عاوز اغير كالونات ال128

**HATEMHANY** · 15-06-2008 09:14 AM

السلام عليكم و رحمه الله و بركاته

انا عندى عربيه 128 و طبعا الحراميه مظبطنى اول بأول

طبعا بعد اول سرقه انا ركبت جهاز انظار و فعلا الجهاز امن الكبوت و البابين اللى قدام

لكن الطبل العويله اسمحولى بتخللى اى حد يدب مفتاح فيها و يفتح الشنطه مثلا بسهوله او يفتح الالسنتر و يدخل من البابين اللى ورا و اكنى ماعملتش حاجه

فكرت احط انظار للشنطه لكن المشكله فى الكالون يا جماعه

مهو ممكن يفتح الشنطه و يخطف الكوريك و يجرى مثلا و طبعا عبال ما حد ياخد باله ان العربيه بتزمر الساعه 3 بالليل حايكون وصل بيتهم

يبقى اغير الكالونات دى ازاى

انا كنت شوفت فى التليفزيون طبل الكترونيه من غير مفتاح بالريموت بس

موجوده فين

يا جماعه الموضوع بجد خطيير عاوز المساعده

**shoudy2005** · 16-06-2008 03:14 AM

انتا مش محتاج تغيير كوالين ولا حاجة كل اللى هتعملو انك تروح لكهربائى يركبلك زرار للبابين اللى ورا بحيث اذا فتح احد البابين السيارة تزمر تانى حاجة على احساس الأنذار انا عندى معليه لدرجة انك لما تيجى تنزل المساحات على الزجاج السيارة تزمر بس نفسى اسأل سؤال هى العربية اتسرقت بعد الأنذار؟

**noble911** · 16-06-2008 07:46 AM

غيرتها عندي بالتركي من حوالي سنتين
اللي بيحصل ان الطبل بتتاكل و تنعم و اي مفتاح يفتحها
التركي مفتاحها طويل عن الاصل و فيه شرشرة اكبر و مبقتش تفتح باي مفتاح

لكن معرفش اذا كان في حل احسن من كده

**HATEMHANY** · 18-06-2008 08:14 PM

العربيه اتسرقت بعد ماركبت الانظار لانى مش مركب زرار للشنطه

بس احب اقول ان الانظار لوحده مش كفايه لازم الطبله تكون مش سهله الفتح

انا كنت باسأل هل ممكن اغير الكالون بتاعها بكالون عربيه تانيه خالص

او الكالون اللى بالريموت منغير مفتاح اصلا