الف شكر ليك ديمن مطمني :)
عرض للطباعة
ازيك ياباشا واخبار الفوكس ايه
عندى كام سؤال لانى ناوى اشترى الفوكس 2014
ل هتكون النتشة فى الفتيس دى اتحلت وهل الفتيس فى اى مشكال زى ال dsg
تانى حاجة قولى العربية اخبارها اة واة ملاحظاتك عليها دلوقتى
وتحياتى
الفتيس: بصو يارجاله العربيه بتنقل بالضبط علي حسب دوست رجلك علي البنزين والصراحه مينفعشي اي حد يسوقها مره او اتنيت او تلاته ويعرف يحكم علي الفتيس ويقولك بينتش وله لا، المهم الحمد لله العربيه بقالها معايا فتره واقدر اقول الفتيس ممتاز لو عايز تحرق هتلاقيه بينقل علي حوالي ٦.٥، لو نص نص هتلاقيه بينقل علي ٤.٥، لو حضرتك ماشي برحتك خالص هتلاقيه بينقل علي ٣ ار بي ام، اعتقد الحوار ده علشان يوفر في البنزين ، حوار الكنبه ورا ديقه وكده انا شايف الدايت هوه الحل علشان نعرف نقعد كويس ،،،،،،، بهزر بس لو الاوزان عاديه فالكنبه الي ورا كويسه جدا جدا، العربيه فيها كل تجهيزات الامان الاساسيه ،الاوبشنز علي حسب الفئه، التوكيل عندو كل حاجتها ، معاملتهم كويسه جدا جدا، في ضمان سنتين، بص اهم حاجه الناس تفهم هيه معاها كام فلوس بالضبط وبعدين يدور علي العربيه اللي يكون فيها اعلي مواصفات الامان في حدود نفس المبلغ ، اه ولازم يحدد هوه عايز سيدان وله هاتش باك وله كروس اوفر، انا الصراحه بستغرب جدا الناس اللي بتقارن بين التلاته وانا الصراحه كنت واحد منهم بس الحمد لله فوقت بدري وعرفت انا عايز ايه، حوار دي بتسحب جامد والشد ده .... كل ده فاكس فوقوا يابشر احنا في مصر يعني طرق وعادات سواقه وقوانين مرور فاشله ومحدش ينكر....... انا شايف بجد مفيش طريق محترم يستاهل اني امشي فيه بالفورد بتعتي فمابالك بقي لما بشوف حاد جنبي بعربيه تمنها معدي جامد..... طبعا ربنا يباركلو فيها وكل حاجه بس بتصعب عليا العربيه وبحس انه مش مكانها، احنا تجار العربيات بيشتغلونا جامد للاسف لجهلنا احنا عايزين ايه بالضبط، مصر بلد الكوري بس يكون بأسعار زمان علشان اللي بيحصل ده اسمه ........ ، وخليك فاكر ... طرق مش كويسه وعادات سواقه سيئه جدا وقوانين تقريبا مفيش ..... يبقي لازم تحدد النقط السابقه وبعد كده تحدد النوع وبعد كده تسأل الريفيورز....،، عاش ياجامد
تمام ياباشا كلامك بس انا عندى السيارة البديلة الى هتمشى فى الشوارع الى مش كويسة فا انا هجيب الفورد علشان اسافر مسافات طويلة مستريح وهتكون اغلبها فسح يعنى الى حد كبير هكون بعيد عن الطرق العشوائية
بس افهم من كلام حضرتك انى اتوكل على الله فى الفورد وانا مطمن :d
وزى ما قلت لحضرتك هستنى موديل 2014
توكل علي الله ولو عندك اي استفسار انا تحت امرك :)
الاستاذ محمد فوزي و الاستاذ yehiaseg الحقيقه انا متشكر جدا لمجهودكم الرائع و الاستفاضه و التوضيح الهايل عن العربيه و اللي كانت من الاسباب القويه اللي خلتني اقرر اني اشتريها و المفروض اني استلمها من معرض خلال كام يوم لانهم مش لقيين اللون النبيتي اللي عاجبني ... المهم كنت عايز اعرف ايه اهم الحاجات اللي اخد بالي منها و انا باستلم و ابقى شاكر فضلكم
مبروك مقدما ياباشا ولاشكر علي واجب تحت امرك، الكلام اللاحق منقول من قسم نيسان :
1- حاول تستلم العربية بالنهار افضل من الليل عشان تبص على صاج العربية وتطمن انه خالى من اى خرابيش او خبطات
2- انزع عند الاستلام الورق الملزوق على صاج السيارة سواء اللى على الكابوت او على السقف , وذلك للتاكد من بوية السيارة سليمة ولالا , لان الورق ده ممكن يكون مدارى تحت منه فرق لون لقدر الله
