الله يخليك يا عمنا
انت عارف خلاط المشاغل المولينكس بقى :tongue32:
سيبها للظروف و ان شاء الله هتلاقينى بكلمك قريب و انا هناك :B4_095:
ايه مشكله عربيتك:angry35:
عرض للطباعة
زهقت من اني الاقي كاسيت سوني 500 للبيع هنا في المنتدي فأشتريت واحد النهاردة الحمدلله ب 610
و ناوي علي بازوكا و امبلفاير بس اظبط كاشات الاول و ربنا يكرم ان شاء الله
الف مبروووك وربنا يباركلك فيها يارب ..
الله يقويك
مشكله عربيتى ان عليها عفريت هههههههههههه حجات بتظهر وحجات بتختفى
بس اللى متأكد منه انى عاوز مكانيكى نضييييييييييف بيفهم فى الفيات لانى مش حمل اجرب فى العربيه كفايه اللى حصلى من اللى المفروض بيفهمو فيها واساتذه
بجد موضوع الصنايعيه النضيفه ده فى اسكندريه عمله نادره وبعانى منه من زمااااان
الفتيس عندي مش مظبوط ساعات بيبقي تقيل في الاول و المرشدير دايما بيجي بالعافية
الحرارة بتعلي لما بشغل التكييف الصبح
فيه صوت صفارة فعايز اشوف السيور بتاعت العربية
عايز اشوف الدبرياج عندي علشان بقي تقيل فهشوف لو محتاج طقم دبرياج ولا ايه ؟
مؤشر البنزين لازم اشوفله حل
انوار العربية (الكشافات) العالي عايز يتظبط علشان مش بيفرش علي الارض بلاقيه طالع لفوق
:10D5C8w1107: :36_1_34[1]:
ايه ده كله ايه ده كله
انت مكشفتش على العربيه من الاول و الا ايه
عموما
طقم الجبرياج الاصلى بيعمل من 80000 الى 100000 كلم لو القياده مضبوطه
عندى اصلى فكيته عند 60000 كلم تقريبا
اذا كان ينفع عندك
و كمان السيور الاصليه بنفس الكلم اللى فات
طنابير امامى ماشيه 120000 و كويسه جدا .
و الحراره
1/ فك الرادياتير و تسليكه
2/ التاكد من عمل الثرموستات اللى فى الكوع
3/ ماسبق لسويتش المروحه اللى فى الرادياتير
4/ غسيل الدوره كويس جدا مع فتح السخن اللى فى التابلوه اثناء الغسيل
5/ مياه خضراء برايدستون امريكى تركيز 50 %.
6/ و تشوف اخر مره طلمبه الميه اتغيرت امتى؟؟
تحياتى و لو عاوز تعمل حاجه من اللى فوق - حاضرين...
كشفت والله و قالي تمام جدا كمان :)
ربنا يخليك يا كبيرنا متحرمش بس انا لو اللي عندي هيحتاج يتغير يبقي بفضل اجيبه جديد علشان مفكرش فيه من تاني
عايز اتأكد من السيور اللي عندي علشان بدأت اسمع صوت صفارة
بالنسبة للحرارة انا عملت دورة تنظيف بالماكينة ديه و حطيت مياه خضراء اول ما اشتريت العربية و برضه لسه الحرارة بتعلي لما اشغل التكييف الصبح
تعرف حضرتك انا هصدر مين يشوفلي الليلة ديه كلها الاستاذ خميس :tongue32: هخليه هو اللي يتابع العربية ديه بكل ما فيها :cat48:
متشكر جدا لحضرتك و ذوقك العالي
فيه سؤال هيجنني : دلوقتي انا عايز اغير مرايات السيينا العقيمة ديه فهل ينفع احط مرايات فيرنا او لانوس ؟
انا خايف من شكلها هيبقي عامل ازاي في النهاية !! و لو كده الواحد يعملهم كهرباء بالمرة هتبقي تكلفتهم كام؟
مش لازم فيرنا يعني اي مراية بتاعت عربية منتشرة علشان متكنش غالية و يبقي شكلها حلو علي لعربية و اهم حاجة تكون بتتقفل بالكامل مش 1\4 قفلة و يبقي اسمها مقفول :(
عنيا ليك فضى نفسك انت بس
وبالنسبه للمرايات انا بدور زيك على مرايات بتتقفل لان الموضوع ده واجعلى دماغى لان اى حد وهو معدى ممكن يلطش المرايه وهى ضعيفه فعلا وبتتكسر بالسبب ده
