تويوتا كورولا 2012-2013 - القبيحة كليا ... قصدي الجديدة كليا !

**CryptonX** · 23-05-2012 09:45 AM

للعلم بس بدل ماكل واحد نفسه يقول كلمة يقولها وخلاص انا مفتحتش سيرة هيونداي في الموضوع خالص. . الدور و الباقي علي الناس الي متعقدة منها :)

**SAMEH_FOUAD** · 23-05-2012 10:26 AM

المشاركة الأصلية كتبت بواسطة amrelsaqqa

وحشة برضه
الصراحة اليابانى كله بقى بيستعبط في الديزاينز بتاعته !
مش عارف حاسس ان ذوقهم انحرف فجأة كدة :d
سواء تويوتا او نيسان او هوندا

وده مجرد رأي في الشكل فقط واه العربيات دى محترمة ولا تقارن بالكورى قبل ماحد يتخانق معايا بس انا بتكلم عن الشكل وفقط الشكل

هو حضرتك شوفت التويوتا avensis الجديدة الكورولا هتكون نسخة مصغرة منها بالظبط

وشكل ال avensis روعة

**SAMEH_FOUAD** · 23-05-2012 10:28 AM

المشاركة الأصلية كتبت بواسطة me_medoo

هههههههههههه

يسلم فومك يا بوحميد.
وبقلوكم ايه ياشباب
وانتو طالعين من القسم عندنا
في على ايدكم الشمال قسم نيسان
خوشووو عليه او خشو قسم هوندا او ميستوبيشي على ايدكم اليمين

اما هنا في المنتدى في تلات اقسام متقربلوهاش
قسم مرسيدس
وقسم. بي ام دبليو
وقسم تويوتا

او اقولكم. روحو اتمشولكم شوية في قسم رينو
او روحو كلو تيرمس وسوداني في قسم العربيات الصيني
هيفرحووو بيكم قوي هناك
هههههههههههه

وتحياتي

ياباشا محدش يقدر يدخل قسم الهوندا يقول اى كلمتين لانهم عارفين what is honda mean

وبعدين ينفع تقول كدة واحنا جيران

**CryptonX** · 23-05-2012 10:35 AM

المشاركة الأصلية كتبت بواسطة me_medoo

ياباشا لساني عاجز عن الشكرررر
وربنا يخليك لينا وكتر خيرك يانجم انك لقيت نفسك فاضي
فقلت يالله خليني اعدي على بتوع تويوتا افك عقدتهم.
وافرغ نفسنتهم من العربيات الكوري هونداي
انا مش عارف من غيرك كنا هنعمل ايه
كنا هنتجنن بالذات باب القسم مقفول علينا وقاعدين بين اربع حيطان هنا لوحدنا
في الظلمة وكل شوية نقول للادارة ولعو النور ولعو النور
مفيش فايدة ده غير جلسات الكهربا
تلاقي المريض التويوتاوي وهو قاعد على جهاز الكمبيوتر. يكهربو الماوس بتاعو كده
كما احب احيي كل من انتقد تويوتا
وعلى رايي احمد هنبقى نبعت فاكس لليابان ونقلهم غيرو تصميمها
دي وحشه خالص يييع ييييع
ياباشا ليه السواقين بيبصو على شكل العربية الخارجي وينسو المضمون
ورغم ان القهوة موررررة الا ان الي يدقها مرة يعشقها بجنوووووون
وتحياتي

العفو و ان شاء الله نجيلكم كل فترة و التانية كدة مع كل عربية تويوتا جديدة ممتعة و رهيبة زي دي :)

وياباشا ماهو بتوا الاوتوكروس قالولك ... بتوع هيونداي ملهومش في العربيات اصلا .. بنحب الشكل بس .. فمتتضايقش يعني !

الموضوع بالظبط شكله كالاتي .. واحد بيقول لصاحبه ... التي شيرت الاديداس الجديدة وحشة اوي اوي اوي على فكرة !

راح صاحبه قايله .. و انت ساعتك السواتش المعفنة دي اي كلام و انت ملاكش فيها اصلا !
وبنطلونك مش لايق مع ال T-shirt ونظارتك مضروبة !

