استفسار من السادة مالكي فليشيا

**ayman20100** · 23-05-2012 10:27 AM

الحمد لله مش عارف فيه حاجات غريبة بتحصلي اليومين دول
العربية خبطتها امبارح في اكصدام عربية نقل راكنه وعملت خط من اول الباب اليمين الامامي لغاية الرفرف الى ورا عند باب البنزين وطبعا دخلت لجوه وعاوزه سمكرة وده مضايقني جداً لان العربية اغلبها فبريكة من بره ............. ايه رايكوا لو دهنتها ده هيقلل من سعرها عن كونها فبريكية وهل ارش الابواب الاربعة والرفارف بدون الشنطة ولا اعملها كلها ما عدا السقف
معلش توهتكوا ...........((( ياعنى اعمل الحاجات المحتاجة بس واسيب الاجزاء الفبريكة مش مدهونه جديد ولا ارشها كلها )) ؟؟؟؟

ثانياً : نزلت انهارده الصبح برضه لقيت الفانوس الى ورا مكسور ............ برضه كان الاصلي اجيب فانوس اصلي ولا موجود وش فانوس اصلي ...... لاني شوفت وش الفانوس المصري ولقيته زباله .......... اعمل ايه اجيب فانوس كامل استيراد واشوف صرفه للي معايا ولا ممكن الاقي حد بيبع وش اصلي ولا هضطر اجيب الوش المصري ؟؟؟

**saint** · 23-05-2012 01:49 PM

قدر الله وما شاء فعل.
اولا الاختيار الاول انت ممكن تعمل الجنب كله سمكرة ودوكو وبالمرة وش ورنيش للعربية كلها والتكلفة تقريبا فى حدود 400 بدون السمكرة.
الاختيار الثانى ممكن تعمل العربية كلها وش نظافة وتلقط اللى فيها يعنى اللى يظهر وبرضه انت الكسبان وهاتفرح بالعربية والتكلفة فى حدود باكو.
اما الفانوس انت تجيبة استيراد احسن فى حدود 100 ج.

**a_hejazy** · 23-05-2012 01:49 PM

ربنا يعوض عاليك
أنا رأى الشخصى أرش الأجزاء الى محتاجه رش ضرورى وأسيب الأجزاء الفبريكه
وبعدين ألمع العربيه كلها مع بعض هتحس أنها اترشت كلها
وبالنسبه للفنوس مفيش وشاش أصلى
هتشترى فانوس استيراد أفضلك هوه فى حدود 120 تقريبا

**ayman20100** · 23-05-2012 02:09 PM

المشاركة الأصلية كتبت بواسطة saint

قدر الله وما شاء فعل.
اولا الاختيار الاول انت ممكن تعمل الجنب كله سمكرة ودوكو وبالمرة وش ورنيش للعربية كلها والتكلفة تقريبا فى حدود 400 بدون السمكرة.
الاختيار الثانى ممكن تعمل العربية كلها وش نظافة وتلقط اللى فيها يعنى اللى يظهر وبرضه انت الكسبان وهاتفرح بالعربية والتكلفة فى حدود باكو.
اما الفانوس انت تجيبة استيراد احسن فى حدود 100 ج.

شكرا ياباشا على الرد وان شاء الله ابقى اروح اتكلم مع بتاع الدوكو في موضوع الرش ده واشوف الاقتراح التاني هيقلل من تمنها ولا لاء بمعنى الى هيشوف العربية هيحس انها عامله حادثة لا قدر الله ولا هيفهم انها نضافة ......... ومرة تانيه شكراً لردك الجميل
والفانوس ان شاء الله هنزل اشوف الاستيراد وربنا يسهل
ما تعرفش تاجر في الوكالة اروحله على طول ؟؟؟

**ayman20100** · 23-05-2012 02:14 PM

المشاركة الأصلية كتبت بواسطة a_hejazy

ربنا يعوض عاليك
أنا رأى الشخصى أرش الأجزاء الى محتاجه رش ضرورى وأسيب الأجزاء الفبريكه
وبعدين ألمع العربيه كلها مع بعض هتحس أنها اترشت كلها
وبالنسبه للفنوس مفيش وشاش أصلى
هتشترى فانوس استيراد أفضلك هوه فى حدود 120 تقريبا

شكرا والحمد لله
وانا كنت ميال اني اعمل زي ما قولت في موضوع الرش ارش الاجزاء الى محتاجه بس بس انا لقيت انه خط واحد واخد بابين ورفرف فيعتبر هعمل الجنب كله والناحية التانية فيه خدوش سطحية عشان كنت كنت بسال عن افضل الحلول واهم حاجة بالنسبالي انها كانت تفضل في حالتها لاني بصراحة شوفت عربيات مرشوشة واقل خدش الدوكود يقشر وشكلها يبوظ انما العربيات الفبريكة زي ما كانت عندي عمرها ما بتقشر بالساهل ابداً كنت بحس انها صاج ملون بس النصيب بقى الحمد لله هشوف برضه مع بتاع الدوكو اقتراح حضرتك والف شكر على ردك
والفانوس هشوف بتاع الاستيراد وربنا كريم

**sakr_skoda** · 23-05-2012 10:40 PM

ربنا يعوض عليك........

اولا :
انت ممكن تعمل سمكرة للجنب والرفرف وترش العربية ما عدا الشنطة والسقف....*
ثانيا:
وليه تشترى فانوس جديد انتا ممكن تشترى وش عادى مصرى يعنى ودا سعره تقريبا فى حدود 25 جنية وانا بقلك كدا ليه لأن الفانوس الخلفى معرض دائما للكسر لذا فالنصيحة اشترى وش وركبة انتا بنفسك ....*

**sakr_skoda** · 24-05-2012 06:50 PM

المشاركة الأصلية كتبت بواسطة ayman20100

انا شوفت الوش المصري الى حضرتك بتقولي عليه بس بصراحة شكله كان زباله وانا مش عندي استعداد افك الوش والحم وش مصري وشكله غبي وانا لقيت ب 10 جنيه بس كمان مش 30 وحد تاني قالي المصري ب 15 والصيني ب 30 والصيني افضل في الجودة ......... انا ممكن اجيب استيراد وابقى ابيع الفانوس لحد عاوز فانوس وهيركب وش مثلا

انا ركبت قبل كده وش للفانوس الامامي وشكلها ما عجبنيش ورميته في البيت وجيت فانوس جديد
انا عكس الناس شوية بحب يبقى مظهر العربية من بره كويس اكتر من جوه .... ياعنى الفرش عندي عاوز يتغير وعاوز حاجات كتير تتظبط جوه بس ما امشيش بالعربية شكلها مقطع كده من بره

والف شكر على رد حضرتك واهتمامك وبرضه ان شاء الله هنزل واشوف الدنيا فيها ايه وابقى اقولك عملت ايه

ربنا معاك....................*

**ayman20100** · 26-05-2012 11:10 PM

ضيفوا بقى سؤال كمان هو الهاند بريك مالوش لازمة وانت ماشي خالص ياعنى العربية وانا واقف ما تمشيش لو شداد الهاند بريك بس لو ماشي على اي سرعة وشديت الهاند بريك ما بحسش باي فرق خالص مهما عملت ............... ده ليه وتفسيره ايه ؟؟؟