مشكله ضعف كباس المكيف ابيزا 2006 وتعديله؟

**megahome** · 01-06-2012 08:11 PM

عندى كباس المكيف ضعيف فى ابيزا 2006 1400 سيسي
محتاج اعدله بكباس يبانى لو ينفع وده المفضل
ولا اركب واحد استعمال خارج وخلاص
ومين افضل ورشه للتعديل او الاصلاح فى القاهره
بالمناسبه انا من دمياط
ياريت عنوان وتليفون الافضل لهذه المهمه
الف شكر

**SYD** · 01-06-2012 08:19 PM

طب ماهو ممكن يكون العيب مش من الكباس

ولا حضرتك تأكدت انه منه ؟؟؟

مكن تقولنا بتشتكي من ايه وبتاء عليه قررت انه كباس

وان شاء الله نحاول نساعدك

والله المستعان
،
،

**ehab_mansour** · 02-06-2012 12:43 AM

علي فكرة اللي متعرفهوش ان كباس التكييف عندك غالبا ياباني ماركة ساندن لأن معظم موديلات مجموعة فولكس كده وانا عندي ساندن و ابيزا 2000 مع صديق فيها ساندن و باسات 2007 مع صديق و فيها ساندن و جولف فيها ساندن و فيه موديلات بسيطة للمجموعة فيها نوع أخر ألماني لكن مش فاكر اسمه

المهم ياريت زي ما قلك محمد فوق قلنا ايه مشكلتك و مين اللي قلك ان الكباس هو المشكلة ؟

**ehab_mansour** · 05-06-2012 09:58 AM

المشاركة الأصلية كتبت بواسطة megahome

الكباس فعلا سندن
المشكله ان بعد قياس كبس الكباس كان ضعيف
وفى الحرفيين قالى انى امامى اختيارين اغير الكباس بواحد نفس النوع بتكلفه 2500
او اعدل الكباس بنوع اخر وهيكلفنى 3000 تقريبا
والعربيه هتقعد يومبن فى الحرفيين وانا من دمياط
التكييف فى دمياط مقبول بس مش اوى لكن فى القاهره تقريبا ولا كأنى مشغله
ملحوظه السعر فى الحالتين شامل تغيير السربنتينه ومش عارف ليه الاصرار ده وكمان السعر مغالى فيه اوى

أولا الأسعار دي غالية جدا و تكاد تكون بشعه و هيغير السربنتينه ليه ؟؟؟؟ ايه السبب يعني
مين قال ان كبس الكمبوريسور ضعيف ؟؟ يعني أقصد كشف بايه و عرف ان كبسه ضعيف ؟
هل كشفت علي ضغط الفريون في الدورة ؟ فيه احتمال تكون محتاجه شحن هل حاول يشحنها فريون و برضه مظبطتش ؟

احكيلنا القصة كلها و ربنا يسهلها ولو تعرف تجيب الكود اللي مكتوب علي الكباس ممكن اعرفلك سعره كام عند توكيل ساندن جديد زيرو بدل العك ده

**ehab_mansour** · 06-06-2012 12:50 AM

المشاركة الأصلية كتبت بواسطة megahome

السلام عليكم
اولا شكر على الاهتمام
من حوالى سنه ذهبت الى الحرفيين وقمت بشحن التكييف وتغيير الفلتر عند حسام شغال بس فى الالمانى
بس كنا يعنى فى نهايه الصيف تقريبا
وفى الصيف ده التكييف فى الشمس ولا كأنه شغال تقريبا
ذهبت الى القاهره برده عند حسام وفى الطريق الهواء من الخارج افضل من انى اشغل التكييف حر القاهره كشف فشل المكيف
قام الصنايعى بتوصيل 2 عداد قياس ضغط ودور العربيه وشغل التكييف وبعد مده كده قالى كبس الكباس ضعيف او سحبه ضعيف مش متأكد بالضبط وقال انه المفروض 30 وهو قارى 50 دلوقتى
وقال الكباس يا اما يتغير يا اما يتعدل بكباس اخر والاسعار زى ما ذكرت فى السابق

جميل كده انا فهمت هو قاري ضغط الخروج (الواطي )قيمته أعلي من المناسب وده فعلا علامه علي ان الكباس ضعيف و محتاج يتغير

المشاركة الأصلية كتبت بواسطة megahome

انا لقيت توكيل للكباس فى المعادى ساندن
بيقول انه هيركب كباس ساندن يابانى اصلى بس هيعدل القاعده لان بتعها الاصلى زى اللى راكب مش موجود وهيغير الخراطيم بتاعت الكباس كمان وهيتكلف 1500
ايه رائيكم فى الموضوع ده ولا اركب استعمال نفس النوع ب حدود 800 استعمال عندنا بدمياط

نصيحة لوجه الله طالما انت مقتني العربية و عايز تعمل شغل صح يبقي تروح توكيل ساندن اللي في المعادي و تدفع زي ما قالولك و تغير بكباس جديد و بكده يبقي هتاخد تكييف صح الصح ان شاء الله و كمان المفروض انه عليه ضمان لأنه جديد

و لو واثق من التاجر اللي هيديك المستعمل يبقي هاته و ركبه و اشحن و لكن خلي بالك انك لو معجبكش الكباس المستعمل و حبيت تغيره هتبقي خسرة الشحن و التركيب يعني ممكن العملية مع المحالة مرة و اتنين تلاقي التكلفة وصلت لتكلفة الجديد

فتوكل علي الله و روح توكيل ساندن و تمسك بالضمان علي الشغل و هما بالتكلفة دي هتاخد كباس و تركيب و شحن و ضمان و انت الكسبان ان شاء الله بس كلمهم و اتأكد ان التكلفة تشمل كل حاجه

و بالتوفيق لك و للجميع

**SYD** · 06-06-2012 02:29 AM

المشاركة الأصلية كتبت بواسطة ehab_mansour

جميل كده انا فهمت هو قاري ضغط الخروج (الواطي )قيمته أعلي من المناسب وده فعلا علامه علي ان الكباس ضعيف و محتاج يتغير

نصيحة لوجه الله طالما انت مقتني العربية و عايز تعمل شغل صح يبقي تروح توكيل ساندن اللي في المعادي و تدفع زي ما قالولك و تغير بكباس جديد و بكده يبقي هتاخد تكييف صح الصح ان شاء الله و كمان المفروض انه عليه ضمان لأنه جديد

و لو واثق من التاجر اللي هيديك المستعمل يبقي هاته و ركبه و اشحن و لكن خلي بالك انك لو معجبكش الكباس المستعمل و حبيت تغيره هتبقي خسرة الشحن و التركيب يعني ممكن العملية مع المحالة مرة و اتنين تلاقي التكلفة وصلت لتكلفة الجديد

فتوكل علي الله و روح توكيل ساندن و تمسك بالضمان علي الشغل و هما بالتكلفة دي هتاخد كباس و تركيب و شحن و ضمان و انت الكسبان ان شاء الله بس كلمهم و اتأكد ان التكلفة تشمل كل حاجه

و بالتوفيق لك و للجميع

1+

فعلا لو الجديد بالفرق البسيط دة بينه وبين الأستيراد يبقي الجديد يكسب وخصوصا ان الجديد مش صيني
لا دة الجديد ياباني - دة احنا بنقول الجديد يكسب في الصيني مابالك لو ياباني
توكل علي الله