناع نفسك .
وأخيراً أخي في الله ..........
اتمنى لك الهدايه اخى وان تترك هذه العاده اللعينه
موقع رائع للتوقف عن التدخين
اضرار التدخين
لبان نيكروتين لسه جايبه من يوم
الشريط ب 28 جنيه 2ملي جرام
انا شايف انه كويس بس برضو محتاج الاراده
يعني انا جبته باخد نص لبانه بتديني احساس اني شارب سجاره ومش قادر اشرب وحده تانيه
بسيب اللبانه في بقى شويه وبرميها ومش بحس خالص اني عايز اشرب سجاير
بس اعتقد كتر اللبان ابو نيكوتين ده بيدوخ شويه ولا عشان مطبق بقالي كتير مش عارف
بس برضو الفكره في الاراده يعني انا شربت في يوم 10 سجاير مع وجود النيكوتين بس عشان معايا سجاير
انما فعلا اللبان ده لو حد خرمان وخد لبانه بيحس كانه شرب سجاره
----------------------------------------------------
بعد ما جبته دخلت على سايت سعودي وياعيني بقى على البوست المحطوط
البيه بطل سجاير خالص وماشي باللبان بقالوا سنتين هههههههههههههههههههههههه ومبسوط اوي
الله عليك يا محمد باشا
هو دا التشجيع :Bravo:
ههههههههههه :D يعني طب وعايش علي اللبان :D:D:D:D
بس كدا برده عالجت نيكوتين بنيكوتين :D
بس ربنا يعينك ويقويك أي حاجة عشان تقوي عزيمتك وارادتك
وعاوزين تكتبلنا عنه
تمام كدا انا اختلط عليا الامر :Bravo:
عاوزين حضرتك تتابع معانا وتقولنا الاحداث
النهاردة اليوم التانى
الصداع قل كتيير بقى خفيف خالص
السجاير 6 فقط
المشكلة فى المود بتاعى - عصبى زيادة وده طبيعى
ربنا يسهل
مبطل شيشه من حوالى سنه
والحمد لله
معدل الشرب اليومى من 10 إلى 20 حجر يوميا
قبل قرار التوقف كنت بشرب علبة سجاير من 8 ص إلى 4 م
وشيشه بالليل حوالى 10 & 12 حجر
ثم وقفه مع النفس وبعدها بطلت
المهم الإراده
والحمد لله متوفره
عقبال باقى المدخنين
اخبار الرجاله المبطلين ايه شكل الشامبكس عامل عاميلو معاكو معلش هوا اسوأ ايامو بتاعه اخر الاسبوع الثانى عايز اطمن عليكوااااااااااا
تمام يا محمد بيك:d:d
الحمدلله سبتها من اليوم التامن ولحد دلوقتي بس اليوم التامن والتاسع هما بس اللي فكرت فيها شوية بس كنت برجع اعاتب نفسي
لكن الحمدلله دا سابع يوم ليا مشربش ومش بفكر اشرب كمان وخلاص اتعودت اني مش مدخن الحمدلله
لدرجة لسة عندي شامبكس تاني وبطلت اخدو من يومين تلاتة :d:d:d
واكتر من حد يدخن جمبي ببقي كاره ريحة الدخان
واعذروني عن انقطاعي عنكم الفترة اللي فاتت بس كانت عندي شوية ظروف كدا
وان شاء الله هنكمل الايام واكتبها بالتفصيل
والحمدلله بعد ما سبت الدخان حاسس ان صحتي رجعت احسن من الاول كمان :d:d
بعون اللة ولا اى شامبكس ولا كومبلكس كلة طبيعى وكدة ليا 9 ايام ولا سيجارة
والحمد للة فرق شاسع فى كل حاجة فى النفس والنوم والجرى وطلوع السلم وكل حاجة الواحد ماكنش عايش قبل كدة ربنا يكملها على خير ومارجعش تانى
:Bravo::Bravo::Bravo::Bravo:
ربنا يكرمك ومتفكرش فيها تاني
وحقا انها لفرق شاسع
بس للاسف العصبيه وانا اصلا وانا بدخن عصبي ولما بطلت بقيت بتحول بمعني الكلمه والله
