الموضوع: كل يوم بيزيد إنبهاري فعلا بالعربية دي

المشاركة الأصلية كتبت بواسطة lord91

والله انا مصدقك عشان انا شديد مع عربيات كتير بالاوكتافيا ومعظم اللى شديد معاهم النترا واللانسر وسيراتو ولانوس وفيرنا وكرولا الشكل الجديد والله عمر ما واحد فيهم كسبنى هما بيعدوا فى الطلعه بس بعد كده الاسكودا تكسب طبعااا والله العظيم انى بعديهم وبعد كده اهدى وادوس انتظار عشان اخليهم يتجننوا واول ما يقرب منى اكون سافرت انا لازم استغل ضعفهم فى الملفات والغرز بس اللى سدوا معايا بجد وكنا نفس السرعه ومحدش عارف يطلع من التانى جولف 5 و الغريبه كيا سيراتو الشكل القديم
واللى عدوا منى ومعرفتش اجبهم كانت كورولا 2007 موتور 1600 طبعاا و سيفيك 2009 انا عديته مره وهو عدانى مره و بى ام x6 وللاسف ياريتنى ماكنت هزرت معاه فضل ماشى قدامى ونزود فى السرعه وانا مستغرب هو مش عاوز يسحب ليه. لغايه 200 وكانت الاسكودا بتقولى دا اخرى معاك يا معلم وراح جاى جمبى وضحك ضحكه صفره كده واكننا واقفين جمب بعض عشان هنشد لسه وفى خلال ثوانى مكنش جمبى . روحت شايل رجلى من على البنزين وانا فى حالت اندهاش تام مع انى سوقت العربيه دى فى الامارات بس اللى حصلى كان بشع بجد انا بعد كده حسيت باللى بعمله فى الناس اللى راكبين عربيات اقل من الاسكودا وبقيت بحترم احساسهم .
عشان بجد انا عمر ما حد عمل فيا كده قبل كده. وانا كنت بحاول ارفع راسك الاسكوداويه على الطرق والحمد لله بعتبر محدش علم علي الاسكودا على الطريق الا الشاب الثرى بتاع الــx6 .
واسف جداا للاطاله

كنت عارف راجل كبير فى السن فلسطينى قالي لو مراتي عايزه تتطلق أطلقها لكن مسيبش الكرولا 2007 أبدا. العربيه دي فعلا محترمه. مش عارف ليه الكرولا سوقها نزل قوي من أول 2008 مع ان كان فيه من ال 2008 فى الخليج ياباني لكن برضه مبيعاتها كانت أكتر فى ال 2005-2007

ربنا يبارك لحضترك في العربيه هي فعلا محترمه جدا
و الكبير كبير برضه