اقتباس المشاركة الأصلية كتبت بواسطة أحمد كمال مشاهدة المشاركة
طيب ..... انا اصلا مش شغال في مصر ..... و حاليا مش شغال في شركة محمول اساسا ...... يعني ربنا شاهد اني ماليش مصلحة بمليم اني اقنعك بكده من عدمه ......


حضرتك لو بتتكلم في مسافة أفقية 30 متر و مسافة رأسية على الأقل 12 متر (فرق اربع ادوار * 3 متر للدور شامل بلاطة السقف) انا اقدر اقول لك حط في بطنك محصول بطيخ صيفي كامل ....... انت لو على بعد 20 متر على نفس الارتفاع برضه بطيخة صيفي ...... لا انت كمان مش مقابل للمحطة انت فيه فرق رأسي محترم و هي اصلا الانتينات مابتبقاش موجهة لأسفل .....

حضرتك 6 متر اساسا كفاية ...... غير ان المحطة اشعاعها موجه على شكل مظلة تغطية ...... يعني مش رامية عليك ....... و صدقني و الله مفيش اي ضرر عليك خالص ..... بالعكس الضرر اقل لان الموبايل (لو انت مشترك في نفس الشركة صاحبة المحطة) هيبذل اقل جهد و اقل طاقة للارسال و الاستقبال اثناء المكالمات لعمل المكالمة و ده معناه ضرر اقل بكتير .......


و الاهم بلاش توهم نفسك لانك لو فكرت انها بتعمل حاجة ممكن تحس باعراض من الوهم و زي ما حضرتك عارف فيه وهم ايجابي (زي اما دكتور يديك اسبرينة و يقول لك دي علاج لكذا و تلاقي نفسك بقيت بومب و هي مالهاش علاقة اساسا) ...... و فيه وهم سلبي (ممكن اديك كباية مية نقية و اقول لك بعد ما تشربها انها ملوثة يجيلك اسهال من الوهم) .......
ربنا يطمنك يا أستاذ احمد انت ما تتخيلش انت اد ايه شلت منى هم ومن الناس اللى عندى فى البيت :))) وجزاك الله كل خير