تكييف الصنى

**mamingira** · 29-05-2012 05:37 PM

من فضلكم ياجماعة انا لاحظت ان كمبرسور التكييف بيشتغل لمدة 20 ثانية ويفصل لمدة 3 ثوانى بصفة مستمرة وسرعة المروحة على 2 وبتزيد المدة دى لو زودت المروحة الى 3 او 4 وتقل المدة اذا نزلت بالسرعة الى 1 فهل هذا المعدل طبيعى مع العلم انى شاهدت هذا بنفسى وانا مشغل التكييف وفاتح غطاء موتور السيارة .

**Sehsss** · 29-05-2012 06:18 PM

لأ كده مش طبيعي

**Dr'AhmZZong** · 29-05-2012 11:15 PM

أنا مش فاهم

**Sehsss** · 29-05-2012 11:22 PM

المشاركة الأصلية كتبت بواسطة ahmazong

أنا مش فاهم

يعني التكييف بيشتغل ويطفي، يشتغل ويطفي (الكمبريسور يعني)، ولكن المروحة بتفضل شغالة، وصلت ولا لسه ؟؟

**Dr'AhmZZong** · 29-05-2012 11:39 PM

المشاركة الأصلية كتبت بواسطة sehsss

يعني التكييف بيشتغل ويطفي، يشتغل ويطفي (الكمبريسور يعني)، ولكن المروحة بتفضل شغالة، وصلت ولا لسه ؟؟

و إيه المشكلة !!!

**Sehsss** · 29-05-2012 11:45 PM

المشاركة الأصلية كتبت بواسطة AhmaZonG

و إيه المشكلة !!!

إنه بيفصل كل 20 ثانية يا أحمد، اقرا التوبك...

**Sehsss** · 30-05-2012 12:24 AM

المشاركة الأصلية كتبت بواسطة mamingira

لا المروحة مش بتفضل شغالة الكمبرسور والمراوح بيفصلوا ويشتغلوا مع بعض بصورة متكررة والكلام ده فىالسلانسيه وبعد ماكنت ماشى بالعربية والتكييف شغال ساعة .
كنت عايز ياجماعة حد يجرب الحاكية دى عنده من فضلكم ويقوللى النتيجة

كمان يعني الاتنين مع بعض.. هما المفروض بيفصلوا لما درجة التبريد تتظبط، بس الوقت اللي بيفصلوا فيه عند حضرتك قليل قوي

**Sehsss** · 30-05-2012 12:53 AM

المشاركة الأصلية كتبت بواسطة mamingira

هل انت جربت الحكاية دى عندك فى السلانسيه لانى قريت على النت ان ده معمول فى بعض العربيات علشان ميحملش على الموتور فى السلانسيه وعايز اتأكد ان الظاهرة دى فى النيسان ولالا فهل ممكن تجربه عندك وتبقى تقوللى النتيجة ؟ اللى بعمله انى بشغل التكييف وافتح غطاء الموتور والاحظ بنفسى فترات توقف وتشغيل الكمبرسور من الطنبورة الخاصة بالكمبرسور ومراوح الرادياتير .
كمان كان لى استفسار اخر معلهش انا بتقل عليكم انا بلاحظ ان العربية فى النهار لما بتكون مركونة فى الشمس مبحسش بالتسقيع أوى الا لما تكون المروحة على 3 هل الكلام ده صح ولا ايه؟ واسف لكتر الاسئلة .

حاضر هاجرب ولو إني ما لاحظتش الموضوع ده.....
وطبيعي أي عربية بتبقى واقفة في الشمس بتاخد وقت على ما التكييف يسقع علشان درجة حرارتها بتبقى عالية على العكس لو واقفة في الظل