الموضوع: دليلك بالصور قبل شراء جنوط سبور لسيارات-مقال حر

المشاركة الأصلية كتبت بواسطة المنسي

طيب انا كان المقاس الاصلى للجنط 13 والكاوتش اللى كان راكب عليه 13/70/165 ودلوقتى انا مركب جنوط 15 والكاوتش اللى راكب مقاسه كالاتى 15/50/195 فهل ده مبظط ولا ايه وعلى فكرة انا دخلت على الويب سايت بتاع المقاسات مفهمتش منه حاجة

أنا اسف على الرد المتأخر .. أنا مش متابع هنا .. لأن الموضوع متكركر تلت مرات .. أنا شايف إنه كويس ... وتعريض الكاوتش أكيد هيديك ثبات أكتر. هو بس في فرق 2 km/h اقل .. يعني لو مثلا العداد على سرعة 100 كم/ساعه .. إنت ماشي على 102 .. مش فرق يعني .. ومبروك عليك :)

المشاركة الأصلية كتبت بواسطة akrumcs

جزاك الله خيرا على المعلومات دي
بس احب اضيف حاجه كمان انا من حوالي اسبوعين كنت بغير مقاس جنط عربيتي كان الستوك 6J * ET 47 وكان راكب عليه كاوتش 195 /65/ R15 المهم اشتريت جنط جديد اصلي للسياره وكان مقاسه 7.5J * ET47 وكان المقاس اللي حركبه عليه هوا 225/45/R17 طبعا كلل حاجه ماشيه تمام وركبت الجنط من اول مابدأت اتحرك بالعربيه حسيت بتهبيد رهيب في العفشه غير طبيعي مع الأخذ في الإعتبار تغير المقاس والكاوتش ال Low Profile لاكن الهبد مش كده وبعد كده بكام يوم لاقيت طرف الكاوتش الخارجي بدأ يبان عليه لوود اكتر المهم ماكدبتش خبر وبعد يومين كاملين بحث على النت اكتشفت ان مقاس الأوفسيت هوا المشكله وفعلا غيرت الجنط بجنط برضوا اخر اصلي ولاكن كان مقاسه 7J * ET 54 وفضلت الخساره في تمن الجنط على اني اهلك عفشت عربيتي وبالفعل بعد التغير العربيه هديت جدااااااااااااااااا في المطبات رغم انه نفس مقاس الكوتش وكل حاجه اختلاف الاوفسيت الخلاصه
تغير اوفسيت العربيه مش مشكلة الحك في العفشه او الرفرف فقط مشكلته اكبر بكتير وهيا توزيع وزن العربيه بيبقى غلط نظرا لأختلاف اللود سنتر بتاع العربيه
انا حابيت اشاركم تجربتي واي استفسار انا حاضر
وشكرا مره اخرى لصاحب الموضوع

معلش اعذرني ... بس حضرتك غلطان من البدايه .. حضرتك معرض الجنط 1.5 " .. يعني .. 38.1 مم ... وده كتييير جدا ... طبيعي إن ده يحصل ... مش معنا إن الجنط أصلي .. يبقى تغير مباشر على العربيه ... أعلى تعريض تقدر تعمله من غير ماتلعب في أي حاجة هو 1" ... فقط

تاني حاجه .. الجنط التاني الجديد بقى 7" .. وده أكيد أحسن زي ما أنا قلت .. وحضرتك غيرت الاوفسيت .. بس تعرف حضرتك ايه ؟؟ المشكلة مش من الاوفسيت انسب أوفسيت مهما كبرت ... هو الاوفسيت نفسه يعني برده 47 في الرانج اللي قلنا عليه 1" .. اللي عملك مشكلة الهبدا سببها ..هو تُقل الجنط الجديد + الكاوتش وعرضه الزايد ... وبعد التغير بقى اخف و الاوفسيت ظبط معاك ... في حوار كامل بيني وبين أحد الاعضاء في حوار الاوفسيت .. في موضوعي في مكان آخر .. يعني لو كنت جبت 7.5" الاوفسيت 54 كان هيبقى كويس ده في حالة إنه مكنش بيحك من الاول ...

