الموضوع: يعني انا اصدق التوكيل ولا الكتالوج !! ؟

المشاركة الأصلية كتبت بواسطة Ahmod

+ اني اليومين دول حاسس ان استجابة العربية لل Kick down وتسقيط النقلات مابقتش زي الاول
يعني دلوقتي ببقى محتاج اجيب اخر الدواسة وادوس جامد جدا ! عشان العربية تستجيب وتسقط الاول كانت بتسقط اسهل من كدة
الى غير ان النهارده اديت Kick على 140 كدة تقريبا لقيت العربية نزلت لتالت بس نتشت نتشة جامدة اوي !! عارف لما تبقى سايق عربية مانويل وتسيب الدبرياج بسرعة !! ؟ اهو نفس الاحساس ولما نقلت بعدها رابع نتشت بقوة تاني !

النتشة دي ماكنتش بحسها الا لما كنت بحرق على التالت جامد !! يعني افضل على التالت لحد 160 كدة تقريبا اجي ادي الرابع تنتش !! بس برضوا كانت بطريقة اخف من اللى حصل النهارده

وبرضوا العربية بتقطع على الغيار الاول لما برعش بنزين في الزحمة او براحة !! بفضل دايس على البنزين براحة وتلاقي العربية اكني شلت رجلي من على البنزين ورفعتها ورجعتها تاني !! سعتها بحس العربية محتارة تنقل تاني ولا تفضل على الاول <<< على فكرة المشكلة دي راحت لما ركبت فلتر K&N مخروطي ورجعت تاني لما رجعت الفلتر الاستوك
واهم حاجة بقى وده السبب الرئيسي اللى هغير الزيت عشانه ان العربية مابتعديش ال 160 !! وانا حاسس انها من زيت الفتيس لاني عملت كل حاجة وفشلت

http://www.nilemotors.net/Nile/285641-160.html

فانا بقول اريح دماغي واغير الزيت !! ومش مشكلة يعني انا لقيته في مركز قطع غيار تويوتا ب 250 جنيه 4 لتر !! ولا انت ايه رايك يا دكتور ؟؟

انا بس خايف يكون زيت الفبريكة مش بيتعوض

يامان كل اللى انت بتقوله ده مشاكل هواء-بنزين-إشعال (بوجيهات).. ماعتقدش جيربوكس،

يعنى دورة البنزين عايزه تنظيف.. فلتر الطلمبة، الـThrottle-Body البوابة-الحساسات، والرشاشات...etc.

والهواء عشان لما ركبت الـK&N مابقاش فيه Pumping-Loss والمانيوفولد قادر يعمل سحب بأقل Throttle-Opening عشان الفلتر مفيش restriction؟؟!!!

وطبعا البوجيهات لااااااااااااازم تتغير فـ ميعادها (وقبله كمان لو بتلخبط فـ البنزين والبنزينات و92 وكده)..؟؟!!!
ممكن يبقى الحريق مش مضبوط..؟؟؟!!
آه، وبالمرة تربط عفشة فـ بريدجستون Fit&Fix بمفاتيح عزم، قد تكون دى سبب النتشة الأساسى؟؟؟!!


بالنسبة لزيت الفتيس لو شاكك فيه وعايز تغيره >>> دوس ونزله وحط الجديد..

btw: مفيش حاجة إسمها زيت الفابريقة مابيتعوضش؟؟؟!!!!!!
يعنى أيه يعنى؟؟ مش هتغيره ولا أيه؟؟ أنت مش غيرت زيت الموتور (الفابريقة) وفلاتر (الفابريقة)؟؟!!! ههههههههههههههههه

وبعدين مانت هتحط زيت Toyota ATF الأوريجينال (زيه زى الـOEM/First-Fill جوا مصانع تويوتا؟؟؟!!