3- شيك على الزجاج الكهرباء كله , وتاكد من فتحه وقفله , و تشوف هل فى صوت تزيق او اى مشكلة فى الزجاج لقدر الله
4- جرب الكاسيت وشوفه شغال ولالا , ومتنساش تسال هل بيجى معاه وصلة يو اس بى مثلا وليه ريموت ولالا بردوا , وياريت تكون واخد معاك اسطوانتين من نوعين مختلفين عشان تجرب الاتنين زي سوني وال جي مثلا, عشان محدش يتلكك ويقولك الاسطوانات نوعها وحش , وكمان خلى معاك فلاشة فيها قران مثلا اذا كان ينفع توصلها عليه
5- اسال على الضمان بتاع السيارة وضمان الكاسيت والكتالوج بتاع العربية
6- شيك على الروافع مثل : الولاعة بتاعت العربية وطفاية السجاير وعلى الاريال
7- شيك وبص على المياة بتاعت السيارة من ميه مساحات والقربة والردياتير والبطارية عشان بس لو فى حاجة نقصة مش تمشى على عماك وتزودها فى اقرب مكان
8- اتاكد من وجود الاستبن (الكاوتش الاحتياطى )
9- نبص على شنطة العدة
10- نقعد على الكراسى اللى قدام ونحرك فيها لقدام وكمان لورا عشان نشوف هل فيها اى مشكلة ولالا , وكمان احزمة الامان
11- تشغيل الانوار كلها ونجربها سواء الانوار الداخلية جوة السيارة من نور الصالون والطابلوه ومن بره الفوجات والكشافات الامامية ولمبة الاستوب والفوانيس الخلفية
12- تتاكد من عمل المساحة وتشغل المياه بتاعت المساحة كمان
13- تفتح الابواب الاربعة والكابوت والشنطة وتشوفهم بيفتحوا ويقفلوا بسهولة ومفيش مشكلة فيهم ولالا
14- نتاكد من ان السنتر شغال ونتاكد من الريموت شغال ولالا
15- ركز فى استلام المفاتيح , فى عدد المفاتيح والريموت اللى بيجوا مع السيارة
16- نبص على عداد الكيلومتر واهم حاجة انه لايزيد عن 70 كيلو وكدا كتير كمان
17- التاكد من ان التكيف شغال ,لانك حتشغله بعد 500 كيلو فتكون مطمن ان مفيش مشكلة .. كفائته مش حتكون قوية لان العربية لسه جديدة ومش حيبان تبريده فى اللحظة دى لانك حتشغله لمدة دقيقة او اتنين بالكتير عقبال ما ترغى مع البائع ,المهم عشان بس تكون مطمن ان كل حاجة تمام .. وتاخد بالك هل فى اى قلق وهى واقفة ولالا مع تشغيل التكيف
18- اتاكد من ان الماتور صوته ناعم وهادى فى بداية التشغيل
19- حرك الدريكسيون يمين وشمال عشان تتاكد من عدم وجود اى مشكلة وصوت تزيق , وكمان شوف ظبط الدريسكيون لفوق ولتحت اخباره ايه
20- سخن السيارة وبعد ماتسخن اتاكد من ان المروحة اشتغلت بتاعت الرديايتير ولالا
21- اذا كان السيارة فيها فتحة سقف , نطمن انها شغالة وكله تمام.
السلام عليكم انا استلمت فورد فوكس منذ شهر العربية المد االله جميلة بس بعد 800 ك حسيت انهامتسحبش ذيأول عند صيانة الف ابلغتألمهندس بذلك مع صوت بسيط وقت التهدئة ثم تلتحرك فابلغنى ان هذا الفتيس البور شيفت و انه سوف يحمل سوفت وير الجديد للفتيس لكن بعد أتجربة اليوم حاسس انها بات اخشن من الاول و فى ناتشة فى تغير السرعات ارجو تلافادة هل تم تحميل السوفت وير فى اي صيانة
انا روحت عملت صيانة الألف يو السبت في التوكيل و كنت بقول للمهندس أنا حاسس ان العربيه مخنوقه شويه على سرعه ال 60 لكن بعد ال80 بتفتح و أن بدال الفرامل خفيف شويه , المهندس طلع جرب معايا قلي السحب كده كويس اوي و الفرامل حظبطحالك شويه و فعلا الفرامل بأت أحسن بس الخنقه لسه بقول يمكن مع الوقت تفتح بس ده كل الملاحظات على العربية لغاية دلوقتي
الف الف مبروك، انا معملتش السوفت وير الجديد، والعربيه زي ماهيه، الناس في اوربا بيقولو زيك كده بس الموضوع وقت لحد ما العربيه تتعلم طريقه سواقتك ونقلاتك وانت كمان
طيب هى العربية عاملة كام ،،معايا كا 97 وبفكر أستبدل ممكن السعر .