ابقي قاعد هادي هادي هادي وحاجة تنفزني هادي هادي هادي لحد موصل لدرجة مبحسش بنفسي وبتحول تحول لدرجة كسرت الموبيل في لحظة عصبيه :stink[1]:والمشكله اني مببقاش حاسس بنفسي
مجهود كبير منك على فكرة
أنا كل فترة .. أقرف من نفسي ومن ريحة نَفَسي ومن طعم بقي
وأقول هبطل
ولما أبطل كام ساعة .. أزهق وأقول طيب هنمشيها تدريجي
أخر مرة حاولت أبطل
انا لسه فيها حاليا
ودي جت لوحدها بدون أي رغبة مني نهائي
صحيت الصبح (وزي العادة) علبة السجاير فاضية
دخلت إخدت دش بارد وطلعت لقيت نفسي جعان .. فطرت كويسسس وشربت عصير(ربنا يخليلي الحاجة)
ونزلت ركبت العربية علشان أروح الشغل.. الصيدلية
وقفت عند أول محل أجيب سجاير
أضرب إيدي في جيبيي .. مالقتش فلوس ((مانا بعد الحادثة .. مابقتش بروح من الشغل بأي فلوس أساسا ))
قلت مش مشكلة
كده أكون أنا صحيت الساعة 9 .. ولحد الساعة 12 مفيش سجاير
يعني أول 3 ساعات الصبح مفيش سجاير
وكل المدخنين عارفين إن الإصطباحة ضرورية جدااااااااا ماتعرفش ليه
شغل رايح..قرف جااااااي
لقيت نفسي أخر اليوم ( بعد ماجبت علبة سجاير طبعا أول ماروحت الصيدلية ) لقيتني شربت 6 سجاير بس اليوم كله
أهي دي معجزة
يعني ربع الاستهلاك اليومي .. ومن غير رغبة مني أساسا
حسيت والله فجأة إني مش عاوز أشرب
قلت بركة والله
وأدي الحالة دي ماشية معايا لحد دلوقتي بقالها حوالي 10 ايام تقريبا
رغبة السجاير مش موجودة ... ولو شربت سجاير بتكون لمجرد إني مش متعود أبطلها لسه
ربنا يكرم كل المدخنين
السجاير دي قرف مقرف بالقرفة
صدقني يا دكتور احمد اول يومين بس صعبين شويتين بس اليوم التالت الدنيا طبيعية علي الاخر جدا
هي مساله تعود صدقني
هتلاقي فرق في الصحه فرق في كل حاجة والله كفايا تحس بخر من جواك انك قدرت تتحدي حاجة ونجحت فيها
وهتلاقي الفلوس في جيبك مش هتعرف توديها فين اللي للاسف كانت بتروح علي السجاير و الواحد مش واخد باله علي اساس انها سلعه اساسية
ربنا معاك ويكرهك فيها ومتحولش تفكر هتعمل اية من غير السيجارة والكلام دا كله هو دا اللي بيرجع الواحد لورا حاول تفكر في الحياه الجديده اللي مستنياك رياضه وصحه وفلوس كانت ضايعه وكل حاجة
تعرف يابيدو
انا حسبت مرة الفلوس إلي أنا صرفتها على السجاير من أول ماشربت لحد دلوقتي
يركبوني عربية كوري زيروووووووووووووووووووو(ي ني أنا بقالي 10 سنين بدخن أهه )
طيب مش كنت انت اولي بيهم ؟
يا سيدي كنت صرفتهم علي أي حاجة تانية
كنت هتستفاد بيهم مش هتضر نفسك بيهم
زمان والله كان اللي يقولي بطل وكدا اقعد اتريق عليه بجد واقوله مستحيل والكلام دا
لكن سبحان الله من غير حتي ما انوي جت كدا لوحديها وسبتها الحمدلله
وفي الاسبوع الل فات دا انا لاقي الفلوس في جيبي كتير مش عارف اعمل بيهم اية رحت قلت بقي استفاد بيهم وبقيت اجيب بيهم فاكهة كتير واعمل عصير لقيت نفسي بستفاد وبردة بيفضل معايا
طيب تصدق يا احمد بيك امتحنات الترم الاول قولت ادلع نفسي واشرب مارلي وكنت بحتفظ بالعلب الفاضية مش برميها في شهر كامل لقيت عندي 172 علبة فاضية والله العظيم بظبط في شهر واسبوع
