الموضوع: رسالة هامة لكل خبراء رينو ميجان

المشاركة الأصلية كتبت بواسطة shiref_mohamed

برضه اختلف مع حضرتك للمرة التانية ...
مفيش في الدنيا عربية بتمشى من غير صيانة
مفيش حاجه اسمها اعطال بتظهر واحد ورا واحد الكلام ده فتي من ناس اما متعرفش حاجه عن العربية وبتفتي وخلاص كعادة الشعب المصري اما ناس عربياتها مشنات

بخصوص جزئية الصيانه وان مفيش غربيه بتمشى من غير صيانه انا معاك بس بلشكل الملح الى بتحتاجه الميجان فى الصيانه

يعنى مثلا فيه عضو معانا هنا معاه النترا مغيرش فيها مسمار لحد فوق الاربعين الف كيلة وقرب للخمسين ومفيش اى شكوى اطلاقا من العربيه

لو الميجان كان اعترضت اعتارض مفلس للجيوب

وانا عندى عربيه نيسان صنى 83 والله بقالى 4 سنين ما حطيت فيها مسمار جديد زيت وبنزين وفين ما اطلبها تشتغل وتروح كل حته لو الميجان قعدت اربعه سنين من غيار صيانه وبدون اعطال ابقى قابلنى

ولك كل الاحترام والتقدير

المشاركة الأصلية كتبت بواسطة ahmed a.maksoud

مين اللى قال لحضرتك كده ؟

الميجان لو معلمتش صيانة غير زيت و فلاتر و بنزين هتمشى معاك مش هتقول لأ برضه

الأعطال ملهاش علاقة بالصيانة غير أنك لو فيه مشاكل فى البداية بينبهوك عليها فى الصيانة.

أنا معايا ميجان هنا و من حوالى 8 أو 10 شهور كنت بعمل صيانة و قالولى على كذا حاجة عاوزة تتغير و مغيرتش منهم حاجة واحدة و العربية ماشية زى الفل بسم الله ما شاء الله.

و أخر صيانة قالولى على تيل و قولتلهم بلاش دلوقتى علشان أبقى أنا أغيره برة و برضه مغيرتهوش لحد دلوقتى و الكلام ده بقاله شهرين أهو.........يمكن بس فى الفرامل الجامدة شوية بسمع صوت التيل بياكل فى الطنابير و ده مش كويس طبعاً لأنه هيؤدى لتأكل الطنابير أسرع........بس العربية ماشية و مقالتش لأ.

عموماً هو واضح أن حضرتك مش مقتنع بيها بما فيه الكفاية علشان تجيبها........و بنصحك بلاش تجيبها علشان لو حصل أى حاجة حتى لو صوت بسيط أنت مش عارفه هتتقعد منها.

بالتوفيق فى الأختيار لما فيه الصالح ليك إن شاء الله.

أ/احمد عبد المقصود فعلا عندك حق لازم تكون مقتنع بالعربية اوى وبعد كده تشتريها يعن مثلا تلائى الناس اللى معاها بروتون رغم ندرة قطع الغيار وسوء الخدمة فى التوكيل الا ان حبهم فى السيارة مخليهم متقبلين لاى حاجة بالاضافة كمان ان المنتدى بتاعهم رائع وبيخدموا بعض بطريقة رائعة