الموضوع: اسمع مبروووك :) اشتريت سيينا 2002

المشاركة الأصلية كتبت بواسطة nouranwar

هو دلوقتي بقي احسن من الاول بمراحل بس لما باجي اجيب مرشدير بسمع زي صوت حكة في التروس زي مثلا لما حضرتك بتبقي ماشي و لسه العربية موقفتش و تجيب مرشدير بتسمع صوت حكة كده فهل ده تيش ؟

لو بيحصل احيانا فده طبيعى فى السيينا كل اللى معاهم سيينا بيحصل كده احياناا ومش فى السيينا بس ده فى اغلب عربيات فيات
وده راجع للتصميم بتاعها
ولو عاوز الصوت يروح هات الاول وبعدين هات مارشدير وشيل رجلك من على الدواسه ودوس تانى

المشاركة الأصلية كتبت بواسطة nouranwar

طمنتني والله اصل انا كنت مستكترها بصراحة :)
هغيره ان شاء الله
هروحله النهاردة ان شاء الله
هو فلتر البنزين هو ممكن اللي يكون خانق العربية بعد سرعة 80-100 ؟
هقوله علي كهربتها يظبطها النهاردة ان شاء الله
صاحبي بيقولي رجرجة الموتور ديه بيكون سير التقسيمة مش متركب صح ؟
و لسه فيه رجرجة لما باجي طالع علي الاول و ساعات التاني كمان بس الدبرياج مظبوط قوي !!!

رجرجه الموتور ليها كذا سبب عشان كده بقولك ارجعله وهو يشوفها

وفلتر البنزين طبعا ممكن يخنق العربيه لانه عامل عائق للبنزين انه يوصل بس لو هو نوع مش كويس طبعا

المشاركة الأصلية كتبت بواسطة misoalex

لو بيحصل احيانا فده طبيعى فى السيينا كل اللى معاهم سيينا بيحصل كده احياناا ومش فى السيينا بس ده فى اغلب عربيات فيات
وده راجع للتصميم بتاعها
ولو عاوز الصوت يروح هات الاول وبعدين هات مارشدير وشيل رجلك من على الدواسه ودوس تانى

بيحصل احيانا فعلا مش علطول

المشاركة الأصلية كتبت بواسطة misoalex

رجرجه الموتور ليها كذا سبب عشان كده بقولك ارجعله وهو يشوفها

وفلتر البنزين طبعا ممكن يخنق العربيه لانه عامل عائق للبنزين انه يوصل بس لو هو نوع مش كويس طبعا

روحتله امبارح قلتله علي رجرجة الموتور و الباور اللي راح قالي هشوفلك الموتور من ايه لما اشوف الباور و طبعا نسينا الموتور خالص لما اكتشف ان زيت الباور اختفي و العلبة فاضية و العيب من الاسكاترا
فكان معايا صاحبي قالي جهز فلوس و نروح لوسيلة بتاع عفشة في صلاح الدين و بيقولي ممتاز علشان عمل عنده عربيته الفيرنا قبل كده و هو هناك يفكهالنا و نروح لواحد يشوف اذا كان ممكن تتحشي ولا مينفعش و تتغير علطول !
هي تعمل كام الاسكاترا جديدة او مستعملة ؟
خسرت لتر زيت موبيل اللي راح و خسرت واحد تاني امبارح اللي هيروح هو كمان قالي هاتلك كام علبة زيت باور من ابو 10 جنيه علشان اول ما ينقص تزوده علشان متضيعش طرمبة الباور

المشاركة الأصلية كتبت بواسطة bobbozo4b

بسم الله ماشاء الله ربنا يحرسك ويحميك
ايه اخبار الثبات وصوت الماتور عامل ايه على السرعة ده
بصراحه انا اخرى 140 على الصحراوى عشان الاسرة بتكون معايا وكمان بحس ان العربية اخرها كده مع انى دايس بنزين على الاخر والـ rpm بيكون على 5 ونص


بالنسبه لموضوع النقلات فعلا بيكون التيش وهو عبارة عن عصاية من الفتيس متصله ببليه وعصاية اخرى الى الماتور ولما تقفش على نقله بتكون البليه فرطت من مكنه بين العصايتين وحصلت معيا وانا على الدائرى
وكملت المشوار وانا على التالت لاقرب ميكانيكى.

الله يخليك يارب :)
صوت الموتور عالي الثبات يعني لكن في الملفات الجامدة بهدي شوية يعني باخده علي 140 و بتبقي عايمة شوية بسيطة
انا الار بي ام علي سرعة 100 180 بيكون علي 5 وشوية

المشاركة الأصلية كتبت بواسطة marwan2368

ربنا يعينك في مشوار الباور
وطبعا لاننا بننصح بعض
وزي ما ميسو نصحني وانا اضحك عليا عشان قلبي الطيب اللي بيصدق الناس
الباور صارف معابا لحد النهارده 1850 جنيه ولسه ما اتصلحش رجاء
رجاء
لا تحشي علبة دركسيون
ولا تركب طقم اصلاح
ولا تصدق اي نصاب
علبة دركسيون السيينا مش بتتصلح
العلبة فيها سم قاتل
هتخرب بيتك
انا حرقت طرمبة الباور وغيرتها ب 400 جنية
وصرف على اصلاح العلبة 720 على مرتين بطقمين اصلاح
والنهاية صفر
العلبة في الوكالة من 500 إلى 650 استيراد ومعاك تجربة اسبوع رجاء انزل اشتري واحد
انا اشتريت من عزبة شلبي بس ولسه هاركب بكره
بس بصراحة في واحد في الوكالة اسمه مهران هو مصمم على 650 جنيه بس العلبة بتاعته شكلها رائع جدا عن اللي اشترتها ب500
عامة استني يومين لو ينفع وانا جرب اللي اشترتها لو كويسه انزل نفس المحل في عزبة شلبي وهاتها ب500 جنيه عند واحد اسمه محمد هتعرفه بسهوله لأن محله متغطي بقطع غيار سيينا

شكرا جدا لحضرتك علي الافادة
و ربنا يعينك يا رب في مشكلتك و ان شاء الله تتحل و تستريح منها
و منهم لله النصابين هيروحوا من ربنا فين
بس المشكلة بتاعتي مش علبة الباور انا مشكلتي دلوقتي الاسكاترا