هام: تحذيرات مختلفة من ظواهر أجرامية منتشرة اليومين دول

**solycar** · 14-06-2008 10:39 AM

المشاركة الأصلية كتبت بواسطة Ahmed A.Maksoud

معلش يا سولى ده تحذير لا بد منه

يعنى أحنا ممكن نقلل من الكلام على الفساد أو الحوادث أو أو أو لأنهم فى الأخر مش هيمنعوا ضرر بس تحذير من حاجة زى دى ممكن يمنع ضرر

ربنا يسترها معانا يا رب

اكيد طبعا
وانت جزاك الله خيرا على التنبيه

بس بجد الموضوع بقى صعب اوى

الواحد ينزل الصبح على حادثة

ويقرا خبر مهبب فى الجرنال

ويستلم المشاكل اليومية بدون توقف

ويجى على المنتدى يلاقى حاجات زى العثل:)وعاوز الواحد ميتخنقش

**Hossam_Hassan** · 14-06-2008 11:52 AM

الحوادث دى موجودة من زمان، بس كترت علشان الناس كترت، و اتعرفت علشان الجرايد و القنوات الفضائية كترت قوى.

الأنسان اول ما قتل، قتل اخوه، بس للأسف من ساعتها ناس كتير بتسمى أولادها "قابيل" و محدش بيسمى "هابيل"

**mmolazem** · 14-06-2008 12:05 PM

المشاركة الأصلية كتبت بواسطة Ahmed A.Maksoud

وصلى مؤخراً خبر من مصدرين مختلفين ليس لهم علاقة ببعض

لك جزيل الشكر على الخبر.

اللهم يا أرحم الراحمين
أرحم عبادك المقصرين.

.

**mada121977** · 14-06-2008 12:46 PM

طيب احنا عندنا مدينه صغيره فى الدقهليه اسمها منيه النصر فى خلال اسبوع واحد اتخطف منها ثلاثه بنات فى ثالثه اعدادى واولى وثانيه ثانوى و واحده منهم بس هيا اللى لقوها مغمى عليها فيييين .... فى شبرا والاتنين التانيين لم يظهر لهم اثر حتى الان ..
للاسف الغابه اللى احنا فيها تزداد توحشا كل يوم ومفيش صياد يعرف يصطاد الوحوش دى علشان الصياد مشغول بمهمه تانيه وهى تأمين قصر ملك الغابه