الموضوع: اسمع مبروووك :) اشتريت سيينا 2002

روحت النهاردة الساعة 10 و شوية لقيته مخلصها استلمتها و طلب مصنعية 250 جنيه اديتهومله
انا حاسس لغاية دلوقتي انها ناعمة و تمام و الدبرياج مضبوط بالضبط الحمدلله علشان ده اكتر حاجة بتعكنني في العربيات انه يكون عالي او واطي لكن سعيد ضابطه 10\10 الحمدلله
قالي انا زودتلك زيت الفتيس لغاية ما تبقي تغيره فهغيره بكره او بعده ان شاء الله علشان كان زي الفل معايا اول ما اخدتها لكن لما مشيت بيها قصر معايا و بقي فيه عض في الغيارات شوية بعد ما كانت 10\10 اول ما اخدتها
اللي ملاحظه دلوقتي تعليقة المرشدير قلت جدا عن الاول يعني دلوقتي ساعات بتيجي من اول مرة او التانية بالكتير فهل انا لسه محتاج فبرة الفتيس ولا ايه؟
الباور بقي زي الفل الحمدلله بقي ناعم جدا و مفيش الصوت اللي كان بيطلع ده خالص الحمدلله
المكنة مش مضبوطة خاااااالص و العربية بقت ترجرج حاجة بسيطة فهل ده كهربة موتور تتظبط عند الكهربائي ؟
السحب زي ما هو في اول النقلة بطئ لكن بعد كده بيتظبط قوي بس فرقت حاجة بسيطة عن الاول
هو غيرلي كاوتشة السيرفو و الفيشة بتاعتها مع المصنعية
الفرامل لسه وحشة مش عجباني و ساعات بيطلع صوت التيل و كنت سألهالتيل اخباره ايه قالي تمام مش محتاج يتغير

لما العربية بتبات عند الميكانيكى ، أخر اليوم الميكانيكى بيروح بيها علشان كدة البنزين خلص
أسأل مجرب ههههههههه

وهو لية مغيرش زيت الفتيس وزوده بس ؟
دة سؤال بريئ يا جماعة علشان انا معرفش زيت الفتيس بيتغير فين او مين اللى بيغيره

أعتقد موضوع الرجرجة دة يخص الكهرباء

المشاركة الأصلية كتبت بواسطة nouranwar

روحت النهاردة الساعة 10 و شوية لقيته مخلصها استلمتها و طلب مصنعية 250 جنيه اديتهومله
انا حاسس لغاية دلوقتي انها ناعمة و تمام و الدبرياج مضبوط بالضبط الحمدلله علشان ده اكتر حاجة بتعكنني في العربيات انه يكون عالي او واطي لكن سعيد ضابطه 10\10 الحمدلله
قالي انا زودتلك زيت الفتيس لغاية ما تبقي تغيره فهغيره بكره او بعده ان شاء الله علشان كان زي الفل معايا اول ما اخدتها لكن لما مشيت بيها قصر معايا و بقي فيه عض في الغيارات شوية بعد ما كانت 10\10 اول ما اخدتها
اللي ملاحظه دلوقتي تعليقة المرشدير قلت جدا عن الاول يعني دلوقتي ساعات بتيجي من اول مرة او التانية بالكتير فهل انا لسه محتاج فبرة الفتيس ولا ايه؟
الباور بقي زي الفل الحمدلله بقي ناعم جدا و مفيش الصوت اللي كان بيطلع ده خالص الحمدلله
المكنة مش مضبوطة خاااااالص و العربية بقت ترجرج حاجة بسيطة فهل ده كهربة موتور تتظبط عند الكهربائي ؟
السحب زي ما هو في اول النقلة بطئ لكن بعد كده بيتظبط قوي بس فرقت حاجة بسيطة عن الاول
هو غيرلي كاوتشة السيرفو و الفيشة بتاعتها مع المصنعية
الفرامل لسه وحشة مش عجباني و ساعات بيطلع صوت التيل و كنت سألهالتيل اخباره ايه قالي تمام مش محتاج يتغير

المصنعيه معقوله كده مش كتير ولا قليل
غير زيت الفتيس وبعدين جرب وشوف الفتيس حيبقى حلو معاك ولا فيه حكه وتعليق
وارجعله يظبطلك رجرجه الموتور
وخليك فاكر انك غيرت فلتر الزيت وركبت نوع مش معروف ممكن يكون ده السبب
ولو كهربه المكنه عاوزه تتظبط هو اللى يظبطهالك الكهربائى ملوش دعوه خالص

