الموضوع: ما الحل مع المرأة الزنانة والنكديه

المشاركة الأصلية كتبت بواسطة hh

أنا واحدة أساسا يعني من الأعداء:f_eyeb1[1]:

ااااااااااااه هيبقا فيه مبررات للصبح

بص ربنا يكون في عونك طبعا لأن موضوع النكد ده حاجة تفسد الحياه. بس فكرة ان الستات كدة و مفيش فايدة و هي بتنكد عشان عاجبها النكد دي أكيد مش صح. مفيش انسان عايز يبقى تعيس.

طب ماهو فيه ناس بيكون طبع فيهم وفيه ناس برضه بيحبوا يستفزوا اللي قدامهم

مراتك لو فعلا منكدة على طول بالشكل ده تبقى أكيد هي نفسها مش سعيد و ده بينعكس على تعاملها معاك. حاول تتكلم معاها

والله اتكلمت كتير جدا

و تقول لها انك حاسس انكوا بقيتوا بعاد و بتتناقروا على اتفه الأسباب و ده مخليك مش سعيد و عايز الوضع ده يتغير.

الكلام ده هيعمل مشاكل لأنهه مبتحبش تحس اني متغير او متضايق واسهل كلمه عندهه الانفصال

حاول تفهم منها ايه اللي ناقصها و نفسها انت تكون بتتصرف معاها ازاي عشان ده يحصل, و في نفس الوقت قول لها على الحاجات اللي مضايقاك و نفسك تتغير ازاي بس من غير ما تكون هجومي و تحسسها انها كلها عيوب. حاول تفكرها بحاجات كانت بتعملها و بطلت أو فترة الجواز الأولى مثلا كان تعاملكوا عامل ازاي. متتوقعش انها حتكون متقبلة الكلام في الأول وتوقع انها ممكن تكون هجومية شوية و تقول لك انت اللي بتعمل كيت و كيت...بس انت لازم تحاول تمتص ده و تفهمها انك حاسس انكم انتوا الاتنين لازم تغيروا حاجات عشان تكونوا اسعد و أنك فاهم ان هي كمان فيه حاجات مش عاجباها. و لازم يكون عندك استعداد انك فعلا تسمعها و تعرف اللي نفسها فيه و تحاول تعمله مش مجرد كلام. لو ربنا و فقك و قدرتوا فعلا تفتحوا قلبكوا لبعض و تتفاهموا لازم انتوا الاتنين تكونوا فاهمين ان مفيش حاجة بتتغير بين يوم و ليلة و انكوا لازم تستحملوا بعض و تفكروا بعض بالكلام ده بالراحة لو حد ضايق التاني عشان يتحقق بعد فترة. و مش حوصيك طبعا انك تختار الوقت المناسب اللي تفتح فيه الكلام ده.

ربنا معاك

طب سؤال بايخ شويه انتي كبنت شايفه ان فيه منكم مش نكديين سؤال والله بغرض الايضاح

المشاركة الأصلية كتبت بواسطة ghosts

مكانش حد غلب ....

حاضر انتا علطول بالمفيد

المشاركة الأصلية كتبت بواسطة hh

أنا واحدة أساسا يعني من الأعداء:f_eyeb1[1]:
بص ربنا يكون في عونك طبعا لأن موضوع النكد ده حاجة تفسد الحياه. بس فكرة ان الستات كدة و مفيش فايدة و هي بتنكد عشان عاجبها النكد دي أكيد مش صح. مفيش انسان عايز يبقى تعيس.

مراتك لو فعلا منكدة على طول بالشكل ده تبقى أكيد هي نفسها مش سعيد و ده بينعكس على تعاملها معاك. حاول تتكلم معاها و تقول لها انك حاسس انكوا بقيتوا بعاد و بتتناقروا على اتفه الأسباب و ده مخليك مش سعيد و عايز الوضع ده يتغير. حاول تفهم منها ايه اللي ناقصها و نفسها انت تكون بتتصرف معاها ازاي عشان ده يحصل, و في نفس الوقت قول لها على الحاجات اللي مضايقاك و نفسك تتغير ازاي بس من غير ما تكون هجومي و تحسسها انها كلها عيوب. حاول تفكرها بحاجات كانت بتعملها و بطلت أو فترة الجواز الأولى مثلا كان تعاملكوا عامل ازاي. متتوقعش انها حتكون متقبلة الكلام في الأول وتوقع انها ممكن تكون هجومية شوية و تقول لك انت اللي بتعمل كيت و كيت...بس انت لازم تحاول تمتص ده و تفهمها انك حاسس انكم انتوا الاتنين لازم تغيروا حاجات عشان تكونوا اسعد و أنك فاهم ان هي كمان فيه حاجات مش عاجباها. و لازم يكون عندك استعداد انك فعلا تسمعها و تعرف اللي نفسها فيه و تحاول تعمله مش مجرد كلام. لو ربنا و فقك و قدرتوا فعلا تفتحوا قلبكوا لبعض و تتفاهموا لازم انتوا الاتنين تكونوا فاهمين ان مفيش حاجة بتتغير بين يوم و ليلة و انكوا لازم تستحملوا بعض و تفكروا بعض بالكلام ده بالراحة لو حد ضايق التاني عشان يتحقق بعد فترة. و مش حوصيك طبعا انك تختار الوقت المناسب اللي تفتح فيه الكلام ده.

