حياتي عباره عن كارثه و مش لاقي حل

**cvt2008** · 23-05-2012 05:17 PM

أخى الكريم
أولا إسمى وائل
ثانيا
عليك بالصلاه والدعاء لله وخاصة أثناء السجود
والتوبة النصوحة
وتذكر قول الله تعالى إن مع العسر يسر
حاول باجتهاد تخلص الكلية ومتفكرش فالشغل أثناء الفترة الدراسية
ممكن فالاجازات الصيفية تحاول تجرب
وبعدين ما تبصش على الناس اللى انت فاكر ظروفها أحسن منك
بص على الناس اللى ظروفها أقل منك وأحمد ربنا على اللى انت فيه
وإعتبرنا كلنا فالمنتدى إخواتك وأصحابك
وفى أى موضوع أو مشكلة معاك ممكن تطرحها فالمنتدى وكلنا هنقول رأينا واللى يخلصنا من ربنا
ودة رقم تليفونى الشخصى 01221015090
وأنا سعيد مقدما بإتصالك

**friendship7897** · 23-05-2012 05:35 PM

ربنا يفك كربك وكرب كل الشباب ويشيل من عينكم الغيامة ومنهم أبني إن شاء الله " ماأصاب عبداُ هم ولاحزن فقال : اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن العظيم ربيع قلبي ، ونور صدري وجلاء حزني وذهاب همي " . إلا أذهب الله حزنه وهمه وأبدله مكانه فرحاً " رواه أحمد وصححه الألباني.الكلم الطيب ص74

**2kte2ab** · 23-05-2012 05:53 PM

انا غلط فعلا اني اختصرت و ا كتبتش التفاصيل
انا و لا بعلق شماعه فشلي علي حاجه ولا نيله
ولا بقول الكليه و الدكاتره هما الاساس اني مش عارف اتخرج....

و اللي اني دماغي تعبانه !!!
و اللي عمال يقول اني عايز مكسب سريع!!

انا قبل ما ا يبقي معايا الفلوس ديه كنت بفكر في مشاريع ابدء من تحت الصفر
و حاولت كتير اني اخد خبره و اشتغل بأيدي
و ما كنش حد عايز اصلا يشغلني برضوا

و موضوع الصلاه...انا بصلي من صغري....
و كتير كنت بلتزم في الجامع
و قعدت اجرب كل الجوامع...الاقي صوته استغفر الله العظيم
لأما بيطول جامد....
فقللت الصلاه في المسجد

من الاخر فيه تفاصيل مش هينفع اقولها علشان يمكن حد يتكعبل فيا و هيعرف انا مين
و انا مش عايز حد يعرفنني

انا فيا مشاكل مع نفسي غريبه و مع الناس و في التعامل في اي حاجه
يعني مش بعلق فشلي علي اللي حوليا في كل حاجه ...بس المشاكل اللي عندي ديه بسبب شخصيتي
مش عارف اغيرها

و برضوا هقول تاني مش هقدر اكتب تفاصيل توضح اكثر من كده

اللي مافهمش ماشي.. و شايفني دماغي تعباني و مقضيها كسل و ضياع بمزاجي...صباح االفل
و الللي عنده حل يقول..
ومش عايز ردود تفقع اكتر منا مفقوع

**khpopo** · 23-05-2012 05:57 PM

المشاركة الأصلية كتبت بواسطة matrix_it

بص اولا انت فى كلية ايه و فضلك كام سنة على التخرج !!؟ ثانيا انت لازم تحد تارجت قدامك تحققه عشان تحس بذاتك و ثقتك فى نفسك
انا لو مكانك هعمل الاتى
1- هنزل اصلى كل الفروض فى الجامع حتى الفجر
2- هروح الجيم
3-هرركز شوية فى الكلية جنب الشغل يعنى ممكن محضرش بس اجيب ورق واعرف الدنيا ماشية ازاى
العربية قلل تحركاتك بيها و الجامع ان شاء الله هتعمل علاقات بالناس بالعبيط و هتلاقى نفسك بتصيف معاهم كل سنة قصدى تبات معاهم فى الاعتكاف وربنا معاك يا بطل

+1111111111111

ربنا يوفق

**aif** · 23-05-2012 06:07 PM

ربنا يفك كربك وييسر امرك
علاقتك بوالدك كدة فيها حاجة غلط
انت مقتنع ان والدك هو اكتر واحد بيحبك في الدنيا ؟؟؟؟
...
القرب من الله مش بس الصلاة في الجامع
حاول تقول اذكار الصباح والمساء
مجرد 5 دقائق مش ح يعطلوك
حاول تتعلم قراءة القرءان والتجويد
...
رضا الأب من رضا الرب
خلي بالك من علاقتك بوالدك

**ghostmido** · 23-05-2012 08:02 PM

المشاركة الأصلية كتبت بواسطة 2kte2ab

انا كاتب الموضوع بصراحه غير كامل
او اقدر اقول ممكن ماتلقيش مشكله بالنسبه لناس كتير

مشكلتي باختصار....ضياع و فشل طول حياتي في كل حاجه...علاقاتي بالناس و بعيلتي
ما عنديش شخصيه قويه ...و ما فيش حد بيعملي اي حساب في اقل حاجه
عيوبي مغطيا علي مميزاتي بكثير مش مخليا الميزه باينه او تكمل حاجه فيها ..
و عيوب مش قاصد اعملها ...حاجه كده في شخصيتي ..كثير حاولت اغيرها و مش عارف
عيوب مش اني بأذي حد او بضايق حد...عيوب هي اللي بضايقني
ما فيش اي ميزه في اي حاجه...حتا لو لعبه او اي حاجه فيها مهاره

طول عمري في حالي و ماشي جنب الحيط...و مش بتاع مشاكل و ببعد عنها
لاكن من صغري بتكعبل في مشاكل كثير ...

