الموضوع: طلمبة البنزين

الفيوزات مش بتتنظف
انت ممكن تغيرهم
بس اهم حاجة تلتزم بالأمبير الخاص بكل فيوز بناء علي الصورة الموجودة في مشاركة رقم 8
http://www.nilemotors.net/Nile/3874348920-post8.html

واعتقد ان علبة الفيوزات نفسها بتتنظف
بس سيبك منها دلوقتي
لو عملت مشاكل اخري ممكن تبقي ساعتها تفكر في تنظيفها

المشاركة الأصلية كتبت بواسطة ahmad_salama

طيب والعلبه بتتنظف ازاي بقي ؟

اما انك تفكها وتنفخها بالهواء
او انك ترش فيها اي منظف اليكترونيات زي AKAI

بس فكها حوار كبير سيبك منه
مش ممكن تبقي هي الي بتعملك مشاكل

الفيوز عمره ما بيضرب من تلقاء نفسه ولا حتي بالعمر الافتراضي
هو ممكن يكربن مكانه ويعمل عزل لكن لو بيقطع فدة مؤشر لوجود قفلة في الضفيرة بتخليه يقطع
وخصوصا ان العربية بتاخد تيار مستمر DC من البطارية والدينمو

لو تكرر قطع الفيوز وعلي فترات متقاربة يبقي كدة في قفلة وغالبا الي بيعملوا النوعية دي من المشاكل اما المروحة او الكلاكس

لكن انت مشكلتك ان الفيوز اتوسخ وعمل عزل ودة امر وارد جدا

لو حابب تنظفها عشان تريح دماغك فك كل الفيوزات واخلع كابل البطارية ورشها بالمنظف اكاي
الأكاي في منه كذا لون (ازرق واحمر واصفر) واحد فيهم هتلاقيه خالي من المادة الزيتية بس انهي واحد انا مش فاكر والله
كلهم بيتطايروا في خلال 5 دقايق بالكتير لكن فيهم واحد عامل زي wd-40 فيه مادة تزيتية دة ابعد عنه وهتلاقي مكتوب عليه انه بيعمل تزييت او تشحيم lubricates دة ماتجيبوش

والله الموفق والمستعان
،
،

رايي بلاش تنظيف ولا حاجه المهم تراجع عليهم كلهم و تتأكد انهم راكبين كويس و واصلين صح لأني عمري ما شفت حد بينظف فيوزات عربية و غير موجودة في اي جدول صيانات لأي عربية من اي مصنع

بس احنا نعمل الصيانات المطلوبة صح و في ميعادها كفاية انها تخلي العربية بدون مشاكل معاك دائما