المشكله مش فى الشكل الخارجى للمرايه المشكله فى مكان تثبيت المرايه والدراع بتاع التحكم من الداخل لازم يبقى نفس النظام عندنا
اه لو كهربا حيبقى احسن بس الكهربا حتدخل فى 300 اقل واجب استعمال بالسلك
هو المرايه دى متصممه للدول النضيفه اللى مبيمشوش يحكو فى بعض وتلاقى موتوسيكل يزنق عليك والعربيه واقفه ولا عيل صغير بيفتح المرايه ولا غيره ولا غيره
الله يرحم مرايات ال 128 كانت قلاب ومن يوم ما اشتريت العربيه لحد ما بعتها مغيرتهاش :)
تفتح تقفل تشدها تزقها عكسى اعمل فيها اللى انت عاوزه
كانت استك منو فيه هههههههههههههه
عملتها معايا النهاردة بنت اللذينة
جيت ادور العربية لقيت البطارية ماتت مع ان مكنش فيه اي حاجة شغالة تستنزف الشحن و كانت ماشية معايا زي الفل امبارح و غير كده مشاويري علطول العلمين كل يوم او كل يومين يعني المفروض بتتشحن المهم دورتها و رحت مشوار و ركنتها مرضتش تدور جبت كهربائي دورهالي و رحت جري اشتريت بطارية تركي مش عارف اسمها 55 امبير ب 380 جنيه
معلش يا معلم هو حتلاقى المالك القديم كان جايبها من زمان وجابت اخرها خلاص
ومبروك على البطاريه الجديده
الله يبارك فيك يا ميسو
المشكلة بقي و انا رايح مارينا اول امبارح العجلة التيوبلس نامت و انا ماشي مش عارف ازاي ! :b4_048: المهم غيرت الاستبن و لما وصلت علي بوابة مارينا 2 العجلة التانية نامت و مشيت علي الجنط لغاية البنزينة و رحت للراجل قالي الاولي تتصلح لكن التانية انسي لازمك جنط جديد !!!
فعايز دلوقتي جنط جديد منين و بكام ؟
طالما عاوز فرده جنط انزل هاتها استعمال من صلاح الدين او الساعه هنا
وفيه بتوع كاوتش كتير عندهم جنوط استعمال اصلا والفرده من 50 ل 100 جنيه حسب حالتها
بس هاتها نفس المقاس اللى عندك
رحت النهاردة علشان اشتري جنط بدل اللي باظ عندي بقول للراجل عايزه جديد قالي لأ بتاعك هصلحهولك و ارجعهولك جديد و مش محتاج يتغير قولتله انا مش عايزه انا عايز واحد تاني قالي تعلالي بكره استلم مني الجنط بتاعك و هتلاقيه زي الجديد و هيتكلف 40 جنيه قولتله قشطة :)
عاوز عصاية الكوريك الاصلي للعربية اللي برفع بيها الكوريك الاقيها فين ؟
السلام عليكم ورحمه الله وبركاته
ألف مبروك يا استاذ نور على العربية وربنا يديك خيرها ويكفيك شرها
أنا أول مرة بشارك فى الموضوع دة لأنه عجبنى وبقالى يومين بشوفه لحد لما خلصت أنهاردة
بصراحة الأستاذ خميس عامل أحلا شغل وأحلا ردود وانا فرحان جدا أنى لاقيت ناس هنا عندها سيينا من اسكندرية :satelite:
أصل أنا كمان من اسكندرية ومعايا سيينا 1600 بلس موديل 2002
أنا هنقل تجربتى المتواضعة من خلال رحلة العذاب والضنا اللى شوفتها
أول حاجة أوعى تروح لـ أحمد لانشا :T_thum1[1]: بصراحة حسبنا الله ونعم الوكيل وبقولها وأنا صايم فى رمضان
وهحكى بالتفصيل اية اللى حصل معايا عنده :3_3_102[1]:بس بكرة أن شاء الله علشان مفيش وقت كفاية أنهاردة
تانى حاجة الأستاذ خميس بيدور على ميكانيكى كويس وبيفهم والحمد لله وقعت فية بالصدفة
أسمه : محمد على :Ta_clap[1]:قبل كلاسيك وأنت فى شارع مصطفى كامل رايح ناحية باكوس يعنى قريب من الأستاذ خميس علشان هو ساكن فى فيكتوريا :)
أنا روحتله ظبتلى الهبل اللى عملهولى أحمد لانشا :fdsa:
