عرض للطباعة
سلام الله عليكم ورحمته وبركاته
هل يجوز تفضية الغيار الرابع بدون الضغط علي الدبرياج ؟
يعني وانا ماشي علي الرابع ينفع أموور العربيه من غير ما ادوس دبرياج ولا لأ ؟
واحد قالي الموضوع ده وقالي عادي مش بيأثر علي حاجه فقلت أجربه وجربت فعلا مره بس انا خايف لايكون بيأثر علي حاجه .
هل من إفاده ؟
لو عربيتك جر خلفي مبتفرقش معاك في حاجه بس لو جر امامي بتبوظ الغوايش بتاعت الفتيس
طب هي هتفرق مع حضرتك بايه انك تدوس دبرياج او لا يعني بالحالة دي ؟؟؟؟
افضل انك تدوس دبرياج بين اي نقلة والتانية سواء تموير او هتنقل لغيار اعلى مع العلم انك والعربية ماشية وواخدة سرعة وممورة ممكن تديها الغيار بدون الدبرياج بس ده لو حضرتك مضطر لده لان الدبرياج باظ مثلا وانت ماشي لكن مش تخليه اسلوب سواقة . والله اعلم
دة بيعتمد على سرعة العربية و سرعة لفات الموتور... فية نقطة معينة بتبقى فيها السرعتين متوافقتين و تقدر تعشق او تمور بدون دبرياج و دة مش فى الرابع بس... ممكن على التانى او التالتاقتباس:
المشاركة الأصلية كتبت بواسطة mn3em
طبعا لا ينصح بالموضوع دة لان اى خطاء فى تقدير السرعات ممكن يتلف تروس الفتيس
MMamdouh
يا سلااااااااااااااااااااااا ااااااااااااماقتباس:
المشاركة الأصلية كتبت بواسطة kamalwally
انا سمعت فتى كتير و قليل... لكن دى اخدت المركز الاول بجدارة
MMamdouh
أنا كنت داخل أقول حاجة زي دياقتباس:
المشاركة الأصلية كتبت بواسطة mmamdouh
هو عادي ينقل من غير دبرياج أصلا ويمور بردهاقتباس:
دة بيعتمد على سرعة العربية و سرعة لفات الموتور... فية نقطة معينة بتبقى فيها السرعتين متوافقتين و تقدر تعشق او تمور بدون دبرياج و دة مش فى الرابع بس... ممكن على التانى او التالت
طبعا لا ينصح بالموضوع دة لان اى خطاء فى تقدير السرعات ممكن يتلف تروس الفتيس
بس يا ممدوح من غير تقدير السرعة أصلا الفتيس مش هينقل اللا لما السرعة تكون مناسبة
لو السرعة مش مظبوطة الفتيس هيعض في ايده ومش هتنقل اللى لما يرزعو وساعتها بقى هيكون هو اللي عايز يبوظوا
ولا إيه ؟
مهو دة قصدى
MMamdouh
انا حصلت معايا مرة وكنت ماشي على الرابع وعايز انقل على الخامس لقيت نفسي نسيت ادوس على الدبرياج وبتقل على الخامس وخفت ليكون حصل حاجة فى تروس الفتيس ون ساعتها وانا بخلى بالى
عادي يا باشا زي ما بشمهندس ممدوح شرحلك و في حالة لا قدر الله طقم الدبرياج حصله حاجة تقدر تمشي من غيره عن طريق عدد لفات الموتور و السرعة و الا الفتيس مش هينقل معاك و ممكن تضغط عليه و ساعتها هتخرب الدنيا
و ممكن تمشي بالعربية برده من غير اكسراتير لكن اعتمادا ع الدبرياج فقط لكن بشكل محدود جداااا يعني الأول و التاني
عادى بس مالوش لزمة تعملها لانها فعلا بتأثر على الـ synchronizers اللى في الفتيس وبتسبب لها تآكل خصوصا لو كانت السرعات مش مظبوطة والعصاية تقيلة في ايدك
ولو العربية على مطلع اوعى تنقل او تمور من غير دبرياج ابدا ابدا ابدا
انا بقى كانت بتحصل معايا حركة غبية اوى لما اجى مثلا اجيب من التانى للتالت ، احيانا اشيل رجلى من على الدبرياج والعصاية لسة ما كملتش مشوارها للاخر ( بيحصل خلل في التوقيت ههههههه ) ، والنتيجة بتكون سماع احلى عضة في الفتيس من اللى توجع القلب :D
