خالص التكييف ممتاز و ما فيهوش مشاكل خالص والموتور مش بيسخن ولا حاجة مهما كانت درجة الحرارة الخارجية
عرض للطباعة
بعد اذن حضرتك عندي استفسار
هي اللي مع حضرتك الفل اوبشنز صح؟
لو ده صح كنت عايز أسألك ايه التجهيزات القياسيه في الفورد فوكس
يعني اقل فئه اوتو بتنزل بايه؟
تحياتي
طيب عندي سؤال لحضرتك...
تختار فوكس تريند ولا النترا 2013 ال1.8؟؟ احب تسمع وجهة نظرك...
تحياتي
Sent from my SE Arc S using Forum Runner
سؤال صعب انت كده زنقتني :)
اصل انا قبل الفوكاس كان معايا النترا 2007 الشكل اللي قبل اللي موجود وطبعا كنت مسميها الاصيلة عمرها ما كسفتني او خذلتني لمدة 5 سنين ب 150 الف كيلومتر
بس انا هاقولك رايي انا عن نفسي مش حابب قوي الشكل الجديد للالنترا انت عارف الشكل ده اذواق وهما مبالغين فيه قوي الصراحة يعني في الكرفات و السوك وكده كان المفروض تبقى سيمبل شوية عن كده زي ما هو معتاد من الالنترا ده زائد ان الالنترا معروفة بالعفشة الناعمة انما الشيب الجديد ده عفشته ناشفة شوية وده بردو جديد على الالنترا غير كده هي طبعا عربية محترمة محدش يقدر يقول غير كده
على صعيد أخر بقى واسمحلي اقولك صعيد في وسط الكلام يعني على راي الفنان كريم عبد العزيز :) الفوكاس عالم تاني ممكن تكون مش سخنة قوي زي الالنترا في طلعتها الهجومية انما لما تقول يا جري محدش يعرف يوقفها ده الي جانب انها بتديك ثقة فوق الوصف لا يهمها ملفات ولا غرز ايا كانت السرعة اللي انت ماشي عليها ثبات رهييييب ويوم ما تحب تقف مش لازم تدوس فرامل ممكن تشخط فيها بس هاتلاقيها كلبشت في الارض :)) وعفشتها ناعمة بس في نفس الوقت صعبة الانضغاط بتخبطش في المطبات زي الالنترا كده كانت ناعمة انما لو اتنين قعدوا ورا اي مطب ممكن يصنفر العربية من تحت عادي جدا
في النهاية رغم فرق الكماليات الرهيب ما بين العربيتين التريند والالنترا 2013 فانا برشحلك الفوكاس لو حضرتك زي حلاتي كده ما كنتش جربت الالماني قبل كده وكنت واخد على الكوري يبقى توكل على الله في الفوكاس هاتحس فعلا بالفرق
انا قريت كل كلمه لحد آخر سطرين...
حمايا كان راكب مرسيدس شبح موديل 2000 300e والحقيقة العربيه من يوم ما جابها معملهاش صيانه واتهانت جامد وهر اللي عايز يجيب العربية وسألني ما بين الالنترا والفوكس وانا احترت زيه وعشان كده قلت اسأل حضرتك...
و دلوقتي السؤال من الالماني يروح للالنترا ولا الفوكس؟؟
انا اعتقد الفوكس فخامتها هي الاقرب...
حضرتك رأيك ايه؟؟!
شكراً لردك مقدما وسعيد اني بتكلم مع حضرتك...
تحياتي
Sent from my SE Arc S using Forum Runner
يا باشا ده شرف ليا اني انا الي بتكلم مع حضرتك
الموضوع كده وضح اكتر حما حضرتك كان راكب مرسيدس هايزعل قوي لو نزل منها وركب النترا خصوصا الشيب الجديد بس بردو في نفس الوقت الفوكاس التريند فاضية زيادة عن اللزوم لو يعرف يزق شوية للتريند بلس يبقى تمام ما يعرفش يبقى خليه في التريند لأن ببساطة اسلوب سواقته هاتلاقيها واخدة على الالماني فلو نزل للكوري هايتضايق الفوكاس على الاقل مش هاتحسسه بفرق الاداء هو بس ممكن يحس بفرق الكماليات بس دي مش مربط الفرس ودي طبعا وجهة نظري المتواضعة التي لا قيمة لها
شكرا جزيلا على الرد الجميل ده...
انا قلت كده برضو الفوكس في رأيي احسن...
وهو مكنش بيهتم بالكماليات اللي في العربية بقد مهوا كان بيحب الركوبه المحترمه... بس هوا اهمل المرسيدس جدا..
