الموضوع: <<< اللهم ارحم أبا مريم - أخي محمد جمعة >>>

بسم الله والحمد لله والصلاة والسلام علة رسول الله

السلام عليكم ورحمة الله وبركاته

هذه الكلمات من أم مريم , أرملة زميلنا محمد جمعة رحمه الله

النهارده 11من شهر5 ذكرى وفاه محمد جمعه كامل على زوجى الحبيب عارفين نفسى اقول كلام

كتير قوى بس مش عارفه اقوله يمكن لان اللى بنتكلم عنه اكبر من اننا نوصفه فعشان كدا انا

مش عارفه اوصفه او اتكلم عنه بس ابسط حاجه ممكن تقال ان اليوم دا يوم ممتزج عباره عن

قطبين مختلفين يوم ملئ بالحزن من اهل الارض ونفس الوقت يوم ملئ بالفرح من اهل السماء

ولذلك بحس ان اليوم مش سايع الاتنين الفرح والحزن اكيد الدنيا كلها حزينه على محمد انها

خسرته وطبعا مش مشكله الدنيا حزنى انا عليه يملى الدنيا دى كلها واكيد واكاد اجزم ان الله

وملائكته اسعدوا بلقاء محمد اكيد ربنا لما يسمع واحد بيقول انا مش كاره لقاء الله ونفسى اشوف

ربنا اكيد ربنا بيسعد بلقاء هذا الملاك المجسد فى صوره انسان الله يرحمك ياحبيبى ويجمعنى بيك

ياااااااارب قولوا امين اقولكم على سر انا بصراحه كان نفسى ازور محمد النهارده بس غصب

عنى احنا لسه فى اول الشهر وان شاء الله هروح له انا ومريم بنته الجميله اخر الشهر بعد القبض

عشان كدا انا بعتذر لمحمد قدامكم جميعا عشان تبقوا شاهدين انى ماقدرش اتاخر على اجمل حاجه

فى حياتى بمزاجى وانى فعلا حزينه انه ماشفنيش النهارده اكيد ياحبيبى كان منتظرنى واكيد كان

هيفرح قوى لما يشوفنى انا ومريم لانى اغلى حاجه عنده .......محمد كده عنده 28سنه لو كان

عايش ......انا اسفه ياحبيبى وحق على فرحتك عندى غاليه قوى لاتقدر بثمن بس لازم تعرف انك

لسه كنت ولسه وهتفضل حبيبى على فكره انت وحشتنى قوى .....طلبى اللى صحابى احبابى مش

هيخزلوانى فيه كل الناس تدخل تقول الله يرحمك يامحمد ويدخلك الجنه برحمته ويجمعك برقيه

ومريم يااااااااااااااارب امين امين امين وشكرا ياجمل ناس فى الدنيا عايز اوضح لكم صوره انا

مش بدخل عشان مصلحتى وبس لا لا انا بس مش بيكون عندى وقت وغصب عنى فدخولى بيكون

مقابل شغلى ولكن الان دخولى يفضل على شغلى لان هذا اقل حق ممكن ان يقدم لمحمد ارجوكم

سامحونى من فضلكم وساعدونى فى الدعاء بالرحمه لمحمد

رحمك الله يا محمد
ذكرتنا بايام كان الكتف بالكتف
اثبتنا فيه اننا نشد بعضا البعض
وجزاك الله عنا خير الجزاء