الموضوع: الحقوووووووووووني - عداد rpm

جربت .. مفيش فايدة

هو مش فيه حساس مسئول عن حجم الهوا اللي داخل للمكنة
مش ممكن يكون باظ من الغسيل مثلا

علي فكرة انا كمان لاحظت ان وانا ماشي بالعربية بحس انها عاوزه تجري
بحس ان عدد لفات الموتور اعلي بسيط مما هو مفترض ان تكون عليه
يعني مثلا لو ماشي علي الغيار الثاني وعدد اللفات المفروض يكون مثلا 1800
الاقيه 2000
ده وانا ماشي .. كمان لما بدوس فرامل وانا واقف علي n او p الار بي ام بينزل
انما هو المصيبة واللي هيجنني ارتفاعه بالشكل ده لحظة تشغيل العربية
يقفز من صفر حتي 2500 او 2800 احيانا
ثم يهدأ بمجرد ما اخد غيار

ملحوظة : انا كنت قريت هنا في المنتدي ان دي مشكلة شائعة في الاوبترا الاوتو تحديدا
وهي عدم انظام الار بي ام في السالنسيه
وده بيحصل بعد الغسيل وتنظيف البوابة

وده اللي انا عملته
غسلت العربية وبعدين نضفت البوابة باسبراي وحتة قماشة نظيفة

بس ..
وبعدين حصل اللي حصل

المشاركة الأصلية كتبت بواسطة hugan

شوف حضرتك انا غيرت اكتر من بوابه
الكهربائي اخر مره قالي ان سبب تلف البوابه اللعب فيها وعلي الاخص تنظيفها بقطعه قماش
والفتح اليدوي للباب
حاجه تانيه الميكانيكي قالي عليها
ان سوائل تنظيف البوابات الموجوده في السوق بتبوظ البوابه لانها بتعمل تاكل في قطر الدائره المعدن المسئوله عن دخول الهواء اللي هي زي نظام الباب في الكربراتير
وقال ان سبراي تنظيف البوابه موجود لكنه نوعيه غاليه جدا العلبه تعدي ال 250 جنيه
افضل شيء سيب البوابه زي ماهي ماتجيش جنبها الا لو باظت ومحتاجه تغيير
مش عارف الكلام ده صح ولا غلط

يعني معني كده ان المشكلة اللي عندي سببها ان البوابه محتاجة تتغير ؟؟؟
كمان فيه حاجة ..

انا كنت قريت هنا في المنتدي ان الموضوع ده عادي وبيحصل بعد تنظيف البوابة وبيروح مع المشي الكتير
لكن بيروح جزئيا يعني مش بترجع زي الاول
يا تري الكلام ده صح