الموضوع: محتار ما بين الكارينز والقشقاي والسبورتاج دلوني يا خبراء

المشاركة الأصلية كتبت بواسطة farfora20082008

اخي الفاضل لو عملت استطلاع لردود الاخوه هنا هتلاقي ان معظمهم يميلو للقشقاي

وناخدها نقطه نقطه :

- ماتور معمر وادائه ممتاز : ماتور قشقاي هو ماتور جديد مش عارف معمر او لاء بس اللي جربوه بيشكرو في ادائه خاصه بعد سرعه 40 لان سحبه بطيء من 0 الي 40
- عفشه قويه : وبرده كل اللي جربو قشقاي شكرو في العفشه جدا
- وكيل محترم : اظن توكيل نيسان معروف انه توكيل متميز ومعاملته كويسه ويكفي انها عربيه ياباني تقفيل انجليزي يعني عربيه تجمع فيها حاجتين معظم ما يريده اي واحد عايز يشتري عربيه
" نعومه اليباني ورفاهيه وتقفيل الاوروبي "

وهنا تتميز هذه السياره عن سبورتاج : دي يباني ودي كوري . وده يفرق في حاجات كتير منها الاعتماديه وقطع الغيار وغيره . سبورتاج اغلي من قشقاي ده لو لقيتها اصلا . سبورتاج عشان تستمتع بكامل قدره ماتورها هتحطلها بنزين 95 .

انا شايف ان قشقاي تحفه فيها كل ما تريده وسبورتاج تتميز فقط بان شكلها الخارجي افضل من وجه نظر البعض . ولكن كما قلت انت الشكل الخارجي لا يهمك قوي . مع العلم ان قشقاي شكلها برده جميل

واخيرا ربنا يوفقك لما فيه الخير

متشكر جدا اخي الفاضل ولكن لي سؤال بخبرتك هل الفرق بين الكارينز هاي لاين ( 35 الف ) والقشقاي 175 الف يستاهل (بمعني الامكانيات الموجودة في القشقاي تستاهل
وشكرا جزيلا علي ردك

المشاركة الأصلية كتبت بواسطة mody3on

وجهة نظر وتحترم , فعلا السبورتاج لازم بنزين 95 , والقشقاي برضه بينصح ب 95
بس السبورتاج 140 حصان والقشقاي 118 حصان برضه
القشقاي في الفئة دي اعتقد كمالياتها اكتر شوية
بالنسبة لياباني وكوري الكلام ده كان زمان , شوف تابلوه القشقاي وتابلوه السبورتاج , هتلاقي ان القشقاي تابلوه قديم شوية وشكله مش حلو زي السبورتاج , اذا دخل السوق شنطتها كبيرة جدا , توكيل كيا كويس جدا والعفشة ملتي-لينك ممتازة , اوبشن مش وحش , فوج لايت وجنط 17 و auto light sensor , زجاج السائق لمسة واحدة , مرايات كهربا وضم , مقابض الابواب من الكروم , زجاج فاميه , سبويلر خلفي , مثبت سرعة , تكييف امامي وخلفي , دخول بدون مفتاح , ايموبلايزر , 4 حساسات خلفية , الكراسي بتنزل flat بعكس القشقاي , بالنسبة لي السبورتاج عملية اكتر
القشقاي ممتازة , بس انا شايف اكبر عيب ليها الموتور بتاعها والشكل مش حلو زي السبورتاج
بس لو جبت دي او دي مش هتندم

شكرا اخي الفاضل علي الرد ولكن هل كل الامكانيات الي حضرتك ذكرتها موجوده في الفئه ال 175 الف جنية
ثانيا احب ان انوة انا ما يفرقش معايا شكل انا يفرق معايا ادااااااااااااااااااااااا ااءءءءء
ممكن حضرتك تقولي الفرق بين شنطة السبورتاج و القشقاي كام
ومتشكر جدا

المشاركة الأصلية كتبت بواسطة farfora20082008

بص يا اخي لو انت بتفكر في قشقاي وسبورتاج يبقي مش ينفع تفكر في كارينز لاني شايف ان دي بعيده خالص عن دول
- يبقي خلينا في سبورتاج وقشقاي وتقريبا زي ما احد الاخوه قالك مش هتندم لو جبت اي واحده فيهم

يبقي ايه الفيصل هنا :::
- روح دور عليهم في المعارض واركبهم وشوف وانت جوه كل عربيه هتستريح لمين فيهم اكتر
- العربيتين تقريبا بيجو بالحجز وفي اوفر بريس شوف بقي مين فيهم هتكون اغلي وحدد بناء علي السعر اللي هتشوفه

انت اللي هتحدد بس واضح انك ماسك في الكارنز وبتتكلم في فرق السعر وشكلك مستغلي التنيين يبقي خاليك في الكارنز ... انما لو مستعد تدفع لحد 190 الف يبقي انزل دلوقتي وروح التوكيل والمعارض ولف لحد ما تستقر . الاخوه هنا مشكورين وضحولك كل شيء والاختيار لك . ومش بكتر الكلام علي فكره المهم اقتناعك الشخصي اللي هيتحدد لما تركب العربيتين

وربنا يوفقك

متشكر جدا لكل اخوتي الذين شاركوني في ابداء رايهم
الثلاثة سيارات حلوين جدا طبقا لسعرهم واكيد المعظم كان محتار قبل ما يشتري سيارتة زي الي حلاتي هدفع فيها تحويشه عمر
واتمني ان كل من عنده معلومة تفيدني في اختياري ان لا يبخل بها
وجزاكم الله خيرا

سؤال اخير لاخوتي الخبراء في المنتدي
ماتور الكارينز 118 حصان وكذلك ماتور القشقاي 118 حصان
ازاي يتقال ان ماتور الكارينز ضعيف علي ثقل العربيه, والقشقاي قريبة من الكارينز في الوزن والاخوة بيقولوا ان ماتور القشقاي ممتاز مع انهم بيخرجوا نفس الهورس باور
سامحوني انا ضعيف جدا في الفنيات
ممكن اجابة لتسائولي