بس طبعا أنا معاك .. لو العرض أكتر من "1 يبقى لازم تزود الاوفسيت عشان كده الجنط هيدخل لجوه بس ياتري هل بقى في مسافه جوه قبل ميحك في المكونات الداخليه ؟؟

نايل موتورز - NileMotors.net بدايه من بوست 17

وأتمنى إنه يفيدك :)

المشاركة الأصلية كتبت بواسطة mohamed_nafie

أنا اسف على الرد المتأخر .. أنا مش متابع هنا .. لأن الموضوع متكركر تلت مرات .. أنا شايف إنه كويس ... وتعريض الكاوتش أكيد هيديك ثبات أكتر. هو بس في فرق 2 km/h اقل .. يعني لو مثلا العداد على سرعة 100 كم/ساعه .. إنت ماشي على 102 .. مش فرق يعني .. ومبروك عليك :)



معلش اعذرني ... بس حضرتك غلطان من البدايه .. حضرتك معرض الجنط 1.5 " .. يعني .. 38.1 مم ... وده كتييير جدا ... طبيعي إن ده يحصل ... مش معنا إن الجنط أصلي .. يبقى تغير مباشر على العربيه ... أعلى تعريض تقدر تعمله من غير ماتلعب في أي حاجة هو 1" ... فقط

تاني حاجه .. الجنط التاني الجديد بقى 7" .. وده أكيد أحسن زي ما أنا قلت .. وحضرتك غيرت الاوفسيت .. بس تعرف حضرتك ايه ؟؟ المشكلة مش من الاوفسيت انسب أوفسيت مهما كبرت ... هو الاوفسيت نفسه يعني برده 47 في الرانج اللي قلنا عليه 1" .. اللي عملك مشكلة الهبدا سببها ..هو تُقل الجنط الجديد + الكاوتش وعرضه الزايد ... وبعد التغير بقى اخف و الاوفسيت ظبط معاك ... في حوار كامل بيني وبين أحد الاعضاء في حوار الاوفسيت .. في موضوعي في مكان آخر .. يعني لو كنت جبت 7.5" الاوفسيت 54 كان هيبقى كويس ده في حالة إنه مكنش بيحك من الاول ...

بس طبعا أنا معاك .. لو العرض أكتر من "1 يبقى لازم تزود الاوفسيت عشان كده الجنط هيدخل لجوه بس ياتري هل بقى في مسافه جوه قبل ميحك في المكونات الداخليه ؟؟

نايل موتورز - nilemotors.net بدايه من بوست 17

وأتمنى إنه يفيدك :)

انا متشكر جدا على اضافتك وتوضيحك وانا فعلا قريت البوست التاني وكان مفيد بالنسبه ليا
بس فيه ليا كام نقطه عايز اعلق عليها
هوا اولا الجنطين اللي ركبوا ولا واحد فيهم كان بيحك في اجزاء العفشه الداخليه للسياره الفرق الوحيد هوا بروز يكاد يكون ملحوظ بالنسببه للمقاس الكبير اللي هوا j 7.5 et 47
والجنطين راكب عليهم نفس فردة الكوتش بس احساسي بالطريق في الأوالاني كان اكبر بكتيير جدا من الثاني وانا اعتقادي يدخل فيها بشكل كبير وزن الجنط
نقطه اخيره وهيا رجوعي لمقاسات الجنوط الأوريجنال اللي واخده موافقه انها تركب على العربيه وده من الموقع الرسمي للعربيه في قسم الإكسسوارات وهيا ان كل جنوط ال 17 ليها نازله على أوفسيت 54 والجنوط ال 18 أوفسيت 51 والجنط الحديد نازل أوفسيت 47 النقطه هنا اني لما اخدت القرار اني اغير للماقس بالأوفسيت الجديد ده كان بناء على وجوده ضمن الإكسسوارات المعتمده للسياره من الشركه الأم
فهل هما لما غيروا المقاس والأوفسيت ماخدوش في اعتبارهم نقطة الزاويه اللي اتكلمت عليها في البوست التاني ؟؟؟
حاجه اخيره اضفها الجنط الأوالاني كان اكسسوارات لاكن التاني اللي راكب حاليا ده قطعة غيار للسياره كودها متطابق معا رقم شاسيه المصنع
انا شاكر ليك مره تانيه لإيضاحك وانا متابع ردك