وربنا يبارك للجميع .
ازيكو يا جماعة واحشتوني قوي والله معلش انا عارف اني بقالي فترة مش متواجد ومقصر في الردود بس والله كنت مشغول جدا عموما انا معاكو واي حد عنده استفسار انا جاهز ولو واني شايف المهندس يحيى مش مقصر والراجل قايم بالواجب وزيادة ... واحشني والله يا هندسة عامل ايه واخبار العربية معاك ايه؟ طمني عليك
كان عندي سؤال ممكن يكون متأخر شويه انا اعرف أن العربيه فيها أيموبيلايزر بس أتأكد ازاي؟
السلام عليكم ورحمة الله وبركاتة
ممكن لو حد عارف موديل 2014 نازل امتى
شكرا للجميع وتحياتى
أنا شفت اتنين تلاته للبيع علي كونتاكت !
عدادات صغيره
هو فيه ايه :]
أزعل كده
ده العربيه ديه انا قربت أروح أخد نسبه علي مبيعاتها من التوكيل بتاعها من كتر ما بأرشحها للناس
أب داتس بقي عن اللي معاهم العربيات و التوكيل عامل ايه و مستوي الخدمه ؟!
العربيه حلوفة بنزين
ماحسبتهاش بالظبط علشان انا فى السعوديه مش فى مصر والبنزين هنا رخيص
عموما هى تعتبر فى مرحلة التليين وممكن فى طريق سفر ابقى احسبها
يا باشا تلاقي الناس دي مزنوقة في قرشين ولا حاجة العربية زي الفل انا عامل لحد دلوقتي 35000 كم والعربية ما شاء الله زي الفل با ستثناء الحاجات الطبيعية اللي انت عارفها نتشة الفتيس البسيطة تيل الفرامل كل 15000 غير كده كله تمام والتوكيل انا شايفهم محترمين ومهتمين بالعملاء بشكل كويس بس انت عارف التوكيلات دي بتبقى مواقف ممكن تلاقي حد بيقول ده توكيل هايل وحد تاني يقولك دول ولاد ستين في سبعين كله حسب الموقف بتاعه عموما لو حابب تسأل في اي حاجة بعينها تكون سمعتها عن العربية انا في الخدمة في اي وقت
يا باشا موضوع البنزين ده بس عشان انت في التليين يعني اول 1000 كم ما تحسبش فيهم الاستهلاك نهائي انا كنت كده بردو اول ما جيبت العربية قولت بس دي محتاجة بنزينة ورايا وانا ماشي بعد كده الموضوع ده اتظبط تماما بالعكس كمان ده انت هاتحس انها موفرة بالمقارنة بعربيات تانية كتير من نفس الفئة
السلام عليكم
انا ان شاء الله هاستلم الرائعة الاسبوع ده او اول الاسبوع القادم ممكن اعرف ايه اللى اسال عليه وايه اللى افحصة واختبره هيا الهاى لين
شكرا
بالنسبه للناس الى بتسال عن البنزين هو انا معايا فانتازيا 2012 وبحط 92 مع انه مكتوب 95 والعربية ماشاء الله شغالة زى الفل :)
بس انا حاسيس ان هيا مش عليا على الارض من اودام
الفورد فوكاس معروف انها ممتعة جداً في القيادة خصوصاً انها ثابتة على اقوى الملفات وثباتها غلب الفلوينس والاستر والميجان وكمان عشان هادية جداً على الطرق السريعة
والعربية شكلها ممتاز ما شاء الله من جوا ومن برا بالرغم ان شكل التابلو بتاع العربية اللي عندنا غير بتاع برا بس بردو شيك جداً جداً وعربية محترمة جداً, المشكلة ان الفئة الهاتشباك والـsw مش موجود منها غير هايلاين يعني اول 3 فئات مش موجود منها غير سيدان بس
وكمان الفورد مونديو ممتازة جداً
وفعلاً انا بسئل نفسي هي الناس اللي بتجيب النترا هايلاين ليه متجيبش فوكاس او حتى استرا او ميجان ؟ على الاقل جودة خامات التصنيع والامان وحتى الثبات اقوى من الكوري
بس فعلاً صدق اللي قال لولا اختلاف الازواق لبارت السلع ولو اني بنصح كل واحد ان ينشد شوية للاوروبي لو كان بيدور على حاجة فوق الـ170 الف
-- بس انا عندي سال بسيط جداً لو سمحت يا برنس ... هي ليه الفوانيس اللي عند حضرتك بخلفية سودا مش بيضا ؟
هى العربيه اسعارها فى مصر كام
ياخبر ابيض
تمنها هنا فى حدود 45 الف ريال موديل 2012