الموضوع: ليكوي مولي ولا فالفولين !!!

المشاركة الأصلية كتبت بواسطة GSoleiman

بص يا برنس
أنا عايش في USA اللي هي أكبر سوق تنافسي للعربيات وبالتالي حاجتها اللي من ضمنها الزيوت.

أشهر زيوت هنا:

Valvoline
Castrol
Mobil
شل
Pennzoil
Havoline
Chevron

مفيش إطلاقاً Liqui Moly هنا.

أنا شخصياً باستخدم Valvoline أو Castrol.

رأي شخصي متواضع: خليك في الإثنين دول. الكبير كبير برضو.

كنت هقول لك Mobil بس سمعت إنو مغشوش في مصر...مش متأكد طبعاً عشان أنا برى.


ربنا يوفقك

liquo moly موجود في امريكا تحت اسم lubro moly واللي جربوه عجبهم اكتر من كاسترول و ams oil بس حضرتك الكلام ده من ناس في تكساس

بص يا صاحبي عشان متدوخش و تتعب عمرك ما هتاخد اجابة تريحك ايهما أفضل او أحسن بل هتلاقي أنواع تانية دخلت و اعذرني لكن سؤالك غير صحيح و غير مناسب في مجال الزيوت
السؤال المناسب هنا ايه الزيت اللي يناسب موتور العربية و حالته و طريقة القيادة و ظروفها و الظروف الجوية
عشان نعرف القصة دي مش هتيجي غير بطريقة واحدة بس التجربة
و التجربة خير دليل و ده اللي بعمله :)
يبقي هتتوكل ع الله و تجرب واحد منهم و بعدها تجرب التاني و تشوف اللي ارتحت معاه اكتر و اللي ترتاح معاه هو ده اللي تستخدمه :)

المشاركة الأصلية كتبت بواسطة MohammedAladel

ايه موضوع الراحة دا بقى ؟؟؟ ما يمكن انت تستريحله وهو ميريحش الموتور احنا عايزين الأفضل للمحرك يعنى مع اختلاف جميع انواع الزيوت لكننا ممكن نتفق ان فالفولين وليكوى وتوتال وما شابه ماركات عالمية يعنى تقريبا كلهم هيبقوا تمام بس لو اخترنا المنتج المناسب للمحرك ودى متهيقلى ملهاش قاعدة محددة لكل المواتير لكن على ما أعتقد ان العربية كل ما تكون عاملة كيلو متر أكتر المفروض لو انت مثلا بتستخدم 5w40 تغيره ل 10w40 اللى نصحنى بالتغيير بين النوعين دول اللى بيرد فى صفحة ليكوى مولى لكن مقالش ليه بالظبط فلما سألته قال لى احنا بنختارلك الأفضل لو عايز 5w40 موجود برضه

باشا سعادتك محسسني اني بقولك عاشره و افهموا بعض و ارتحله نفسيا يا ريت تراجع كلامي مرة تانية
انا قصدي ترتاح معاه انه يكون مناسب لعربيتك و شغال كويس معاك و مديك الاداء اللي انت عايزه
هديك مثل ليكوي مولي واحد حاطه في العربية مخدش اداء كويس و اشتكي منه واحد تاني حطه في عربية تانية كان تمام جدااااا يبقي عشان احنا متفقيين انه كويس يبقي اللي شايف الاداء وحش يستعمله و لا يجرب غيره لحد اما يلاقي اللي يناسبه ؟؟و هو ده اللي اتكلمت عنه فوق

و أكيد كل الماركات عالمية مسمعتش انا عن ماركات تحت بير السلم لسه
و الماركات اللي كلنا بنتكلم عنها و معروفة و مش محتاجة اننا نقعد لسه نتفق كالآتي
فالفولين
كاسترول
موبيل
شيل
ليكوي مولي

دول أشهر و أغلب الزيوت اللي بنستخدمها و بنتكلم عنهم دلوقتي تحديدا اتنين منهم فالفولين و ليكوي مولي

و يا ريت لو حد شايف كلامي غلط يقولي :)