هقولك آخر الأخبار اما يرسى ونشوف هيجيب ايه...
تحياتي
Sent from my SE Arc S using Forum Runner
باشا جربت ال ٩٢ ؟!!!
عامل ايه يا كبير مع البنزين :) ربنا معاك مشفق عليك والله
واحشني والله يا مودي عامل ايه يا كبير
خلاص انا هجرت 95 التفويلة اللي فاتت كانت 92 وماشية حلاوة مش حاسس باي فرق
واخونا Formulator بعتلي تركيبة كيميائية كده بتتضاف لل 92 تخليه 93.5 وقاللي ممكن تستخدمها لو عايز ترفع الوكتان شوية وممكن ما تستخدمهاش خالص لأن ال knocking sensor هايقوم معاك بالواجب وهايمنع التسقيف والعربية هاتمشي كويس بس الهورس باور هايقل شوية وده نفس كلام الوكيل تقريبا فانا قولت امش ب 92 عادي وكل ما اتزنق في ال 5 هورس باور الزيادة ابقى احط التركيبة بتاعة formulator بس يا سيدي وابقى طمني عليك
أستاذ محمد كنت عاوز أكلم معاك شوية فاضى امتى
أستاذ محمد ممكن رقم تلفونك ؟
يا باشا متشكرين على اهتمامك ربنا يكرمك يا مودي واطمن الاداء تقريبا ماتغيرش انا حاسس يمكن السحب قل حاجة بسيطة لدرجة اني مش متاكد هو قل فعلا ولا انا اللي موهوم لقيت واحد النهاردة بيجري باوبل كورسا هاتشباك قولت اجرب اجري معاه جيت جنبه لقيته بيحرق وبيزود رغم اننا كنا ماشين 160 قولت حلو فرصة اجرب العربية رحت لازق دواسة البنزين في قعر العربية طلعت منه على 180 وهو ما كملش معرفش مرضيش يزود ولا ده اخر العربية المهم انا جيبت 200 عادي والعربية مش بتسقف فعلا خالص لا على السرعات البطيئة ولا العالية فالحمد لله الأداء ما اتأثرش بس انا خايف يكون فيه تأثير على الموتور على المدى الطويل
استاذ محمد بحييك علي المجهود الجامد و ربنا
يباركلك فيها يا رب....
انا بقالي شهرين محتار اجيب ايه فكرت في الفورد
فوكس ترند بلس بس خايف شوية عشان معرفش عنها حاجة
فقولت اسال حضرتك عامله ايه معاك لحد دلوقت و اخبار ال ٩٢ معاها ايه
و معلش لو فيها رزالة فوكس ترند بلس ولا ب م ٣١٦ ٢٠١٠ استعمال خفيف
و اسف علي الازعاج
اهلا بيك يا استاذ أحمد في اي وقت واي استفسار انا تحت امرك ومفيش رزالة ولا حاجة ما تقولش كده ياراجل
بالنسبة للفوكاس العربية ما شاء الله حلوة جدا وانا عامل 18000 كم لحد دلوقتي والعربية تمام مفيش مشاكل تذكر هي بس النتشة البسيطة اللي بتحصل في الفتيس ساعات على السرعات القليلة نتيجة الديوال كلاتش وحتى النتشة دي كمان قلت جدا وانا عرفت من الاخ االمهندس يحيى اللي معانا هنا في المنتدى وجايب الفوكاس هاتشباك ان الموديل اللي نزل بعد عربيتي ما فيهوش النتشة دي اصلا نتيجة ان السوفتوير بتاع الفتيس احدث
والبنزين 92 دي تاني تفويلة ليا ماشية كويس جدا مفيش فرق تقريبا بينه وبين ال 95
وبالنسبة للبي ام فالاختيار هنا يتوقف على متطلبات حضرتك يعني البي ام طبعا موتور اقوى وتسارع احسن وسرعة قصوى اعلى ده طبعا مش معناه ان الفوكاس قليلة في الحاجات دي انما البي ام طبعا لا يعلى عليها غير كده هاتلاقي الثبات واحد تقريبا والفوكاس عفشتها انعم بعدين العربية الزيرو بردو ليها زهوتها بجانب ان اسعار قطع الغيار طبعا الفوكاس ارخص بمراحل ولو حضرتك بتفضل الاوتوماتيك زي حالاتي فطبعا البي ام 316 مانيوال فحسب متطلبات حضرتك تقدر تختار وربنا يوفقك ان شاء للاختيار السليم
بلغني يا أهل الفورد ان فيه فورد فوكس هاتشباك جت سبيشيال أوردر لونها أسود و كانت واقفه في المعرض من أسبوعين
اللي جابها بقي يقولي جابها بكام و فيها ايه زياده و لو علي الخاص
و طبعا كله يقول ما شاء الله و ربنا يباركله فيها !