وبما ان الموضوع بقى تلطيش كلام وخلاص !
تويوتا جنب BMW ؟
lol بصراحة ... ..

lol
ربنا يهدي ! يمكن صاحبي ابن الحاج اديداس ولا حاجة !
---

وللمرة الثانية مش انا الي فتحت سيرة هيونداي .. الناس بس الي ياعيني بيدافعوا عن اي ماركة هما بيقتنوها و خلاص .... بيشوفوا الي عمل الموضوع المغرض الفاسد (ونسيوا ان العربية فعلا شبه عربية الزبالة) ويلاقوا راكب ماركة مش على هواهم ... و كمان هيونداي ! لا نفتح على البحري ... و انا لم اقارن بس طلاما السيرة جات و بتوع التفحيت و التخميس هنا ! .. و مش محتاج اقارن .. لان لو هي دي الشكل النهائي لتويوتا ... فطبعا الانترا حتتفوق عليها في 2012 زي ماكتسحت كل الماركات الثانية واولهم السيفيك 2012 التعبانة امه 200 الف جنيه LOL

**me_medoo** · 23-05-2012 10:50 AM

يانهارك ازرق يا (كراي ). انتا خبطت كمان في الهوندا
ياباشا الهوندا دي مش اي حد يركبها برضو لازم يكون فاهم يعني ايه هوندا
الهوندا دي مخلوقه ومصممة لحلبة السباق مش للشوارع
ومفيش عربية تقدر تسابقها

واه ياسيدي. تويوتا بتنافس مارسيدس وبي ام كمان
في عربيات في تويوتا اسمها لكزيس دي بره في دول العالم مرغوبة اكتر من بي ام ومارسيدس
مع احترامي الكامل لمفخرة صناعة العربيات الالمانية

بس عامةً تويوتا طول عمرها وبعض الماركات زي المارسيدس او البي ام اول مايبتكرو شكل جديد
الناس كلها تقو يييييع ايه القرف ده
الشكل القديم كان احلى وبرقبتو
لكن مفيش كام شهر وتلاقي الناس كلها تبيض وتجيبها
وتقول عليها واااااااااااااو
وتحياتي

**CryptonX** · 23-05-2012 11:05 AM

المشاركة الأصلية كتبت بواسطة me_medoo

يانهارك ازرق يا (كراي ). انتا خبطت كمان في الهوندا
ياباشا الهوندا دي مش اي حد يركبها برضو لازم يكون فاهم يعني ايه هوندا
الهوندا دي مخلوقه ومصممة لحلبة السباق مش للشوارع
ومفيش عربية تقدر تسابقها

واه ياسيدي. تويوتا بتنافس مارسيدس وبي ام كمان
في عربيات في تويوتا اسمها لكزيس دي بره في دول العالم مرغوبة اكتر من بي ام ومارسيدس
مع احترامي الكامل لمفخرة صناعة العربيات الالمانية

بس عامةً تويوتا طول عمرها وبعض الماركات زي المارسيدس او البي ام اول مايبتكرو شكل جديد
الناس كلها تقو يييييع ايه القرف ده
الشكل القديم كان احلى وبرقبتو
لكن مفيش كام شهر وتلاقي الناس كلها تبيض وتجيبها
وتقول عليها واااااااااااااو
وتحياتي

ماشي يا (مـــيدو ) بس انا بتكلم على تويوتا مش لكزس .... و الهوندا 2012 الهونداوية نفسهم بيقولك انها منلزتش .. (بيتبروا منها) و ده مش كلامي :)

ماهو انا عربيتي التانية باليو من فيات و ممكن اقولك ان في كام ماركة اسمهم فيراري و الفا روميو و مازيراتي برده يعلموا على لكزس و بي ام دبليو رايح جاي .. بس مش فيات اكيد :)

شكل التويوتا عمر ماحد قال عليه واو .. والبني ادمين بيولدوا مش بيبيضوا :) يا اما لو حصل طفرة بيولوجية حضرتك تعرفها عنا قولنا :) .. من ساعة مااتعملت وموديلات تويوتا هدفها تكون سيارة عائلية بسيطة باعتمادية عالية و اقتصادية تشغيل .. عمرها ماكانت عربية سواق او قيادة رياضية مثل المازدا مثلا والهوندا .. و تصميماتها كلها كانت "متحفظة" و بسيطة .وبااستثناء 2010 بصراحة كانت احلى كورولا في نظري (تصميميا مش موضوعا) على الاقل من الخارج ...

-

-

-

-

الموضوع: تويوتا كورولا 2012-2013 - القبيحة كليا ... قصدي الجديدة كليا !

LinkBack

أدوات الموضوع

عرض

-

المواضيع المتشابهه

كيا كارينز 2013 الجديدة كليا مارس 2013

رينو كليو 2013 ....الجديدة كليا

هيونداي i10 الجديدة كليا ! ستصنع في تركيــا من 2013 !

i30 الجديدة كليا 2012

الكلمات الدلالية لهذا الموضوع

المفضلات

المفضلات

ضوابط المشاركة