الموضوع: مشكلة تقطيع النت

ولاحظت دلوقت ان لما يجي لي اتصال النت بيفصل شوية

المشاركة الأصلية كتبت بواسطة michohat

صوت الوش بيبقي عندي لما الروتر بيبقي شغال وجربت قفلت الجهاز الوش راح
مره تانيه شغلت الروتر من غير ما اشغل الجهاز اول ما الروتر لقط و اشتغل الوش جه تاني
ده عيب فى ايه؟

غالبا الاسبليتر عندك مش سليم او ممكن السلك اللى طالع من الاسبليتر للتلفون هو اللى فيه حاجة
راجع عليهم

المشاركة الأصلية كتبت بواسطة ahmod

المشكلة دي عشان شركة لينك الفاضلة مش بتدعم راوتر ال netgear كويس !

فضلت عندي شهرين كاملين كنت بعاني منها وماحدش في الشركة عرف يفيدني بشئ

الحل النهائي انك تحط dns للراوتر نفسه من صفحة ال configraion بتاعة الراوتر

هتلاقي الدي ان اس مكتوب عندك وبيبدا ب 213 هتجيبه من ال diagnostic في صفحة الراوتر

dns server: 213.131.66.20
213.131.65.246

بعدها تروح على ال basic settings وتحطه هناك

domain name server (dns) address

بعد كدة تعمل apply ورستارت للراوتر

وعشان يشتغل النت عندك لازم تحط نفس ال dns دي في الnetwork بتاعة الجهاز بتاعك او اي جهاز تاني متصل بالشبكة

هتدخل على my network places <<< view network connection

هيطلعلك الاتصال right click وتختار اخر حاجة بعدين من ال properties تختار internet protocol version 4 وتحط نفس ال dns اللى كتبتهم في صفحة الراوتر

وهتلاقي النت بعدها بيشتغل تمام التمام معاك

"ده حل للمشكلة في حالة لو كانت المشكلة عندك ان لمبة ال internet كل شوية تفصل وتيجي "

واللة ياباشا انا عملت زى ما قلت بالضبط ولسة المشكلة(ان لمبة النت تقطع وبعدين الروتر يعمل ريستارت ويرجع النت يشتغل تانى ) ارجو الافادة

انا كلمت شركة تي اي داتا وقالوا لي ان السبب ان فيه تليفونات تانيه متوصله بمعني
ان فى البيت عندي اكتر من فيشة تليفون فى الحيطه وانا موصل الكمبيوتر والاسبلتر علي فيشة منهم و فيه تليفونات تانيه فى فيش تانيه فى باقي الغرف
فلما فصلت التليفونات اللى فى الغرف صوت الوش راح
الراجل قال لي ان حلها اني اركب سبلتير على سلك التليفون العمومي اللى داخل لي الشقة

المشاركة الأصلية كتبت بواسطة mohamed3a

والله ياباشا انا عملت زى ما قلت بالضبط ولسة المشكلة(ان لمبة النت تقطع وبعدين الروتر يعمل ريستارت ويرجع النت يشتغل تانى ) ارجو الافادة

مشكلتك كده فى الراوتر نفسه او كابل الباور بتاعه فى احسن الظروف
او يمكن الاوضه او المكان اللى فيه الراوتر كهربته مش مظبوطة سواء الفيشة او الكهرباء اللى داخله للمكان
و الله اعلم
جرب تغير الكابل لو لسه المشكلة قائمة جرب تجيب راوتر تانى من اى صديق او جار ليك

المشاركة الأصلية كتبت بواسطة michohat

انا كلمت شركة تي اي داتا وقالوا لي ان السبب ان فيه تليفونات تانيه متوصله بمعني
ان فى البيت عندي اكتر من فيشة تليفون فى الحيطه وانا موصل الكمبيوتر والاسبلتر علي فيشة منهم و فيه تليفونات تانيه فى فيش تانيه فى باقي الغرف
فلما فصلت التليفونات اللى فى الغرف صوت الوش راح
الراجل قال لي ان حلها اني اركب سبلتير على سلك التليفون العمومي اللى داخل لي الشقة

تمام .. فعلا السبليتر راكب عندى على العمومى
ممكن حضرتك تجرب تفصل كل فيشه لواحدها يمكن توصل لفيشه معينة بايظة وتصلحها و تنتهى المشكلة
لان غالبا حتى لو ركب الاسبليتر على العمومى طالما فى سلك بيوش هايأثر
و الله اعلم

الحل النهائى للمشكلة دى بإذن الله انك تركب سبليتر على كل عدة تليفون راكبة عندك وإلا مع كل إتصال تليفونى لما حتفتح الخط حتلاقى النت فصل
بالتوفيق