الاستهلاك لسة هايظبط معاك عن كده كمان انا حاليا المتوسط بتاعي 8.4 لتر لكل 100 كم
عرض للطباعة
الف مبروك يا باشا و كويس و الله انك بعدت عن نظريه الالنترا و لا الكيا انا جبت عربيتى فوكاس 2011 من سنه و كان ادامى النترا هاي لاين و سيراتو هاى لاين و اوفر فلوس كمان انما الفورد عربيه تانيه والله و هتحس بالفرق و سيبك من اى حد هيقولك سعر اعاده البيع لانك مش تاجر و كمان قطع الغيار موجوده و التوكيل انا عملت فيه صينتين 10000 و 20000 و الناس كويسين اووووووووووى و ربنا يباركلك فيها
الله يبارك فيك ،انا لسه راجع من التوكيل ، ناس محترمين جدا، ركبتلها الدلايات و ادونى دواسات جلد صغيرة مش عجباني اوى ،واخدت الضمان والمانيوال .وركبت lock للجنط وادونى كمان محفظة شيك للروخصه. الصراحة انا مش مصدق التوكيل عندة كل الاكسسوارات الاصلية المهمة والي مش مهمه.
انا روحت فرع العبور ، المعاملة جيده جداااا، كل اكسسوارتها اللي علي الويب site الاصليه موجوده زي الدلايات والدواسات العتب الاستييل دواست الشنطه شماسات الباب شنطة الرحلات لزيادة استغلال شنطة العربيه . كومبرسور الهوا ولحام الكاوتش الاصلي وبيرشًء في مكانه بالضبط جنب الاستبن، وكمان طبعت اسعار حاجات كتيرة ابعتلي ميلك وانا ابعتهالك وانت نزلها هنا انا مش عارف yehia_salah@hotmail.اسعار يعني معقوله عن اليباني الاصلي شويه، انت الكاوتش عنداك ايه نوعه؟!
الكاوتش كونتننتال والاميل اهو mohamed.fawzy@fuchs-egypt.net ابعت يا كبير
طب انا عاوز أعرف ايه الاكسسوارات لو مفيهاش رخامه و حشريه يعني :]:]
و الاسعار طبعاا :]
انا شوفت موضوع عن قطع الغيار لكن مش لاقي أسعار اكسسوارات ولا ايه هي الاكسسوارات أصلااا
لو فيه لينك عن الاكسسوارات علي النت أو الfb يا ريت اللينك
2012 Ford Focus Deflectors Accessories | The Official Site for Ford Custom Accessories اللي انا شوفتو اكيد. الدواسات والدلايات وعواكس الشمس اللي بتركب في الابواب ودواسه الشنطة والعتب كله زي اللي علي اللينك ولو عايز حاجه مش موجوده ممكن يجيبوهالك في ٣ اسابيع.
من الاخر احنا عايزين دواسات زي اللي في اللينك ده (Husky Liners Custom Fit WeatherBeater Molded Front and Second Seat Floor Liner Set for Ford Focus (Black):Amazon:Automotive)
باشا ممكن تدخل على FordEtis home page ودخل ال vin code وهتشوف عربيتك لما خرجت من المصنع
استاذ محمد حضرتك لو تقدر ياريت تعملنا موضوع مستقل باسعار كل فئات الفورد فوكس واكسسواراتها واسعارها
حاضر من عنيا انا ممكن اعمل موضوع اضم فيه اسعار فئات الفورد فوكس كلها وقطع الغيار والاكسسوارت كمان
بس اللينك اللي بعته الاستاذ يحيى فيه اسعار الاكسسوارات بالدولار من بره مصر فانا هاستأذنك يا استاذ يحيى بما ان انت كنت في التوكيل من يومين لو عندك اسعار الاكسسوارات عند الوكيل في مصر ابعتهالي يكون افضل لو مفيش هحط اللينك بتاع الاسعار بره حتى عشان الناس تعرف ايه هي الاكسسوارت المتاحة
اكتشفت ان الفانوس الخلفي فيه لدات ، وكمان العربيه بتدور المارش لوحده يعني الواحد بس يوصل المفتاح لاخر تكه ويسيب هيلاقي العربيه بتكمل دوران لوحدها ، زي التيوتا اليارس لو حد كان جربها .
