لو بتتكلم على ان اي عربية في الفئة دي ممكن تعرض في الملف ده طبيعي ووارد طبعا
لكن ان اي عربية في الفئة دي لما تعرض تبقى Out of control بالمنظر ده
فلا معلش يا كبير مش كل العربيات كدة !!
لا ياحج مش معاك انا يا معلم في الفيديو ده خااااالص
مش هتكلم على مواقف حصلت قدام عيني
لا انا هتكلم على مواقف حصلت ليا انا شخصيا
هحصل معايا نفس اللى حصل في الفيديو بتاع الانسر ده بالظبط مع فرق السرعة
كنت في شارع الهرم بليل وماشي في حدود 120/130
قدامي تلت عربيات
عربيتين قدام بعض على الشمال وفي بينهم مسافة عربيتين وفي وسطهم من نحية اليمين عربية بحيث ان فيه مجال انك تاخد غرزة شمال وتردها بغرزة يمين بس طبعا الاتنين قطم
رحت انا جاي زي الشاطر من ورا وعلى سرعتي
وواخد غرزتين قطم يمين في شمال مابين التلات عربيات
الغرزة بالظبط خدها ورديتها بغرزة تانية بحيث اطلع وادخل من وسطهم
يعني ماكنش فيه مجال اني اخد الغرزة الشمال واعدلها وبعدين اخد اليمين
لا هي الشمال وعدلتها بالغرزة اليمين
اول مارديت الغرزة بغرزة تانية وطلعت لقيت الشنطة جمبي والعربية فضلت ماشية بجمها يمكن مسافة عربيتين تلاتة لقدام
وبعد كدة لوحدها اتعدلت بدون اي تدخل مني اطلاقا !! كل اللى انا عملته اني دوست سنة فرامل وماسك الدركسيون ومالحقتش اعمل اي حاجة تانية لان كل ده حصل في ثواني
يعني ماحصلش زي اللى حصل في الفيديو بتاع الانسر ده نهائيا !!
ده اول موقف
------
تاني موقف كنت ماشي على 120 تقريبا
وقدامي غرزة قطم من نحية الشمال داخل على الغرزة وقلت هاتجبني وكله تمام
اول ماخلاص هدخل الغرزة حسيت انها مش هتجبني
رحت ماسك فرامل لقيت نفسي هلبس في اللى قدامي قلت مابدهاش ورحت داخل الغرزة وانا كااابس على الفرامل !!!
اول ماطلعت من الغرزة العربية عملت بالظبط زي عارف لما تبقى في زفة وعمال تحدف الدركسيون يمين وشمال بس من غير مالعربية ماتعرض !!
ده بالظبط اللى حصل حدفت يمين في شمال في يمين في شمال يمكن بتاع مرتين تلاتة كدة وراحت عدلة نفسها لوحدها
------
تالت موقف ماشي 130 وكنت بشد مع زميلي اللى معاه البرافو اللى انت شفته في الجامعة ده
انا وراه وهو راح واخد غرزة من الشمال طبعا عربيته مافيش اي مشكلة ولا الهوا
انا علما وصلت للغرزة كانت ضاقت جدا ومع ذلك دخلتها برضوا
وراحت العربية يدوب لسه هتعرض لقيتها لمت نفسها لوحدها
طبعا كل المواقف دي حصلت قبل ماركب الجنوط بعد الجنط الموضوع اتحسن شويا عن دلوقتي
انا مش بقول ان الياريس اثبت من السيراتو طبعا لا
بس اللى انا بقوله ان مش كل العربيات لما بتعوم بتغرق !! انا العربية عامت مني كتييييييير والحمد لله مافيش ولا مرة غرقت وفي كل مرة كنت بحس اكن العربية فيها حاجة بتعدلها لوحدها بدون اي تدخل مني
وده اللى خلاني انتقض السيراتو لما شفت انها اول ماعرضت اكن صاحبها فقد السيطرة والتحكم فيها نهائيا وماتعدلتش الا لما وقفت
وده لاني متعود ان العربية تعرض وتتعدل لوحدها فلما لقيت السيراتو عملت كدة استغربت !! ؟
وعلى فكرة الكورولا الشيب القديم برضوا كدة تعرض بسهولة وتتعدل بسهولة
المفضلات