زي ماقال الباشمهندس محمد صاحب انتفاضه الفوكس في المنتدي، العربيه سواقتها متعه ماشاء الله، انا خايف أقول اكتر من كده علشان عايز استمتع بيها لوحدي في الشارع ..... بس للامانه عربيه تستحق الاحترام والفلوس .... حضرتك لازم تجربها وتستخير واسأل وربنا يقدرنا ونجاوبك.
الاسبيشيال اوردر فيها كاسيت سوني ب شاشه ٥ بوصه وسوند سيستم وحاجه كده زي صبوفر في الشنطه واتو بارك وجي بي اس ، blind spot monitor , وتقريبا زينون مش فاكر هسألاك، المهم واللي جبها ده جاري بس في منها كتير بس لون اسود و ب ٢٣٠ الف
طب الحمد لله ربنا يباركله فيها و يكفيه شرها و فعلا سعرها في الرانج ده اللي اتقالي
بس كده انت قربت أوي من الاودي a1 وديه السفروته اللي مجنانني :]
اسف الشاشه تقريبا ١٠ بوصه مش ٥ خالص، الاودي a١ صغيره جدا من الداخل
الكشافين الزينون ب ١٦ الف وبيقولو بابا وماما بالموديول بتعهم وكل لوازمهم......
16000
طب عدسات و adaptive ولا من غير ؟!
ربنا يباركله فيها
اصل الحكايه، العربيه كانت نزله اسبيشيال لرايس مجلس الاداره وبعدين قرارو يبوعوها وبعدين ممكن اي حاد لو عايز زيها يجيبوهالو، الصراحه منظر الكشافات غير عاديه وخصوصا اليدات اللي فيها ماشاء الله و بتلف يمين وشمال ولو في حد ضرب النور في وشك هيا بضلم شويه اصلها محترمه .... هعههه
16000 فانوسين
لازم تكون محترمه الصراحه
لو عندك لينك ليها أو صور يبقي تمام
هي دي اي فئه ؟
الموضوع بالكامل عن اعلي فئه سيدان اللي هيه الهاي لاين ٢٠١٢.
أبو يحيي :]
عامل و السياره عامله ايه الاخبار و عملت قد ايه كيلومترات
التوكيل عامل ايه ؟!
اي تعليقات
الموضوع مات يا رجل و أستاذ فوزي بردو بقاله مده ما دخلشي هنا
شفت واحده نبيتي لسه ما علقتشي نمر هاتش
فوق الوهميه
بس لما قعدت جواها حسيتها ضيقه سيكه !
أتمني كله يكون تمام
و يا ريت موضوع بالكامل عن الهاتش ما دام ده عن السيدان
كريم باشا، والله العربيه تمام الحمد لله، انا عامل ١٨٠٠ كيلوا ، كنت مسافر وكانت مركونه شويه، لسه كنت مركب ليدات في التوكيل من اسبوع، ولسه انهارده مركب فرش جلد عند جينز كار بس لمبه الايرباج منوره فهروح بكره احتمال التوكيل تاني او علي الاسبوع الجاي علشان اشوف اعمل ريست ليها واه ايه النظام، تقريبا لما الفيش اتخلعت واتركبت تاني مع تركيب الفرش علي الكراسي، انا بشوف السيدان كتير الحمدلله، بس العربيات غليت اوي والحمدلله الواحد اشتري، انت ايه الجديد معاك؟!
ازيك يا هندسة واحشني والله عامل ايه انا بقالي فترة ما دخلتش كنت مشغول قوي الفترة اللي فاتت
المهم طمني عليك عامل ايه واخبار العربية معاك ايه انا عامل 25000 دلوقتي وكله تمام الحمد لله
لو روحت التوكيل ابقى قولي اخبار الاكسسوارات الجديدة ايه في حاجة حلوة ممكن تتركب وانا هاتابع معاك انشاء الله
ياه انت فين هندسه ، وانت كمان ليك وحشه جامده، ماشاءالله ٢٥٠٠٠ الف مره واحده ربنا يباركلك، انا لسه ممكن تقول ٢٠٠٠ كيلو بس، انت عارف انا مسافر معظم الوقت، التوكيل عندو ليدات بتركب مكان الفيبر اللي تحت الكشافات بس حاجه جامده جدا، هصورهم وابعتهوملك ، بتكلف حوالي ١٧٠٠ بالتركيب ، كله الماني طبعا، العربيه منتشره دلوقتي الحمدلله عن زمان،