جزاكم الله خير وبارك الله فيكم جميعا وشكراً علي الافاده وربنا يسترها علينا وعليكم ان شاء الله
طالما الغيار على سرعتة ممكن من غير دبرياج
مش عارف معقدين الموضوع ليه طالما فيه دبرياج دوس و خلاص
والله العظيم انت باشا وجبت الخلاصه:Bravo:اقتباس:
المشاركة الأصلية كتبت بواسطة ahmdmagdy
أصل حكايه النقل من غير الدبرياج عايزه ممارسه زى سواقين الميكروباص هما اللى بتلاقيهم بيعملو الحوار ده علاطول
وتقبلو مرورى
طب ممكن بدل ما تترياء و تقول فتي وخلاص ممكن تسال ايه السبب وأرد عليك لكن انك تقول فتي وخلاص اعتقد ده قمه قله الزوقاقتباس:
المشاركة الأصلية كتبت بواسطة mmamdouh
وحتي لو انا كنت بقول حاجه غلط المفروض ان احنا هنا عشان نتعلم من بعض مش الي عنده معلومه يتنطط بيها و يعمل نفسه فيها ابو العريف في زمانه كانه هو اوتوورنيس ده حتي لما اخترع الموتور البنزين الي الان في حاجات جديده بتضاف عليه و تتعدل للوصول لكفاءه اعلي
فياريت لما يكون عندك معلومه او تشوف حد بيقول حاجه غلط من الافضل انك تفهمه ايه الصح من وجه نظر العبقري الي بيفتي !!!!!!!!
:36_1_37[1]:
اللى اعرفة ان الواحد ميقولش حاجة الا لو متاكد منها و عارف انها صح بدل ما يدى الناس معلومة غلط لمجرد انة عايز يكتب رد و السلام و يعمل ابو العريف زى ما انت بتقول بالضبط
و اعتقد كمان ان قلة الذوق هى ان الواحد يبقى غلطان و يقاوح برضة بدل ما يقول "انا غلطان"
MMamdouh
الموضوع بتاع نقل الغيار بدون دبرياج مش اى حد بيعمله
لان مره الدبرياج فصل من والدى الوير اتقطع فواحد اتبرع (بيعمل واجب ) وراح رازع الاولانى والعربيه دايره
وهب الفرش باظ والديسك(كان لسه جديد) باظ وقاعدة فتيس وذور الفتيس اتكسر (كان ممكن يخش فى فتيس كامل)
وده للعلم حصل فى مسافه متزدشى عن 100متر
انا متاكد من الكلام الي بقوله الدور والباقي علي الي مش عايز يتقبل المعلومه لمجرد انو يكتب (دي تاخد المركز الاول ) لو انت عارف ايه الفرق بين الفتيس في الجر الامامي والفتيس في الجر الخلفي يبقي اكيد حاتعرف ان نظام نقل الغيارات في النوعين مختلف تماما
و عشان اريحك حاقولك انا غلطان وعايزك تفهمني ايه الي بيحصل لما بتنقل بين الغيارات ايه الي بيحصل بالظبط و ايه وظيفه الغوايش والبرميل الي راكب علي كل غيار وانواع التروس عشان نعرف ونستفيد ونشوف مين الي بيفتي !!!!
ز كمان عشان منبقاش بنكتب ردود والسلام
انا عارف الفرق كويس و عملية نقل الغيارات فى الفتيس ملهاش اى علاقة بموقع العجلات الدافعة لان باختصار الفرق الجوهرى بين الفتيسين هيبقى فى وجود جهاز فرقى داخل الفتيس ولا لا
لو العربية امامى هيبقى الجهاز الفرقى مدمج فى الفتيس نفسة و هيبقى خارج من الفرغة عامودين دفع للعجلات الامامية... لو العربية خلفى هتبقى الفرغة فيها تروس الفتيس فقط و خارج منها مخرج واحد للكردان و الجهاز الفرقى بيبقى منفصل و مكانة بيبقى بين العجلات الخلفية
ايه بقى علاقة كل دة بطريقة تعشيق التروس و بعضها؟؟؟ اى فتيس سواء امامى او خلفى هيبقى فيه غوايش و syncro gears ... دة ملوش اى علاقة بدة
MMamdouh
يا هندسة إنت حتى الآن مقولتش معلومة الناس ممكن تتقبلها .. اللي قلته ده مجرد إدّعااااااااء.اقتباس:
المشاركة الأصلية كتبت بواسطة kamalwally
وبدل ما تقول على نفسك إنك غلطان .. وضحلنا أنهي نوع من الفتايس بتتكلم عنه.
