صورة استيكر نايل موتورز الجديد

**modux** · 16-06-2008 09:49 PM

تمااااااام

بس بردو تعليقي المفتاح يبقي مشرشر عشان يبان انو مفتااح

الكورسا منتظراه

**TAG_Turbo0** · 17-06-2008 12:23 AM

خرافة والله يا كريم
تسلم ايدك

**TAG_Turbo0** · 17-06-2008 12:30 AM

معلش نسيت أسئل مفيش حد بيوزع استكيرات قريب من المنوفية

**Moh.Fahmy** · 17-06-2008 05:38 AM

مجهود رائع يا كيمو و لو المهاتما حيحضر المقابلة الجاية يبقي يعمل حساب الاسكندرانية

بس لي تحفظ صغير انا حاسس انه لو اتحط علي محل عمل مفاتيح حيكون اشيك اكتر بغض النظر عن الاخوة اللي عايزين المفتاح مشرشر او عادة

بس المهم انه لوجو لينا او رمز نعرف بيه بعض في الشوارع و ياريت يثبت علي كده و ما يتغيرش عشان يبقي علامة مميزة

محمد فهمي

**Karim_Monir** · 17-06-2008 09:37 AM

الاول بس احب اشكر الاستاذ هشام الفقي صاحب التصميم المتميز
والراجل تعب معانا جدا جدا جدا والله بدون تريقة
خاصة للي ما يعرفش هشام بطة متحركة يعني كسوووول جدا
وتحريك الماوس بالنسبة له عملية شاقة
يقوم جري لو في ماتش للاهلي
شكرا هشام الفقي
-----------
انا كمان ميال للون الازرق اكتر
بس عشان قانون الشكل والارضية اكتر لون مميز من على بعد هو البرتقالي
هو اللي بيبقي مميز اكتر الاحمر وماكنش ينفع احمر
-------
بالنسبة لشكل المفتاح احنا مش قاصدينة شكل مفتاح احنا عملنا اللوجو ولو كنا حطينا عنوان السايت تحتة كان حجمة هايبقي كبير
ففكرنا يكون خارج من النص كدة
فجة بشكل مفتاح
لكل مش مقصود بيها مشرشر ولا عادة
وفي الاخر ده هايكون تيمة ولوجو لينا بغض النظر عن محتواه
ولو كان لازم يكون ليه علاقة بالعربيات
كانت كل شركات السيارات كانت عملت العلامة بتاعتها على شكل عربية اولي
ولا شركة موبيل او شيل بتاعت الزيوت
ولا كوكولا ولا بيبسي حطو ازايز
ده كلام قديم قوي
اللي بيفضل الاسم وبس

**MaaG** · 17-06-2008 10:37 AM

أولا أسأل الله أن يمن على والدتك بالشفاء العاجل يا كريم

و اللوجو جميل جدا و و مفيهوش دوشة كتير ( دي ميزة ) و مش لازم يدل على إنه لمنتدى سيارات متخصص ، المهم إن إحنا عارفينه ، و الناس إلي عندها فضول هتحاول تدخل على السايت إلي على الاستيكر فهتعرف إنه سايت المنتدى .

أنا ممكن أجيبه منين في الاسكندرية ؟؟

**Karim_Monir** · 17-06-2008 11:45 AM

ان شاء الله لو نزل استاذ هاني ادام المقابلة
هاديلة مجموعة
وهو ممكن يتصرف انكم تعدو علية في الاوقات المناسبة وكدة
وغالبا هو كان ممكن يسيبها في كافية برستيج على البحر اللي في سبورتنج
مش عارف لسه في امكانية لكدة ولا لاء