صنايعي ابن...................

**Mamoud salah H** · 01-06-2012 12:03 PM

من يومين روحت اغير جوان غطا التاكيهات وبما اني اول مرة اجي نحيته فروحت لميكانيكي عشان يغيرو ومبوظش انا حاجة المهم اعد يفك بتاع اكتر من نص ساعة لحد ما طلعة وكان مهري شوبه
فجبت واحد جديد وركبه في ساعة تقريبا مش عارف ليه كل الوقت دة بعد ما خلص وربط وكله تمام تاني يوم سافرت بالعربية للشرقية فبالصدفة قريبي قالي افتح الكبوت عايز اشوف حاجة روحت فاتحه وهنا كانت الصدمة لقيت جسم الماتور غرقان زييت جاي من ناحية الجوان كدا وعامل بقعة في الارض طبعا انا معرفتش اقول ايه بصراحة
هو في يا جدعان ميكانيكي ميعرفش يغير الجوان انا عارف ان دي حاجة بسيطو اوي اوي بس
وعارف في ناس هتقولي لما هيا بسيطة معملتوش انتا ليه بس انا الحاجة بما انها جديدة عليا محبتش اعك فيها عمتن الواد دا في شبرا مصر في الخلفاوي ورشته اسمها الميكانيكية لصيانة السيارات لو حد من هناك ميتعملش معاه عشان دا شكلو ضايع انا قولت احكيلكو علي الصدمة واعرفكوا عشان محدش يتعامل معاه في شغلانة كبيرة ويخربها والحمد لله علي كل شئ

**فادى محمد** · 01-06-2012 12:19 PM

لو عملته انت بايدك هتعمله احسن من الميكانيكي محدش يخاف علي حاجته اكتر من صاحبها ..
في توقيعي موضوع مصور عن تغيير جوان غطا التاكيهات ,يسعدني مرورك الكريم ومحاولتك تغييره بنفسك
ربنا يوفقك تحياتي

**Mamoud salah H** · 01-06-2012 08:52 PM

وفعى مواضيعك كلها مفيدة جدا وشكرا علي الرد

**tananybasha** · 01-06-2012 10:31 PM

جوان غطا تاكيهات ساعه و نص
اومال لو جوان وش سلندر من 7 ل 10 ايام

**mora1stromio** · 03-06-2012 01:39 AM

طيب هو تغيره في المكنة الــــ2000 سهل ولا ايه النظام يا جدعان
عشان انا سمعت ان لازم تكون العربية بارده خالص وهو بيتغير وحتى بعد ما يتغير وتربطه بتسيب العربية برده باقي اليوم
هل الكلام ده صح ولا غلط؟؟؟
وهو بيحتاج سيليكون وحاجات من دي ولا بيتحط هو بس؟؟؟

**Mamoud salah H** · 03-06-2012 03:53 AM

هو اصلا سهل جدا بس الصنايعي الله يحرقة هو الي بهدل الدنيا بس عمتن عندك في المكنة السودة اسهل بكتيير انك تغيره بنفسك انا عندي الموتور الابيض رخم شويه وعندي محتاج سيليكون معرفش بقي عندك بس عمتن مش صعب واهم حاجة هات واحد نضيف واتفق مع الراجل انك ترجعه لو في حاجة عشان انا عندي يعد ما ركبتوا مشيت حوالي 50 كم في يوم لقيتو اتهري وسرب زيت لازم يتلركب صح

**mora1stromio** · 03-06-2012 09:14 PM

مش عارف والله اللي عندي دي بيضه ولا سودا
هيا المكنة كلها لونها رصاصي فاتح ما عدا الغطا بتاع البوجيهات ده هو اللي اسود
ومتشكر جدا يا استاذ محمود على ردك السريع