اضربهم في 14 جنية
يعني 2408 جنيه راحو في الهوا
كنت جبت بيهم أي حاجة استفاد بيها
لازم لازم تاخد خطوة ايجابيه دلوقتي
يهتكمل وتخسر
يتبطل وتكسب وكلنا هنقف معاك
اكسب صحتك وفلوسك وشبابك
النهارده اليو الخامس
معدل التدخين قل جدا وصلت انى بشرب 6 سجاير بس فى اليوم
فاضل يوميين و ابطل خالص
يامسهل
اول يوم من غير تدخيين
كنت حضعف الصبح و اقول خلينا نبدأ من يوم الجمعة اهو اجازة برده بس كملت
انا حسبت متوسط فلوس السجاير لقيتنى بصرف فوق ال 5000 جنية فى السنة يعنى ممكن بفلوس السجاير دى الواحد يعمل جاجات كتير موت
يا مسهل نخلص من عبودية السجارة
الحمد للة بقالى انهاردة كدة 15 يوم smoke free
احساس تانى خالص نفس كويس ضربات قلب منتظمة نوم كويس بقيت اكل اى حاجة
نفسى اكمل دعواتكم معايا ربنا يثبتنى اصل انا فى الشغل لسة مانزلتش اجازة
ايوا كدا اوعي تضعف هيا مساله تعود بس ومتخليش الشيطان يلعب في دماغك هما اول يومين بس يعدو ولا اكنها ليها اي لازمة
كل ما تيجي تضعف امسك نفسك وقول انا قدها انا مش هرجع في قراري
وخلي بالك احساس انك عاوز تشرب شيجارة بيجي لمدة خمس دقايق بس في معاد كل سيجارة
صدقنيو اوعي ترجع في قرارك
الحمدلله ربنا يكرهك فيها علي طول يا رب ومتفكرش فيها تاني
شوف بقي انت جربت الاحساس دا والاحساس بتاع التدخين افضل دايما فكر نفسك بيهم عشان مترجعلهاش ابدا
هتفرق معاك في كل حاجة صحه فلوس كل حاجة
واوعي تضعف
لسة من يومين كان عندي حاله وفاه لشخص عزيز عليا والشيطان قعد يقولي ياه يالا اشرب اشرب
وانا اقوله لا هتعملي اية السيجارة دي هتخليني اقوم اطبل وارقص وافرح يعني مش شارب
والحمدلله نسيتها خالص حتي مش فاكر فين الولاعه
واحساس حلو كنت بقولها وانا مفتخر لما حد يعزم عليا بسيجارة ابصله كدا واقوله لا مش مدخن
معلش انا اسف يا شباب اتاخرت عليكم الفترة دي كلها
كان عندي ظروف صعبه شويتين تلاتة
دلوقتي بقالي
16 يوم غير مدخن الحمدلله
اول يومين بس كانو صعبين عليا عشان مش متعود انش مش مدخن لكن الباقي الايام عادية جدا
الحمدلله الفرق ملحوظ في كل حاجة
مبقتش انهج
مبقتش مليش نفس للاكل
مبقتش مفلس من السجاير :D
وحاسس اني انسان جديد خالص
اول اسبوع كامل من بعد اليوم التامن
كان معظمه اكتئاب اكتئاب اكتئاب
لكن الحمدلله دلوقتي بقيت عادي جدا معادا في حاجة هقولها في الاخر
الحمدلله مضعفتش غير مرة واحدة في وفاه عمتي :( والشيطان حاول يلعب في دماغي ويقولي اشرب اقولة لا والحمدلله مشربتش
غير كدا الحمدلله مضعفتش خالص
نيجي بقي للحاجة اللي بنسبالي مصيبة
انا شخص عادي جدا جدا بس عصبي جدا جدا جدا جدا لدرجة ان اسرتي مسميني البلطجي
مش عشان بعمل حاجة وحشة لا
مثلا لو ماشي وواحد راح حك فيا بالعربية لو نزل اعتذر هعديها نزل بجح ولا حتي قالي ان انا غلطان وانا عارف انو غلطان بسيبة ودمه سايل
جت بقي حكاية السجاير
انطبق عليا الاغنية انا مش عارفني