ربنا معاك

الكلام ده حلو و 100 100

بس بيتنسي بسرعة البرق

المشاركة الأصلية كتبت بواسطة bonanza

يا عبد الله اسلوبة مش ساخر ولا حاجة

هو ده فعلا اللي بيحصل و بنفس الطريقة بالظبط

بص يا معلم الاجابات تبقي كده و بابتسامة مستفزة

هيه : شوفت انك اتغيرت ومبقتش زي زمان
أنت : سبحان من له الدوام .. كل حاجة بتتغير اليومين دول
هيه : ههههه طيب ماشي عموما انا داخله انام
أنت : نوم الهنا
هيه : والله ما انا قايمه الصبح تاني مدام منكده عليك كده
أنت : انا مقولتش انك منكده .. انتي اللي بتقولي اهو

في تمام الساعه العاشره الاقي التليفون يرن يرن يرن يرن أقوم زي الغلبان اتصل

هيه : مبتردش عليا ليه وسايبني على الويتينج
أنت : كنت بكلم المديره بتاعتي
هيه : يعني هيه اهم مني
أنت : اه طبعا ده شغل يا بنتي
هيه : ويك ويك ويك ويك عشر دقايق وفي الاخر انت مش مركز معايا ليه
أنت : اقفلي عشان انا مش فاضي ارغي معاكي ورايا شغل .. سلام
هيه : وانا كل اما اعوزك ملقكش
انت : ابقي خدي معاد الاول

من الساعه 10 إلى الساعه 5 والله العظيم حوالي 10 مكالمات

الساعه 7 مساءا وانا داخل البيت
أنت : السلام عليكم
الرخامه : شيلني يا بابا ويك ويك ويك ويك
هيه : شفت انت مبتسلمش عليا كويس ازاي
أنت : تنفييييييض تام و وش ابلاكاش لحد ما تتغدى

هيه : يادي النيله نسيت اجيب كيت وكيت وكيت انزل هاتهم
انت : تبريقة تمام ... ماقولتليش ليه قبل ما اطلع .. مش نازل و اتصرفي و اعملي اكل حالا .. و الموضوع ده مايتكررش تاني
هيه : خلاص انت حر انت اللي مش عاوز تاكل اهوه
انت : ماليش فيه .. علي ما اخد دش يكون الاكل جاهز

الساعه 8 موعد مسلسل فاطمه بتنجانه
هيه : ياااااااااااااااه نفسي اروح تركيا
انت مش في سرك : ان شاء الله ربنا يسهل

هيه : بتتريق ولا صحيح انت مش هتحب البلد هناك
أنت : لا بحبهم و لا بكرهم بلد زي كل البلاد
هيه : نعم ومين بأه اللي بييجي على نفسك
أنت : مفيش حد
هيه : بص بطل تلقيح الكلام والتليفزيون والكلام اللي بتسمعه بتاع الشيوخ
أنت : كلام ايه اني اتجوز عليكي و كده ؟؟ لا ماتقلقيش
هيه : أه اديني بقولك
أنت : بس كل شيء جايز في الزمن ده .. مش بقولك سبحان من له الدوام .. الانسان ضعيف و ممكن يتغير

الساعه العاشره وانا بسقط على انغام السمسميه ولسه عيني بتقفل
هيه : بقولك ايه متقوم تفسحنا
أنت والشياطين بتتنطط في وشك : نقول يا مسا بقي و نهدي كده عشان ورانا اكل عيش الصبح حرام عليكي
هيه : يعني من الاخر هتنام
انت : اه
هيه : وليه تيجي على نفسك اصحى الصبح احسن علشان تروح لصحابك في الشغل فريش
انت : اوك شكرا .. تصبحي علي خير

خلاصة اللي عاوز اقولة انك ترد الردود اللي مايتبنيش عليها جمله بعدها

تقطم الكلام يعني

تقفل عليها

طبعا الكلام ده تعملة بس وقت لما تحس انك داخل علي موود النكد مش علي طول

و ربنا يتولاك و يتولانا برحمته

هههههههههه التجربه ديه لا هتصيب لا هتخيب

والله بجد هحاول اعملهه

يا جماعة أنتم كرهتوني في الستات
أنا لو شاب مش هتجوز
ولو راجل متجوز هطلق مراتي وأشرد العيال
ستات نكديين
بس على فكرة الكمال لله وحده - ولو حاولت تدور على الكمال في إي إنسان هتخسره

المشاركة الأصلية كتبت بواسطة cyborg_ift

هههههههههه التجربه ديه لا هتصيب لا هتخيب

والله بجد هحاول اعملهه

مع الاستمرارية هاتصيب

و لو صابت يبقي انت الكسبان و لو خابت تبقي ماخسرتش حاجة كده كده مستمروووون في النكد