المشاركة الأصلية كتبت بواسطة akrumcs

انا متشكر جدا على اضافتك وتوضيحك وانا فعلا قريت البوست التاني وكان مفيد بالنسبه ليا
بس فيه ليا كام نقطه عايز اعلق عليها
هوا اولا الجنطين اللي ركبوا ولا واحد فيهم كان بيحك في اجزاء العفشه الداخليه للسياره الفرق الوحيد هوا بروز يكاد يكون ملحوظ بالنسببه للمقاس الكبير اللي هوا j 7.5 et 47
والجنطين راكب عليهم نفس فردة الكوتش بس احساسي بالطريق في الأوالاني كان اكبر بكتيير جدا من الثاني وانا اعتقادي يدخل فيها بشكل كبير وزن الجنط
نقطه اخيره وهيا رجوعي لمقاسات الجنوط الأوريجنال اللي واخده موافقه انها تركب على العربيه وده من الموقع الرسمي للعربيه في قسم الإكسسوارات وهيا ان كل جنوط ال 17 ليها نازله على أوفسيت 54 والجنوط ال 18 أوفسيت 51 والجنط الحديد نازل أوفسيت 47 النقطه هنا اني لما اخدت القرار اني اغير للماقس بالأوفسيت الجديد ده كان بناء على وجوده ضمن الإكسسوارات المعتمده للسياره من الشركه الأم
فهل هما لما غيروا المقاس والأوفسيت ماخدوش في اعتبارهم نقطة الزاويه اللي اتكلمت عليها في البوست التاني ؟؟؟
حاجه اخيره اضفها الجنط الأوالاني كان اكسسوارات لاكن التاني اللي راكب حاليا ده قطعة غيار للسياره كودها متطابق معا رقم شاسيه المصنع
انا شاكر ليك مره تانيه لإيضاحك وانا متابع ردك

أنا حضرتك مقلتش إن في حك من الداخل ... والبروز الخارجي ده هوا اللي سبب الحك الخارجي مع الرفرف زي ماحضرتك قلت
احساسك بالطريق زاد .. لأن لما زاد عرض الجنط... ومع وجود نفس الأوفسيت ال هو 47 ... الCenter Line بعد ... في ال Scrub Radius زي ماحضرتك قريت ... بقى Positive.. في احساسك بالطريق زاد ..
وزي ماإنت قلت كده .. المشكلة كانت الأوفسيت بالنسبة لل 7.5" مش 7" يعني 7.5" كان لازمله 54 ET or أو بس بنسبة كبيرة كان هيحك من جوه .. ال Scrub Radius حاجة محسوسة أكتر ماإنها حاجة ملموسة وتقدر تغير فيها ...


حضرتك قايل هنا إن VW منزله ال 17" ب ET 54 ... بس اللي حضرتك كنت مركبه كان ET 47 مش 54 ؟؟؟؟

أكيد حضرتك الشركه مش هـتغلط في حاجة زي كده ... الفكرة إن ممكن كل المقاسات دي مش بتنفع على العربياتكلها ... يعني مثلا ... العربيه في منها كذا فئة ... من جنط 15" حديد لغيه 18" ... صحيح هما هيركبوه على بعد من غير حك ولا حاجة ... بس ال Scrub Radius هنا مش زي هنا ... عشان كده بتحس بالإختلاف ... فـعشان تركب وتظبط لازم هتلعب في ال ET ... دايما دايما اقصي تغير للجنط هو 2" في القطر و 1" في العرض. ده طبعا عشان احنا في مصر ... لأني أعرف ناس بره عاملة تغير من 15" ل 20" بس العرض كان 6.5" ل 7.5" في مكنش في مشاكل ... بره مفيش الهبل اللي عندها في طرقنا دي أصلا ..

وأي استفسار آخر أنا موجود .. :)

المشاركة الأصلية كتبت بواسطة minded

طيب لو الجنت الاصلي راكب عليه 70/175/13 للكريستالة
و كنت عاوز اركب جانت 14
يبقي ايه مقايس الجنت والكاوتش

شكرا جزيلا

مبدئيا أنا هفترض إن حاضرتك مش هتعرض الجنط ولا الكاوتش ... فـلو الاصلي راكب /175/70 على جنط 13
يبقى الجنط 14" يركب عليه 175/65/14 ... طبعا أنا ماقدرش أقول حضرتك اقصي عرض للكاوتش كام ممكن حضرتك تركبه عشان أنا مش عارف عرض الجنط اللي عند حضرتك كام أصلا ...