الموضوع: اللانوس و لا بيكانتو و لا الهيونداى i10

اذا كنت بتقول هاتجيب عربية للخمس او الست سنين اللى جاية يبقى ممكن تيجى على نفسك شوية وطالما فيه مجال للتقسيط يبقى تجيب عربية كويسة تريحك سواء جوه البلد او فى السفر وماتنساش ان فى المدة دى ابنك ربنا يخلهولك هايكبر وممكن ربنا يرزقك باذنه تعالى باطفال تانية يبقى ساعتها انسى البيكانتو والi10 نهائى انا كان عندى بيكانتو 2006 ولسه بايعاها مع انها عربية ممتازة جدا وكل اللى بيقولوه الاخوة عنها صحيح لكن اتخنقت من حجم الشنطة فانسى اى عربية هاتشباك مش هتبقى مبسوط خصوصا فى السفر وبعدين مش هاتحس بفرق كبير مع ال127 نصيحتى انك تجيب عربية سيدان بس بلاش الدايو مش حلو ابدا ومحدش عارف مصيره ايه انا راى انك تجيب افيو دى عربية ممتازة كورى وتقفيل كورى وشكلها حلو وحجمها ممتاز وفيه كمان اللوجان بس دى تقفيل رومانيا ومش قد كده بصراحة وشكلها مبعجر بس ممكن تعجبك بس ماتنساش ان تقفيلها برده مش اللى هو لانها رومانى
وربنا يوفقك للى فيه الخير