ما شاء الله
ربنا يباركلك فيها و يعطيك خيرها و يكفيك شرها
---
موضوع رائع و قرأت 187 مشاركه ورا بعض
بصراحه انا مقبل على شراء سياره جديده
و كان نفسى فى حاجه عاليه عن الارض زى القاشقاى او الكيا بس لما شفت الهبل بتاع الاوفر برايس صرفت نظر عنهم نهائى ( اوصل العربيع الى 200 الف - ما انا اجيب بهم جيتا انضف و اقيم ) المهم
انا ناوى ان اخرى يكون 190
كنت رايح ناحيه الجيتا الجديده و الاوكتافيا
بس الجيتا خايف منها مش عارف ليه
اما الفانتازيا مضايقنى اوى ان موتورها من ساعة ما نزلت زى ما هو 102 حصان
الى ان قرأت موضوعك و رأيت شويه صور للاستيشن بتاعها بصراحه العربيه اسرت عقلى
اللى خايف منه هو استهلاك البنزين
انا استهلاكى للعربيه كتير - ممكن اعمل 150 كيلو / يوم
و معى تيدا ما شاء الله عليها مش تاعبانى فى الموضوع ده
ايه رأى حضرتك
---
ثانيا هى الاستيشن اطول و لا انا بيتهيألى
هل هناك حساسات ركن
اشكرك مرة اخرى
ربنا يوفقك يا باشا للاختيار السليم ان شاء الله بس ما تنساش اهم حاجة الاستخارة
بص عموما العربية ما شاء الله عليها ما فيهاش عيوب واضحة يعني يتقال عليها عيوب كبيرة نقدر نلخصهم في الاتي:
1- الصالون الداخلي متوسط يعني مش واسع ومس ضيق وفي رايي كان المفروض يبقى اوسع من كده شوية كانت هاتبقى افضل كتير وطبعا الاستاشن زي ما حضرتك تفضلت وقولت اطول واوسع شوية من السيدان
2- فيه نتشة بتحصل في الفتيس على السرعات القليلة كانت واضحة معايا اكتر اول ما جيبت العربية دلوقتي قلت كتير عن الاول معرفش انا اللي اتعودت عليها ولا زي ما بيقولو في التوكيل العربية في اول 1000 كم بتحفظ طريقة سواقتك وبتتكيف عليها ومع اني مش مقتنع قوي بالكلام ده انما عموما هي النتشة قلت عن الاول بشكل ملحوظ
3- هي المفضل ليها بنزين 95 انما ممكن تمشي ب 92 انما مش بنفس الاداء لكن مش هاياثر على الموتور بالسلب في حاجة هو بس هايقلل عزم العربية شوية وكمان التسارع وهايزود الاستهلاك شوية ده كلام الوكيل انما انا من ساعة ما جيبتها وانا بحط 95 ما جربتش فيها ال 92 الصراحة
هي دي العيوب الموجودة في العربية وبالنسبة لاستهلاك البنزين كان اول 1000 كيلو مرتفع انما دلوقتي اتظبط جدا وانا شايفه معقول قوي على عربية 1600 سي سي 125 حصان يعني هي بتعمل دلوقتي ببنزين 95 طبعا 230 كم في الصفيحة يعني لكل 20 لتر
وهي فيها بالفعل حساسات ركن خلفية
بس يا سيدي ولو عندك اي استفسار تاني انا تحت امرك وربنا يوفقك مرة تانية للاختيار السليم
ياريت حضرتك تقولنا مستوى التوكيل و توافر قطع الغيار و تقييمك لأسعراها
ممكن أعرف البيانات الموجوده في ال 2 lcd ال في العدادات و ال في التابلوه
شكرا
بتاعة التابلوه هي كومبيوتر الرحلات بيعرض درجة الحرارة الخارجية وتقدر تختار ما بين كذا قائمة (معدل استهلاك البنزين - الكيلومتر المتبقى لانتهاء البنزين - كيلومتر الرحلة - متوسط السرعة) وكذلك فيها اختيار seting ده بتظبط منه ال esp ووحدات القياس المستخدمة والتشييك على السيستم زائد طبعا ان لو فيه اي حاجة غلط بيظهرلك الارم على الشاشة لمبة محروقة مثلا او check engine او ميعاد الصيانة باب مفتوح شنطة مفتوحة الفتيس مش على ال p وانت نازل كده يعني وكمان بتظبط من الشاشة دي الكروز كنترول والسبيد ليميت
وبالنسبة للشاشة اللي في التابلوه دي بتاعة الساوند كل حاجة بقى في الساوند الفوليوم الاكليزر السي دي اليو اس بي اسم الاغنية اللي شفالة الراديو التردد ولو انت مش مشغل الساوند اصلا بتبقى عارضة الساعة والتاريخ وكمان بتعرض درجة حرارة التكييف او قوة المروحة اثناء مانت بتغيرهم
الف شكر
هي فعلا فيها سبيد ليميت و بيخليك متعديش السرعه المحدده ولا بس بيب كده لما توصل للسرعه المحدده
ماشاء الله ربنا يديك خيرها ويكفيك شرها يافوزززز
هى ماشاء الله عربيه جميله وومن السيارات المنافسه للهوندا والجيتا وان كانت فى رائى انها تفوقت عنهم فى التصميم ده وبس غريبه ان الماتور 1600 ومحتاج بنزين 95 وهل فيها تيربو يعنى والمفروض الهورس باور بتاعها كام
وانشاء الله الاجازه تبقى ناخد لفه انا وانت وصقر ودرمان ومحى والشباب ههههههه
تموور حبيبي منور يا باشا والله وواحشني جدا
بالنسبة للعربية هي موتور 1600 عادي مش تيربو بس نسبة انضغاطه عاليه فبيفضل انه يستخدم بنزين 95 وان كان يمشي ب 92 بردو بس العزم هايقل شوية يعني مش هتاخد مها كل ال 125 حصان بتاعها
وان كان على اللفة انا يا بشا ابعتهالك لحد عندك تاخد بيها اللفة بس اهم حاجة نشوفك وتيجي بالسلامة ان شاء الله
أستاذ محمد عندي سؤال تاني معليش عن التكيف هل في اي مشاكل في الفتح والقفل او تغير اتجاه الهوا وهل المتور بيسخن خصوصا في الصيف
شكرا