الكاوتش محيرنى

**MohammedAladel** · 13-05-2012 12:10 PM

أنا اشتريت عربية ماشية 105 ألف كيلو والكاوتش اللى ورا لسة متغيرش من وقت ما صاحبها الأول اشتراها يعنى قاطع مسافة جامدة ودا نوعه كونتينتال وبصراحة احترمت الكاوتش دا خصوصا ان ناس كتير شافوه وقالولى يمشيك تانى ولسة ما باظش بس انا بصراحة مش قادر أحد صلاحية الكاوتش بس هو باين عليه إنه قديم وعايز أعرف سعر النوع دا بالذات على مقاس 205 55 16 وكمان أعرف أسعار باقى الأنواع على نفس المقاس لو أمكن ؟ وبالنسبة للكاوتش الأمامى صاحبه معليه ومخليه 60 بدل من 55 هل دا يأثر على أداء العفشة ؟ خصوصا ان العربية جنوط 16 وعايز أعرف ايه الضغط المناسب عربيتى ميجان 2007 قدام وورا وليه ورا دايما بيبقى الضغط اعلى مع ان العربية أتقل قدام عشان الموتور ؟ وعايز أعرف أمتى أغير الكاوتش هل فيه علامة معينة كله بيقول لما النقشة تتمسح وانا شفت كاوتشات كتير متغيرة والنقشة مش ممسوحة متهيقلى ان النقشة عمرها ما هتتمسح بالصورة اللى الناس بتتكلم بيها

**MohammedAladel** · 22-05-2012 02:38 PM

???????????????????

**egyptiandiver** · 23-05-2012 02:55 AM

مش لازم الكاوتش يتقطع مرة و اتنين و تلاتة عشان الواحد يغيره معظم أصحاب الخبرة و المصانع يمكن مش متأكد ... بينصحو الكوتش يتغير ما بين 40 إلى 50 ألف كيلومتر و ده لسلامة حضرتك و أسرتك كمان. و يا ريت احنا نغير الكاوتش لم يجي معاد التغيير و نظبت ضغط الهوى و لازم برد مننساش إن الكاوتش شيلنا و شايل عربيتنا إلي دافعين فيها دم قلبنا و بتتحمل حرارة الصيف الفظيعة بتاعة بلدنا و المطبات و النقر و توب و عين القط و الحديد إلي طلع من الارض إلخ إلخ...

**MohammedAladel** · 23-05-2012 09:19 AM

ههههههههههههه إيه المقصود بعين القط ؟ كتير بيقول الكلمة دى فى المنتدى ؟

**sindbad2day29** · 24-05-2012 03:44 AM

متابع

**egyptiandiver** · 05-06-2012 06:12 PM

عين القط هي العواكس بتاعة الإضاءة إلي بتتحط في الاسفلت و بتكون مرصصة جمب بعض و بتعكس الضوء بزات بليل لكن بتكون بارزة من الارض و مرة على مرة بتساهم أكيد في هربدت و تقطيع الكاوتش بمرور الوقت - أخوك أحمد سامي

**ahmedjumpo** · 05-06-2012 11:12 PM

المشاركة الأصلية كتبت بواسطة mohammedaladel

أنا اشتريت عربية ماشية 105 ألف كيلو والكاوتش اللى ورا لسة متغيرش من وقت ما صاحبها الأول اشتراها يعنى قاطع مسافة جامدة ودا نوعه كونتينتال وبصراحة احترمت الكاوتش دا خصوصا ان ناس كتير شافوه وقالولى يمشيك تانى ولسة ما باظش بس انا بصراحة مش قادر أحد صلاحية الكاوتش بس هو باين عليه إنه قديم وعايز أعرف سعر النوع دا بالذات على مقاس 205 55 16 وكمان أعرف أسعار باقى الأنواع على نفس المقاس لو أمكن ؟ وبالنسبة للكاوتش الأمامى صاحبه معليه ومخليه 60 بدل من 55 هل دا يأثر على أداء العفشة ؟ خصوصا ان العربية جنوط 16 وعايز أعرف ايه الضغط المناسب عربيتى ميجان 2007 قدام وورا وليه ورا دايما بيبقى الضغط اعلى مع ان العربية أتقل قدام عشان الموتور ؟ وعايز أعرف أمتى أغير الكاوتش هل فيه علامة معينة كله بيقول لما النقشة تتمسح وانا شفت كاوتشات كتير متغيرة والنقشة مش ممسوحة متهيقلى ان النقشة عمرها ما هتتمسح بالصورة اللى الناس بتتكلم بيها

يا باشا المشكلة مش فى النقشة و لكن الكاوتش القديم لو بصيت عليه و خصوصا من الاجناب هتلاقى تنميل و شوية شروخ صغيرة بتفتح بعد كده و تلاقى الفردة دابت مع ان النقشة زى ما هى
ممكن تروح لبتاع كاوتش يبصلك على الفرد بتاعتك و يقول حالتها و محتاجة سرعة تغيير و لا لاء