انا حصلت معايا من 3-4 سنين موقف مشابه لكده فى شارع بعدنا بشويه اللى ورانا كان فيه حته ارض فاضيه واحد اشتراها و بنى عليها عماره 14 دور (رغم ان عرض الشارع مايكملش 20 متر) و مش عارف خلص ورقها ازاى و بدا يبيع و ياجر الشقق و بعدين راح متفق مع بتوع شركه اتصالات يركبوا برج تقويه على السطوح (كانت اتصالات لسه جديده مش زى دلوقتى) و الناس فى الشارع و الشوارع المحيطه بيه اتجننوا و عملوا ثورة و جابوا القسم و عملوا مظاهره لما جم بتوع الشركه يركبوا البرج و جات عربيه امن مركزى و اتعمل محاضر و شغلانه و فى الاخر مفيش فايده البرج راكب الى الان و كل ما ادخل الحمام المحه من الشباك ....
توصلنا من النيابه الى الاتى : سكان العقار المتضررين من برج المحمول فقط هما اللى من حقهم يرفعوا دعوى فسخ تعاقد للضرر و اذا حكمت لهم المحكمه بعد معاينه خبير من وزاره الاتصالات بفسخ العقد يخطروا شرطه تنفيذ الاحكام تجيب بتوع شركه المحمول تفك البرج و تتفاهم مع مالك العقار و لو كان اتحاد ملاك يشترط موافقه اكثر من نصفهم على التركيب او توقيع ممثل اتحاد الملاك اللى معاه توكيل مشهر منفردا (رئيس اتحاد الملاك المكتوب اسمه حين اشهار اتحاد الملاك بالشهر العقارى) لكن الجيران فى الشارع او فى المنطقه لا يحق لهم سوى الشكوى و قول حسبي الله و نعم الوكيل
المفضلات