المشاركة الأصلية كتبت بواسطة amur1010

لما العربية بتبات عند الميكانيكى ، أخر اليوم الميكانيكى بيروح بيها علشان كدة البنزين خلص
أسأل مجرب ههههههههه

وهو لية مغيرش زيت الفتيس وزوده بس ؟
دة سؤال بريئ يا جماعة علشان انا معرفش زيت الفتيس بيتغير فين او مين اللى بيغيره

أعتقد موضوع الرجرجة دة يخص الكهرباء

حيروح بيتهم بنص التانك !!!!
لا هو انا عارف اللى حصل تقريبا هو سحب منها بنزين عشان يغسل الفتيس والحجات دى بس مش لدرجه انه يسحب نص التانك هو ممكن اخد منها لعربيه تانيه بالمره هههههههه والمفروض كان قال انه سحب منها بنزين عشان ينضف بيه الفتيس عادى يعنى مش مشكله بس لو مقالش كده والعربيه كان فيها نص التانك بجد يبقى مش صنايعى امين وبالتالى تخاف تسيبله عربيتك بعد كده
اصل انا شوفت من ده كتيييييير
وفيه صنايعيه شاطره جدااا بس معدومى الضمير للاسف او كدابين ودول مينفعش تتعامل معاهم الا بحذر لانهم ممكن يأذوك جامد


حديك مثال زميل لينا هنا فى المنتدى جاب سير كتينه وراح للمكانيكى اداهوله يغيره عشان ميعاد تغيره ولازم يتغير وساب للمكانيكى العربيه راح المكانيكى اشترى دماغه ومغيرش السير وللاسف السير القديم اتقطع من زميلنا والعربيه جابت صبابات ونص عمره وطبعا عرف ان السير متغيرش لما شاف منظر السير المقطوع وطبعا التكلفه على حساب صاحب العربيه
كل ده بسبب واحد مكانيكى تييييييت وانت وثقت فيه وهو طلع واحد عاوز ضرب النار



اما بالنسبه لزيت الفتيس فالمكانيكى مش حيغيره من نفسه الا لو انت جبتله زيت وقولتله غيره
فهو لما حل الفتيس اكيد نزل منه شويه ده غير انه اكيد كان ناقص مثلا من الاول فهو زوده نص كيلو ولا حاجه عشان يجرب العربيه
ولما يجى صاحبها هو بقى يغيره فى بنزينه
والزيت المفروض يتغير كل 80 الف كيلو بس هنا فى مصر ممكن تغيره اقل من كده يعنى 40 الف او 60 الف حسب استخدامك وطريقه سواقتك

المشاركة الأصلية كتبت بواسطة marwan2368

تعليقة المرشدير مش فبره
تيش فتيس
تيش الفتيس 2 واير امامي وخلفي كده الخلفي عندك مش مظبوط ومحتاج لحام او تغير
حصلت معايا ونصيحة حاول تشتريه استيراد وبلاش حد يصلحة
واحد صلحة وخد 350 جنيه وطبعا مش زي لما يكون سليم في الاداء
جديد بحوالي 550 جنية واستيراد بحوالي 300 او اكثر لو معاه العصايا بالكامل

هو دلوقتي بقي احسن من الاول بمراحل بس لما باجي اجيب مرشدير بسمع زي صوت حكة في التروس زي مثلا لما حضرتك بتبقي ماشي و لسه العربية موقفتش و تجيب مرشدير بتسمع صوت حكة كده فهل ده تيش ؟

المشاركة الأصلية كتبت بواسطة misoalex

المصنعيه معقوله كده مش كتير ولا قليل
غير زيت الفتيس وبعدين جرب وشوف الفتيس حيبقى حلو معاك ولا فيه حكه وتعليق
وارجعله يظبطلك رجرجه الموتور
وخليك فاكر انك غيرت فلتر الزيت وركبت نوع مش معروف ممكن يكون ده السبب
ولو كهربه المكنه عاوزه تتظبط هو اللى يظبطهالك الكهربائى ملوش دعوه خالص

طمنتني والله اصل انا كنت مستكترها بصراحة :)
هغيره ان شاء الله
هروحله النهاردة ان شاء الله
هو فلتر البنزين هو ممكن اللي يكون خانق العربية بعد سرعة 80-100 ؟
هقوله علي كهربتها يظبطها النهاردة ان شاء الله
صاحبي بيقولي رجرجة الموتور ديه بيكون سير التقسيمة مش متركب صح ؟
و لسه فيه رجرجة لما باجي طالع علي الاول و ساعات التاني كمان بس الدبرياج مظبوط قوي !!!