عارفين فيم hulk اللي هو انسان طبيعي ولما بيتعصب ولابس ساعة اول لما عصبيتة توصل في الساعة لرقم يقوم متحول للرجل الاخضر
انا بقيت كدا لدرجة انا بقيت اخاف من نفسي
يعني انا عصبي وبقيت عصبي زيادة جدااااااااا
والمشكلة انو بيبقي غصب عني
او تقدر تقول مش ببقي في وعيي ممكن اعمل حاجة من عصبيتي وانا مش حاسس
لدرجة انهاردة كنت نازل مع اخوية الاكبر مني وهو سايق ومدي اشارة من مدة وداخل يمين لقيت توكتوك عمال يزمر ويعم عدي وانجز وهو داخل عكس
لا اراديا لقيت نفسي بفتح الباب ونازل وواقف قدام التوكتوك وبقول جميع الشتايم وصوتي جايب الشارع كله حتي صوتي لقيتة لما بتعصب بيتخن بطريقة انا بخاف منو وبرزعله علي التوكتوك والناس تيجي تهديني وتبعدني وانا ازقهم وسواق التوكوك بيقولي المكنة هتولع عشان كدا بزمر قولتلة تولع ولا تنحرق انت وهيا ومدي كميه شتايم الاقي بتوع التكاتك بيتجمعو علي اساس اني هخاف قمت مرزع فيهم وقالب التكاتك واتجننت واللي بيقع تحت ايدي منهم بيطلع بدمه والله خافو مني كلهم وجريو حتي الناس اللي كانت بتحوش خافو وجريو مني اخويا خاف مني
بقيت عامل زي ابراهيم الابيض :D:D:DD:D:d
بقيت زي اللي وعيو بيروح منو وتجيلي قوه منين معرفش والله
مش عارف اعمل اية في العصبية دي والله
ومبقتش طايق اي حاجة غلط بتحصل قدامي لو كانت من مين
فلو حد عنده اي اقتراح يساعدني بيه يا ريت :stink[1]:
ربنا معاك :)
باشا الف مبروك ياريس على انك مبطل لغايه دلوقتى انا فرحان اوى بجد بيك انا الحمد لله لسا مبطل رغم انى ساعه الفرز بتاع الانتخابات كنت بنهار وعايز اولع سجاير واشيش لغايه لما انسى اللى بيحصلنا ده
انا للاسف زيك كدا تمام مكنتش عارف نفسى عصبى كدا بس بقالى فتره بحاول اقرا الاذكار وبسبح وبحاول اقرب من ربنا ( الا بذكر الله تطمئن القلوب) قرب من ربنا واذكر الله كتير وصدقنى مش حتتخيل ايه اللى حيحصلك شيل سبحه فى جيبك على طول وطلعها كل ما تبقى فاضى بجد حتلاقى نفسك هديت تماما
انا من جوايا كنت عامل زى امواج البحر ممكن افتكر اى حاجه تغيظ او تضايق وتلاقينى اتجننت اتخانق مع دبان وشى
جربت موضوع الذكر ده فرق معايا اوى حاول كمان تصلى فى المسجد
اسف على الاطاله بس انا مش عارف ليه حبيتك فى الله
ربنا يوفقك
يا محمد بيك ربنا يخليك علي الكلام الحلو دا والله
ربنا معاك ويقويك ويعينك علي ترك العادة الوحشة دي واوعي تفكر ترجعلها تاني صدقني لو مين عمل جمبك اية اوعي
وعندك حق فعلا كل حاجة من فضل الله
بس فعلا كنت بحسب حكاية العصبية دي مش هتيجي واديها جت
وفعلا لازم اعمل بنصيحتك
واحب اقولك ان انا كمان والله احبك في الله وربنا يكتبلك الاجر عشان الموضوع دا وانو ممكن يساعد او يحفز حد انو يبطل
ومدام حضرتك مفجر ثورات عدم التدخين :d يبقي لازم تتابعنا كل شوية :d وتقولنا بردة علي الاحداث معاك عشان نتشجع اكتر
يعني باذن الله الموضوع لن يتوقف هنا
عاوزين نشجع الناس انهم يبطلو ويشوفو كانو محرومين من اية بجد