يمكن تكون بتتكلم عن شيء جديد عننا أو عندك معلومة مش عندنا .. وساعتها بس يبقى عندك حق.
ياريت الاخ الكريم يوضح لينا يقصد اية بالضبط وانواع صناديق الحركة اللي بيتكلم عنها وياريت يوضح اية الفرق في الفيتيس الخلفي عن الامامي زيادة عن اختلاف اماكن محاور نقل الحركة واندماج الكرونا بالفيتيس ..هل يقصد نوع التروس مثلا مائلة ولا مستقيمة ولا اية بالضبط ياريت يفيدنا بمعلومتة القيمة :10D5C8w1107:اقتباس:
المشاركة الأصلية كتبت بواسطة ahmedhawas
كلام مضبوط الله ينور عليك يادوح لما نشوف اخرتها:36_1_34[1]:اقتباس:
المشاركة الأصلية كتبت بواسطة mmamdouh
مساء الخير وياريت تتقبل كلام المهندس ممدوح لانة شيخ قسم الدايو ومهندس سيارات عن جدارة والموضوع بسيط جدا نبدا بمن اخترع صندوق التروس وهو فرنسي اسمةlevassor وكان بة سرعتين سريع وبطئ فقط وكانت التروس به ذات مقطع مستقيم (اسنان مستقيمة) ونقل الحركة عن طريق انزلاق التروس علي العامود الرئيسي ومازالت بعض ماكينات خلط الخرسانة وطلمبات المياة تستخدم الطريقة دي من التعشيق الاناقتباس:
المشاركة الأصلية كتبت بواسطة kamalwally
بعد كدة بدات التطويرات لكن الفكرة واحدة وتم استبدال التروس المستقيمة الاسنان بالمائلة للحصول علي تعشيق سلس دون اصطدام عنيف وتلاه الوصلات التوافقية (المتزامنة) واختلفت طريقة التعشيق بدلا من تحريك الترس علي عامود الادارة الرئيسي اصبح التعشيق دائم والوصلات التوافقية اضحت هي صاحبة شرف التعشيق بين تروس عامود الادارة المتصل بالقابض ويقال علية الديريك والعامود المناول او المساعد اللي بيحقق نسب التخفيض المختلفة ونتيجة للكلام دة بقي عندنا ثلاث انواع من الصناديق المانيوال
-انزلاقي التعشيق
- دائم التعشيق
-توافقي
وجميع هذة الصناديق تتكون من عمود القابض(العمود الرئيسى ) -عمود الادارة
- النوع الاول ذو التعشيق الانزلاقى يتم تحريك رافعة نقل الحركة الموجودة على العمود الرئيسى الى الامام والى الخلف حتى يمكن تعشيقها مع تروس الادارة كما سبق ذكرة .
- وفى النوع الثانى دائم التعشيق يستخدم قابضان (برميل+غويشتين من البرونز) من النوع البسيط ذات الانياب ويتلاحم انياب القابض مع انياب الترس فيتم نقل الحركة والحصول على السرعة المطلوبة.
