اهلا بيك يا صديقي
اولا مبروك انك قررت خلاص ودي شوية نصايح
العربية هيبقا استهلاكها عالي شوية في البنزين اول 5000 كم لا تقلق ابدا بعد كدة استهلاكها هيبقا مظبوط
على الطرق السريعة هي ممتازة جدا في البنزين ما تحت ال 120
فوق ال 120 استهلاك تاني خالص للبنزين
وسط المدينة مع التكييف هي سفاحة بنزين !
الموتور مغري جدا للجري فخلي بالك عشان متسرحش تلاقيها بقت 150 واللا حاجة
انا ببقا مثبت 90 وابص عالعداد الاقيه 120 اقوم شايل رجلي من على البنزين فدا عادي جدا يعني :d
الثبات ما تحت ال 120 ممتاز جدا والقدرة على المناورة جيدة
الفرامل مش ضعيفة ولكن المشكلة مشكلة تعامل مع الفرامل:-
فرمل وانت معشق الفتيس عشان تستفيد من الفتيس في الفرملة وكمان متخليش الكاوتش يزحف منك
يعني فرمل بس مش للدرجة اللي يحصل انغلاق كامل لمنظومة الفرامل وبالتالي العربية تزحف منك
الكاوتش اللاسا مش سيء مطلقا دا احسن بكتير من النسر اللي بينزل في المانيوال الهاف اوبشن
اعتقد دي نصائح كافية في الوقت الراهن
لو احتجت فيها اي شيء كلنا موججودين ان شاء الله