"عيادة طب الاطفال للإستشارة " الجزء التانى

**د.محمود صلاح** · 17-05-2013 03:29 PM

المشاركة الأصلية كتبت بواسطة amr_mo

دكتور محمود سؤال اخر بعد اذنك

بالنسبة للأكل الخاص بالأولاد هما عندههم 10 شهور حاليا والافطار اليومي بيبقى صفار بيضة مسلوقة مخلوط بالزبادي، سؤالي هل تناولهم لصفار البيض بشكل يومي ممكن يعملهم اجهاد وتعب للكبد في المرحلة العمرية الي هما فيها ولا مفيش منها قلق وخوف؟ لأني اعرف ان صفار البيض بيبقى مجهد للكبد في هضمه فهل ده ممكن يعملهم مشاكل بعد كدة؟

انا ملاحظ ان وزنهم ثابت من حوالي 3 شهور عند 10 كيلوجرام لكل واحد مفيش زيادة في الوزن ووديتهم عند التدكتور الي انا متابع معاه وكشف عليهم وقالي صحتهم العامة ممتازة والحمد لله ولكن مش عارف ايه سبب عدم زيادة وززنهم وثباته من فترة على 10 كيلوجرام، هما متعبين شوية في الاكل بشكل عام بس في النهاية بياكلو كل حاجة تقريبا دلوقتي ما عدا اللحوم فحضرتك تنصحني بايه من الناحية دي

السؤال التاني، انا عارف اهمية الاوميجا 3 في السن ده علشان تنمية المخ وذكاء الطفل ولكنهم مش قابلين طعم السمك باي شكل مهما حاولنا ننوع في طريقه عمله سواء مشوي او غيره فهل في ادوية تنفع للسن ده تحتوي على الاوميجا 3 عن طريق انها تكون جرعة يومية؟

شاكر لحضرتك على سعة صدرك

البيض مش منصوح به قبل سن سنة عشان مشاكل الحساسية .. الحليب الصناعي مثل الإس 26 جولد مزود بكل lcpufa بما فيهم اوميجا 3 كما ان الرضاعة الطبيعية فيها كل حاجة ..

الوزن في المرحلة يزيد دي حوالي 250 جرام كل شهر وليس مثل الأشهر الأولى ( حوالي 750 جرام كل شهر )

**د.محمود صلاح** · 18-05-2013 10:21 AM

التمر والبيض والعسل بعد سن سنة .. اوميجا 3 مش فيتامينات ده من ضمن الأحماض الدهنية الهامة لعمليات التمثيل الغذائي .. بعد سن سنة اي اكل يمكن يأكله لعدد 3 وجبات رئيسية و2 سناك

**د.محمود صلاح** · 03-06-2013 02:37 PM

نوبات السرحان دي ممكن تفسر على انها نوبات الصرع الأصغر ورسم المخ مرجح ذلك وطبعا ده له علاج دوائي لمدة من 6 اشهر لسنتين

ارجو مراجعة دكتور امراض نفسيه وعصبية ( باطني او اطفال ) والمتابعه معه

**rosebox** · 25-06-2013 10:27 PM

سلام عليكم يا دكتور محمود

ابنى و هو عنده 6 شهور و 10 ايام عملتله تحليل hemoglobin electrophoresis
لأن عندنا فى العيله الانيميا دى فحبينا نطمئن
و النتيجه
result ATT

alkaline hemoglobin electrophorsis

helena cellulose acete electrophoresis

HBA 97.7%
hba2 2.3

comment normal pattern

فكنت عايزه اخد رأى حضرتك

و شكرا مقدما

**د.محمود صلاح** · 26-06-2013 07:33 AM

كما هو مكتوب طبيعب

**rosebox** · 18-08-2013 03:27 AM

سلام عليكم يا دكتور محمود
ابنى دلوقتى عنده 8 شهور و عنده امساك من يومين بيعمل حاجه صغننه كده و ناشفه

مزاجه وحش جدا جدا جدددددددددا و على طول نايم و مالوش نفس ياكل خالص و مالوش نفس لأى حاجه.

من 10 ايام كده كان جاله امساك يوم واحد انما نزل دم نزلته فى مايه دافيه بملح كام مره ورا بعض و الموضوع مشى تمام. وريته للدكتور بعديها على طول و قاللى مافيهوش حاجه و من ساعتها و انا بديله نشويات على خفيف قوى اصلا خليت كل اكله جنب اللبن زبادى مانجا و عصير برتقال و ساعات جبنه نستو.
الدكتور قاللى اديله دوا اسمه نيو دايجيستين معلقه 3 مرات يوميا
اديته لحد دلوقتى مرتين و مفيش لسه حاجه.
انا قلقانه عليه قوى قوى.

ممكن حضرتك تقولى اتصرف ازاى دلوقتى و بعدين امشى اكله ازاى بعد كده؟

نسيت اقول لحضرتك من اقل من شهر كان وزنه داخل على 8 كيلو دلوقتى هو 7 و نص.