أسم البنزينه و مكانها و ده اقل واجب يتعمل مع الناس قليله الضمير دي بعد اذنك
عرض للطباعة
أسم البنزينه و مكانها و ده اقل واجب يتعمل مع الناس قليله الضمير دي بعد اذنك
حسبنا الله ونعم الوكيل
وعايزين حال البلد ينصلح وفي ناس كتير ضميرها بالشكل ده؟!!!
الف شكر يا محمد علي التحذير و انا عامة مش من محبي التزويد بالبنزين من موبيل تماما
يا جماعة محدش يمون من أي موبيل لأنها أسوأ بنزينات في مصر وما فيش عليها رقابة نهاااااااااااائي، الأضمن يا إمارات مصر يا وطنية
حسبى الله ونعم الوكيل
الله يخرب بيوتهم
للأسف يامحمد الصنى ماينفعش يتسحب منها البنزين الا بفك التانك بالنسبه للمكان زى ماانا زاكر دى بنزينه موبيل و انا دايما بتجنب بنزينات التعاون و مصر خوفا من الغش و الرواسب اللى فى البنزينات دى
انا اللى نبهت الناس يامحمد بالخناقه مع صاحب البنزينه و الغريبه ان الناس فضلت و اقفه تمون الازمه برضه صعبه
ربنا يخليك يااحمد و ربنا يوفقك فى الامتحانات
حسبى الله و نعم الوكيل ياباشا
ياباشا علشان ماأظلمش حد فى مهندس ميكانيكى حبيبى بحكيله على اللى حصل قالى الميه بتيجى من بخر البنزين و اختلاطه مع الهواء فى البنزينات و المفروض ان البنزينات بتنظف المستودعات الخاصه بها من وقت لاخر علشان المشكله دى بس اكيد معع الازمه دى ماحدش بيفكر فى الصيانه
تبلغ مين يادكتور الشرطه؟!!!!!!!!!!!!!!!!!!!!!! هى فين ؟
بنزينه موبيل فى اسيوط ماتقلقش بعيد عنك بس خلى بالك من البنزينات اللى عندك ههههههههههههه
و الله ياحمد دمى اتحرق مش على الفلوس اكتر من التعب و خمس ساعات فى الموضوع ده
و الحمد لله على كل شئ
البنزينه انا كاتب انها موبيل و هى فى اسيوط
ثانيا بالنسبه لاختلاط البنزين بالماء بنزين 92 خفيف و ممكن يتخلط بالماء
ثانيا اى حد بيمون بنزين مش بشوف البنزين لان البنزين مش بيضخ الا و المسدس داخل السياره اكيد مش افضى نصف لتر الاول فى الارض علشان اشوف مغشوش و لا لا
السلام عليكم و رحمة الله و بركاته
اللى أنا كنت سمعته زمااااااان مرة, أن الجدران بتاع التانكات لما بتتاكل و يبدأ البنزين نسبة الميه تزيد فيه من المية اللى فى الأرض, ده كلام سمعته و مش عارف بالظبط اذا كان صح و لا غلط, الكلام ده بيحتاج أن التانكات تتغير كل مدة طويلة أوى, لكن لما ألاقى بنزينة جديدة (يعنى التانكات لسه سليمة) و البنزين بتاعها بدأ يبقى فيه ميه كتير و فى نفس التوقيت اللى فيه أزمة بنزين, يبقى الحكاية مش حكاية عوامل طبيعية هى اللى جابت ميه عالبنزين.
السلام عليكم ورحمه الله وبركاته
للتوضيح من الصعب على البنزينة خلط البنزين بالماء لان سيارة التموين الخاصة بالشركة المتعاقدة معها محطة البنزين بتفضى مباشرة من العربية فى تنكات المحطة وعلشان صاحب المحطة يزود مية لازم يسحب خرطوم من الحنفية لغاية مدخل تانك التغذية ودة صعب جدا يتعمل خاصة فى وجود الاعداد الكبيرة جدا من العربيات الى ممكن يقتلوة.اما منين بتيجى المية فهى على حسب معلوماتى كمهندس بترول وان كنت اعمل فى مجال الغاز كالاتى:
1- عدم كسح التانكات لان فى جزىء ماء لابد ان ينفصل من البنزين اثناء تخزينة ودة بيتطلب من الشركة التابع لها المحطة انها تبعت عربية تفضى التانك من وقت للتانى وهو ما لا يحدث مطلقا فى موبيل على الاقل لانى سالتهم.ولو اى حد بيركن عربيتة فترة طويلة لما يفك التانك حيلاقى بقع صدا جوة ودة لان مع الركنة بيسمح لجزىء المية بالانفصال لاسفل وعمل صدا اما الى بيستعمل عربيتة علطول جزىء الميه و لان المفروض نسبتة قليلة بيتبخر ويتحرق فى الموتور من غير مشاكل.
2-ان يكون شركات الامداد فى الازمات بتسحب مستودعاتها للاخر علشان تلاحق على الطلب لان الموضوع امن قومى ودة بيساعد ان نسبة المية فى البنزين ترتفع.وزى ما قلنا ان كدة كدة فى نسبة مية ولاكن لا بد تكون قليلة يعنى تتبخر فى الموتور بلا مشاكل ودة فى كل دول العالم حتى المتقدم ما عدا فى الكتان 95 و98 لان نسبة الحرارة المنطلقة منة لابد ان تكون اعلى.
اسف للاطالة بس الدليل على كلامى ان كل محطات مصر بما فيها الامارات ووطنية ومصر للبترول بتاخد بنزينها من نفس الشركات ولكن الفرق فى تنظيف التانكات.:penguin4: