الموضوع: احزروا البنزين المغشوش

السلام عليكم و رحمة الله و بركاته

ايييييييييييييييييه القرف داااااااااااااااه ؟؟؟

أنا على فكرة, مش ضد أنهم يغشوا البنزين لما يكون فى البلد أزمة بنزين, أنا بس عاوزهم, أما ييجوا يغشوه, مايحطوش ميه كتير, عشان يدوب العربية تكح كحتين و تكمل, مش تقف خالص و تبوظ !!!!!!!!!!!

أقول ايه بس, أخاف أتكلم لأتوقف.

المشاركة الأصلية كتبت بواسطة mohammedabdallh

غلطان
المفروض لما عامل البنزينه رفض يشفط البنزين كنت عملت ايه
زمان كنا بناخد بنزين من اى عربيه ازاى
بالخرطوم ونشفط فى جركن
كنت شفط البنزين على قد ما تقدر وتروح تفول من مكان نظيف وتحط منظف انجكشن والموضوع خلص ووكن كمان تزود ازازة الى بترفع نسبه ااوكتين
ولك تحياتى

للأسف يامحمد الصنى ماينفعش يتسحب منها البنزين الا بفك التانك بالنسبه للمكان زى ماانا زاكر دى بنزينه موبيل و انا دايما بتجنب بنزينات التعاون و مصر خوفا من الغش و الرواسب اللى فى البنزينات دى

المشاركة الأصلية كتبت بواسطة moh_faheem

الله يكون فى عونك
هنعمل ايه لانعدام الضمير
بس مع الاسف مفيش طريقة لمعرفة ان البنزين مغشوش
وازاى مفيش والا عربية رجعت واتخنقت مع عمال البنزينة
ومفيش والا صاحب عربية يرجع ينبه باقى السيارات

انا اللى نبهت الناس يامحمد بالخناقه مع صاحب البنزينه و الغريبه ان الناس فضلت و اقفه تمون الازمه برضه صعبه

المشاركة الأصلية كتبت بواسطة ahmazong

الحمدلله إنها عدت على خيييييييييير ..

ربنا يخليك يااحمد و ربنا يوفقك فى الامتحانات

المشاركة الأصلية كتبت بواسطة land_cruiser

الحمد لله ان حضرتك انصرفت صح و نزلت البنزين المضروب ده و ما كسلتش تروح للميكانيكى و ربنا يعوض عليك. للاسف مفيش ضمير و الناس بتستغل الازمه لتحقيق مكاسب زياده منهم لله

حسبى الله و نعم الوكيل ياباشا

المشاركة الأصلية كتبت بواسطة maserati

السلام عليكم و رحمة الله و بركاته

ايييييييييييييييييه القرف داااااااااااااااه ؟؟؟

أنا على فكرة, مش ضد أنهم يغشوا البنزين لما يكون فى البلد أزمة بنزين, أنا بس عاوزهم, أما ييجوا يغشوه, مايحطوش ميه كتير, عشان يدوب العربية تكح كحتين و تكمل, مش تقف خالص و تبوظ !!!!!!!!!!!

أقول ايه بس, أخاف أتكلم لأتوقف.

ياباشا علشان ماأظلمش حد فى مهندس ميكانيكى حبيبى بحكيله على اللى حصل قالى الميه بتيجى من بخر البنزين و اختلاطه مع الهواء فى البنزينات و المفروض ان البنزينات بتنظف المستودعات الخاصه بها من وقت لاخر علشان المشكله دى بس اكيد معع الازمه دى ماحدش بيفكر فى الصيانه

المشاركة الأصلية كتبت بواسطة mohsunny2009

للأسف...........
ياباشا علشان ماأظلمش حد فى مهندس ميكانيكى حبيبى بحكيله على اللى حصل قالى الميه بتيجى من بخر البنزين و اختلاطه مع الهواء فى البنزينات............

السلام عليكم و رحمة الله و بركاته

اللى أنا كنت سمعته زمااااااان مرة, أن الجدران بتاع التانكات لما بتتاكل و يبدأ البنزين نسبة الميه تزيد فيه من المية اللى فى الأرض, ده كلام سمعته و مش عارف بالظبط اذا كان صح و لا غلط, الكلام ده بيحتاج أن التانكات تتغير كل مدة طويلة أوى, لكن لما ألاقى بنزينة جديدة (يعنى التانكات لسه سليمة) و البنزين بتاعها بدأ يبقى فيه ميه كتير و فى نفس التوقيت اللى فيه أزمة بنزين, يبقى الحكاية مش حكاية عوامل طبيعية هى اللى جابت ميه عالبنزين.

المشاركة الأصلية كتبت بواسطة maserati

السلام عليكم و رحمة الله و بركاته

اللى أنا كنت سمعته زمااااااان مرة, أن الجدران بتاع التانكات لما بتتاكل و يبدأ البنزين نسبة الميه تزيد فيه من المية اللى فى الأرض, ده كلام سمعته و مش عارف بالظبط اذا كان صح و لا غلط, الكلام ده بيحتاج أن التانكات تتغير كل مدة طويلة أوى, لكن لما ألاقى بنزينة جديدة (يعنى التانكات لسه سليمة) و البنزين بتاعها بدأ يبقى فيه ميه كتير و فى نفس التوقيت اللى فيه أزمة بنزين, يبقى الحكاية مش حكاية عوامل طبيعية هى اللى جابت ميه عالبنزين.

الغريبه ان الشكوى دى كترت الايام دى طبعا مش معقول البنزينات كلها باظت فى وقت واحد

المشاركة الأصلية كتبت بواسطة koheya

السلام عليكم ورحمه الله وبركاته
للتوضيح من الصعب على البنزينة خلط البنزين بالماء لان سيارة التموين الخاصة بالشركة المتعاقدة معها محطة البنزين بتفضى مباشرة من العربية فى تنكات المحطة وعلشان صاحب المحطة يزود مية لازم يسحب خرطوم من الحنفية لغاية مدخل تانك التغذية ودة صعب جدا يتعمل خاصة فى وجود الاعداد الكبيرة جدا من العربيات الى ممكن يقتلوة.اما منين بتيجى المية فهى على حسب معلوماتى كمهندس بترول وان كنت اعمل فى مجال الغاز كالاتى:
1- عدم كسح التانكات لان فى جزىء ماء لابد ان ينفصل من البنزين اثناء تخزينة ودة بيتطلب من الشركة التابع لها المحطة انها تبعت عربية تفضى التانك من وقت للتانى وهو ما لا يحدث مطلقا فى موبيل على الاقل لانى سالتهم.ولو اى حد بيركن عربيتة فترة طويلة لما يفك التانك حيلاقى بقع صدا جوة ودة لان مع الركنة بيسمح لجزىء المية بالانفصال لاسفل وعمل صدا اما الى بيستعمل عربيتة علطول جزىء الميه و لان المفروض نسبتة قليلة بيتبخر ويتحرق فى الموتور من غير مشاكل.
2-ان يكون شركات الامداد فى الازمات بتسحب مستودعاتها للاخر علشان تلاحق على الطلب لان الموضوع امن قومى ودة بيساعد ان نسبة المية فى البنزين ترتفع.وزى ما قلنا ان كدة كدة فى نسبة مية ولاكن لا بد تكون قليلة يعنى تتبخر فى الموتور بلا مشاكل ودة فى كل دول العالم حتى المتقدم ما عدا فى الكتان 95 و98 لان نسبة الحرارة المنطلقة منة لابد ان تكون اعلى.
اسف للاطالة بس الدليل على كلامى ان كل محطات مصر بما فيها الامارات ووطنية ومصر للبترول بتاخد بنزينها من نفس الشركات ولكن الفرق فى تنظيف التانكات.

شكرا ياباشمهندس على المعلومات المفيده دى و ده بيأكد كلام مهندس اعرفه ذكر الكلامم ده برضه و لكن سؤالى لحضرتك و انت متخصص فى المنتجات البتروليه كيفيه معرفه البنزين المغشوش بكافه اشكاله و ده هيكون مفيد لينا كلنا