الموضوع: صفة لانسر 1300 الخليجية

المشاركة الأصلية كتبت بواسطة sharky

السلام عليكم

أنا قرأت فى الجرايد يا دكتور إن فيه منها 1300 بيتباع بـ78500.00 جم هل دا صحيح ؟

فعلا انا حاجز واحدة بالسعر ده وقالولى كمالياتها تكييف + باور فقط 1300 خليجى فياريت حد يساعدنى ويقولى ايه الكماليات الى ممكن الاقيها فاضلة فى العربية
وهل الشنطة وتنك البنزين بيفتحو من الداخل وهل فيها كاسيت والامافيهاش وهل بها كام سماعة واماكينهم فين لانى بلاحظ عدم وجود سماعات بالخلف فى الخليجى
واسف على انى طولت عليكم وياريت خبراء الانسر يساعدونى
وعلى فكرة هم هايدونى ضمان 3 سنوات او 60000 كيلو وعلى فكرة كان فى بالكامليات بس انا اخترت دى عشان ارخص
ارجو المساعدة فى معرفة تفاصيل عن السيارة وشكرا

المشاركة الأصلية كتبت بواسطة Dr Ahmed

يا فندم 78 ألف إزاى؟ لا أظن أبدا بصدق هذا السعر، المعروض تكييف وباور ب 87 مش ب 78 ، جايز حضرتك بتتكلم عن بواقى 2007 لكن لو كان السعر صحيح فلن تجد فيها غير التكييف والباور وفتح الشنط والتنك من الداخل وغالبا تكون أردنى.
ومفروض حضرتك اللى تقول لنا لأنك حاجز فعلا ، هو حضرتك حجزتها من غير ما تعرف فيها إيه ومفيهاش إيه؟ لازم تعرف من اللى حجزت عندهم..

يافندم دى سيارات خليجية من الكويت وهذا العرض للعاملين فى الطيران المدنى فقط مع تسهيلات فى السداد والحقيقة هى ب 70000 جنيه وليس 78000 جنيه وبالتقسيط والاستلام بعد 3 شهور فهل من افادة لو سمحت عن هذه السيارة وبعدين هما قالو ان مافيهاش غير تكييف وباور بس الى انا بسال عنه ايه الحاجات الى ماتعتبرش كماليات وتعتبر من الاساسيات فى العربية دى

العربية دي بتتحجز تبع رابطة المراقبين الجويين بالتعاون مع بنك عودة ..
لكن حاولت اعرف من الموظفين هناك مواصفات العربية محدش اداني اي افادة ..
حاولت اوصل منهم للمعرض اللي بيستوردها محدش قاللي حاجة ..
طيب فين مركز الخدمة ...؟؟ هي ليها ضمان و خلاص ..
طيب التسليم .. من شهرين لتلاته ..
طيب يا اخوانا احجز حاجة معرفش حتي مواصفاتها ؟؟؟
محدش رد عليا!!!!

المشاركة الأصلية كتبت بواسطة Hassan Khalil

العربية دي بتتحجز تبع رابطة المراقبين الجويين بالتعاون مع بنك عودة ..
لكن حاولت اعرف من الموظفين هناك مواصفات العربية محدش اداني اي افادة ..
حاولت اوصل منهم للمعرض اللي بيستوردها محدش قاللي حاجة ..
طيب فين مركز الخدمة ...؟؟ هي ليها ضمان و خلاص ..
طيب التسليم .. من شهرين لتلاته ..
طيب يا اخوانا احجز حاجة معرفش حتي مواصفاتها ؟؟؟
محدش رد عليا!!!!

عزيزى
المعرض اسمه شركة المنار لاستيراد السيارات ودا الى انا عارفه

يا اخي الكريم ..ما انابعد ما سالت الموظف اعطاني ورقة الاسعار و فيها اسم المعرض ...بس ..لكن فين المنار ده ..و صالة العرض بتاعته فين ؟؟؟
وورقة الاسعار مش موضحة المواصفات ..ده حتي اللانسر السوبر اكشن كاتبين عليها سوبر لوكس !!!
و مركز الخدمة مش كاتبين عنه الا انه ( مركز خدمة مقام من الشركة المورده ) و احنا منعرفش حاجة عن الشركة الموردة .
طيب.. عايزين نروح المعرض نشوف هو عارض ايه ..علي الاقل حتلاقي عنده عربيه ..او الاحسن من ده كله ..ان بتوع المعرض اكيد عارفين كويس مواصفات العربية اللي حيستوردوها..مش توافقني في النقطة دي برضه ؟؟
يمكن كل شخص له طريقته في التصرف ..لكن انا شخصيا معرفش ادخل في طريق معالمه مش واضحة بالنسبة لي ..
و ربنا يوفقك في اختيار ما تحب

انا معاك بس الى مطمن الواح ان اموضوع ده مش عاملاه شركة او معرض لا دالموضوع ده عاملاه الرابطة ودى تبعنا يعنى هاتكون حطة مواصفات وشروط فى صالحنا مش علينا والا ايه رايك

المشاركة الأصلية كتبت بواسطة aymata

انا معاك بس الى مطمن الواح ان اموضوع ده مش عاملاه شركة او معرض لا دالموضوع ده عاملاه الرابطة ودى تبعنا يعنى هاتكون حطة مواصفات وشروط فى صالحنا مش علينا والا ايه رايك

ده اكيد ..
بس اللي مخليني واخد خطوة لورا ان مفيش حد بيديني اجابات ..
و زي مقولتلك ..مبعرفش امشي في السكة دي .. و حتي لو طلع الموضوع صحيح مبزعلش اني مخدتش فيه ..لانه اختياري من الاول ..
علي فكرة ..انا مش تبع الرابطة .. و لكن كنت حاخد باسم احد اقربائي ..
عموما ..ياريت اذا وصلتك معلومة جديدة تقولنا عليها .. و لك جزيل الشكر و التحية
و بالتوفيق