حاسس اني ماليش مستقبل..و مش عارف انجح في ابسط الامور في حياتي
و كل يوم بقول ان شاء الله ربنا هيفرجها...و كل يوم الدنيا بضلم اكثر

مشكلتي مش مشكله فلوس ..ولا حتا مشكله الناس بس...
انا مش لاقي نفسي في الدنيا
و مش عارف انا اصلا عايش ليه...ولا ايه لازمه الفلوس
حتا لو بقيت غني...و بعدين ايه اخرتها يعني
عندي احساس من و انا عيل اني عباره عن خيال ولا ليا اي تلاتين لازمه

و ذي ما اعتقدت لقيت ردود اني دماغي تعبانه...و اني كسلان و مش عايز اتعب
و كل واحد اكيد ليه رأيي....بس فعلا مش عارف اكتب تفاصيل حياتي...من كترها و كلها بتدخل في بعض و انا بكتبها
انا معظم حياتي و علاقاتي كلها مشاكل...و طول الوقت مش طايق الدنيا ولا طايق حاجه

و كان في حد سألني انا في كليه ايه...
علشان بس لازم ارد....انا مش عايز اقول في كليه ايه ولا في سنه كام بصراحه
وموضوع اني اروح الجيم
جربت كتير من زمان...وانا اصلا رفيع...و بقعد شهور...ولا حتا بيطلعلي دمل عضل

صلى على النبى يا معلم.
صدقنى الناس هنا كلها عايزة تساعدك ممكن لوكان حد نصحك بحاجة انت اصلا بتعملها علشان هما مهتمين بموضوعك.
انا نصيحتى ليك لما الدنيا تديك ضهرها ادى ضهرك انت كمان للدنيا.
وعلى فكلرة مش كل الناس اللى مخلصة دراسة مبسوطة ومش كلهم شغالين.
واللى شغال مش كله شغال كويس.
واللى متجوز محدش فيهم مبسوط .
ومش كل واحد ابه وامه ماعندهمش مشاكل.
ياعزيزى كلنا عندنا مشاكل بس ممكن تكون بنسب مختلفة.
تحياتى وربنا يوفقك يا باشا.
لو احتجت اى حاجة ممكن تكلمنى على الخاص وانا تحت امر معاليك فى اى حاجة.
على فكرة موضوع ان الناس مش واخدة بالها من حضرتك مش شرط تكون انت السبب.
انا كتير كنت بحس كده بس ده لييه كذا سبب.

**sama_Sama** · 23-05-2012 08:21 PM

لو بتعمل ذنب توب عنه، لو مش عارف، قيام الليل، مش قادر، يبقى صيام

**alexaway** · 23-05-2012 09:45 PM

بص يا جميل
اللي عندك دا إكتئاب نفسي نتيجة تربية غلط فى مجتمع غلط , ودا مرض يعني لازم ليه علاج ومع احترامي للاعضاء اللي بيقولوا قرب من ربنا واقري قرآن ,دا مرض ولازم ياخد ليه علاج ومينفعش انه يصلي ركعتين حيخف ويبقي كويس , المرض النفسي زيه زي المرض العضوي , ينفع واحد عنده سرطان يصلي ويقري قرآن يخف ولا يروح لدكتور ويتعالج .
نفس الكلام بالنسبة للمرض النفسي لازم تروح لدكتور نفسي وتتابع معاه كرس علاج مش اقل من 6 شهور , حتتحسن حالتك وحتتغير نظرتك للحياه بنسبة كبيرة .
واهلا بيك يا سيدي معانا
وعلي فكرة انا مريض اكتئاب منذ حوالي 10 سنين وباخد علاج ورحت لاكبر دكاتره نفسيين فى اسكندرية وفرق معايا العلاج بنسبة كبيرة جدا .

**2kte2ab** · 23-05-2012 10:00 PM

المشاركة الأصلية كتبت بواسطة alexaway

بص يا جميل
اللي عندك دا إكتئاب نفسي نتيجة تربية غلط فى مجتمع غلط , ودا مرض يعني لازم ليه علاج ومع احترامي للاعضاء اللي بيقولوا قرب من ربنا واقري قرآن ,دا مرض ولازم ياخد ليه علاج ومينفعش انه يصلي ركعتين حيخف ويبقي كويس , المرض النفسي زيه زي المرض العضوي , ينفع واحد عنده سرطان يصلي ويقري قرآن يخف ولا يروح لدكتور ويتعالج .
نفس الكلام بالنسبة للمرض النفسي لازم تروح لدكتور نفسي وتتابع معاه كرس علاج مش اقل من 6 شهور , حتتحسن حالتك وحتتغير نظرتك للحياه بنسبة كبيرة .
واهلا بيك يا سيدي معانا
وعلي فكرة انا مريض اكتئاب منذ حوالي 10 سنين وباخد علاج ورحت لاكبر دكاتره نفسيين فى اسكندرية وفرق معايا العلاج بنسبة كبيرة جدا .

انا روحت لدكتور نفساني كبير و معروف و معملش اي حاجه معايا غير قداني ادويه تقرف
قعدت مهمداني سنه بحالها ...و مش عارف اعمل اي حاجه بسببها و جايبالي خمول بزياده اوي

قولتلوا شوفلي حل من الادويه ديه....يقولي انت اكيد بتدلع
لدرجه كان نفسي اشتمه و اقولوا انت دكتور حمار و مش فاهم اي حاجه

روحت لواحد غيره برضوا ماعمليش اي حاجه
ما بقتش اروحلوا هو كمان
و قللت الادويهواحده واحده مع نفسي لحد ما بطلتها