- وفى النوع الثالث التوافقي وهو النوع الشائع الاستعمال (نظرا لهدوء تشغيلة وعمرة الاطول نسبيا وقلة اعمال الصيانة المطلوبة) تستخدم وصلات توافقية (تسمي وصلات بورش التوافقية ) تعمل على توفيق سرعات التروس حتى يمكن نقل السرعات بشكل مريح وهادىء دون الاعتماد على مهارة السائق وتعمل الوصلة التوافقية على توفيق الاسنان التى تشتبك بعضها ببعض وبذلك يتم تعشيقها بدون اصطدام بالاضافة الى انة يتم توحيد السرعتين عند طرفى مخروطين يوجد كل منهما على احد العمودين فأذا تحرك احد المخروطين الى الاخر يتم توحيد السرعة بين العمودين وبذلك يتم التعشيق بين التروس بسهولة
دة طبعا بالاضافة الي وجود الكورونا او علبة الساتوليك والمسئولة عن توفيق السرعة بين العجلات اليمني واليسري في الملفات في صناديق الجر الامامي والخلفي للسيارات زي التويوتا mr2
وجميع الصناديق السلف ذكرها يمكن تعشيقها دون استخدام القابض بس علي حساب قوة الصدم بين اسنان التروس المتقابلة ودة بيقصر عمر الصندوق
ومن هنا حاسالك اية الفرق في نظام نقل الغيارات اللي ذكرتة فوق لاني مش فاهم تقصد اية لان كما ذكرت دي كل الصناديق المانيوال الموجودة علي حد علمي فان كان فية جديد ياريت تتكرم وتفيدنا بة وتبقي المعلومة للجميعوربنا يجعلها في ميزان حسناتك .....تحياتي
ادعاء ايه بس ومعلومة جديدة ايه !اقتباس:
المشاركة الأصلية كتبت بواسطة ahmedhawas
انت اللى عندك الجديد
الاصل ان الفتيسات كلها زي بعض وانت اللى فرقت بين الخلفى والامامى ، يبقى انت اللى المفروض توضح !!
+11111111111اقتباس:
المشاركة الأصلية كتبت بواسطة kaza
الله ينور
كان في موضوع اثير من فترة في نفس الجزئية وكان ليا فيه مشاركات مفصلة ممكن حد يرجعلها ( بس هى كانت بتشرح بالتفصيل يعنى للى غاوى يفهم بالظبط وعلى الرسمة )
الموضوع كان اسمه
أرجو الإيضاح علميا: لماذا نفصل الفتيس عن المحرك بالضغط على الدبرياج أثناء نقل الحركة؟
وقلنا في الاول ان ممكن يتم النقل بدون دبرياج عند سرعة معينة وبعدين شرحنا بالتفصيل ازاى بيتم النقل في الفتيس اللى بسينكرونيزر واللى بدون (double clutching)
http://www.nilemotors.net/Nile/189618-a-5.html
ودى المشاركات اللى موجودة بدءا من الصفحة الرابعة
اقتباس:
المشاركة الأصلية كتبت بواسطة amrelsaqqa
اقتباس:
المشاركة الأصلية كتبت بواسطة amrelsaqqa
اقتباس:
المشاركة الأصلية كتبت بواسطة amrelsaqqa
عادى
اقتباس:
المشاركة الأصلية كتبت بواسطة kaza
يا باشا أنا لا فرقت بين خلفي ولا أمامي .. أنا عمري ما قولت كده.اقتباس:
المشاركة الأصلية كتبت بواسطة amrelsaqqa
راجع الموضوع من أوله لو سمحت .. عشان تعرف كلامي كان مُوجَه لمين.
شوف المشاركة رقم 2 ثم المشاركة رقم 20.
الأخوة المحترمين KAZA , amerelsaqqa
واضح إن إنتم حصل عندكم لبس بيني وبين عضو آخر في الموضوع ده.
هههههههههههه .. مش مشكلة .. حصل خير. :satelite:
هههههههههههه يباشا مش انت المقصود فعلا لكن طبعا صاحب المشاركة هو اللي باتكلم عنة وكنت عايز يتفضل بالشرح الوافي لاعضاء المنتدي المحترميناقتباس:
المشاركة الأصلية كتبت بواسطة ahmedhawas
لكن سعادتك فوق راسي ياباشا واسف لو كانت اتفهمت كدة ..تحياتي الحارة لشخصكم الكريم:vctry:
ههههههه معلش عندى دىاقتباس:
المشاركة الأصلية كتبت بواسطة ahmedhawas
مش عارف ايه اللى عمل لخبطة
بس اشطة يعنى منورنا :d
يا سيدي العفو .. ربنا يكرمك ويبارك فيك.اقتباس:
المشاركة الأصلية كتبت بواسطة kaza
مش مشكلة ياهندسة .. طلعت نيران صديقة.اقتباس:
المشاركة الأصلية كتبت بواسطة amrelsaqqa
إشطة جداً ..
تحياتي