تالت حاجة الصفارة اللى بتسمعها يا أستاذ نور ولا أقول يا دفعه :p لو الصوت جاى من الكبوت فدة بيكون بلية الشداد هى اللى بتعمل الصوت دة
رابع حاجة كنتم بتدورو على كهربائى كويس فى واحد بس هيكون بعيد عليكم شوية بس لجل الورد يتسقى البولعيق على رأى اللنمبى هههههه
أسمه رمضان :Ta_clap[1]:فى الورديان عند الساعة - بصراحة راجل محترم وشغله تمام بس هو بيكون زحمة شوية وبتاخد دور علشان كدة هتتاخر ( دة عيبه الوحيد )
خامس حاجة انا شوفت نور بيقول هيروح للأستاذ محمد شتورى زعيم الاسكندرانية :) علشان يجيب منه الاستيكر
هنا بقى السؤال ؟ هو فى استيكر للموقع بيتوزع على الأعضاء ؟ ولو كان الكلام كدة فأنا كمان عاوز واحد علشان أركبه على العربية :)
بكرة أن شاء الله لو كان لينا أجل هكتب المشكلة اللى كانت عندى وأحمد لانشا دفعنى فيها دم قالبى :crying2: ومحلهاش برده
ولو فى أى عضو محتاج أرقام تليفونات الناس اللى كتبت اساميها هنا يقولى وأن شاء الله كله يكون تمام
فى رعاية الله
و عليكم السلام و رحمة الله و بركاته
الله يبارك في حضرتك اللهم امين
ده شرف كبير ليا ان حضرتك تشارك في الموضوع و الحمدلله عجب حضرتك :angelme:
ميسو مظبطني هو و استاذ محمد (جلجل)
عربية حضرتك زي عربية ميسو 1600 برضه
بالنسبة لأحمد لانشيا مش هروحله علشان اللي عمله مع استاذ خميس و مع حضرتك و منتظرين تجربة حضرتك معاه :top_posters:
طيب كده تمام بقي عندنا ميكانيكي بتاع حضرتك و بتاع خميس و فيه ابو العلا في محطة مصر
نور احسن :) او دفعة و امري لله :fdsa: :crying2: لو كده اشوف بلية الشداد و اكشف عليها
انا رحت لكهربائي كويس في الحضرة الجديدة اسمه الزيكو :)
بالنسبة للاستيكر فيه استيكر نايل موتورز للعربية و بيبقي ليه عروض و تخفيضات في بعض التوكيلات و الاماكن و بيكون ب 35 جنيه معرفش دلوقتي بكام و فيه موضوع للخصومات اللي بيقدمها هنا في المنتدي
منتظرين تجربة حضرتك مع احمد لانشيا بفارغ الصبر :top_posters:
ياريت تكتب ارقامهم علشان اللي هيحتاجهم يكون متاح الوصول اليهم و بعد اذنك تكتب ارقامهم كمان في موضوع موسوعة السيينا
شرفتني و اسعدتني بتعليقك
امبارح قولت اغير 2 كاوتش امامي للعربية رحت بريدجستون سألت علي الكاوتش قالي 260-270-280 رحت لواحد تاني غير بريدجستون في سموحة بعد فتح الله قالي بنفس الاسعار
رحت لرضا بلحة لقيت عنده كل الماركات كنت محتار بين البريدجستون و التويو الياباني قالي هديلك فردة مش عارف اندونيسي ولا ماليزي بس كفائتها فوق الممتازة و احسن من كل الانواع المهم اكل دماغي و اقنعني و ركبت Platinum Achilles 175/70R13
82H-Dot5K EM HP(1412) ده تاريخ الانتاج
و قالي ال H ديه يعني السرعة و درجة استحمال الحرارة العالية و السرعة 210
و نقشة الكاوتش احسن من البريدجستون و فيها دعامات علشان المطبات و ميتقطعش لو اخدت مطب علي سرعة و مليته نيتروجين و بلفات للعجل كله
المهم الفردة ب 320 و الترصيص و البلف و النيتروجين و كمر للاستبن كل الحساب عمل 735 حاسبت علي 755 جنيه
فأيه رأيكم في الكاوتش ده كويس ولا ضحك عليا في النوع الغريب ده!؟ :I_angr1[1]: :11:
طقم الدبرياج بكام و انواعه علشان لازم لازم اغيره بسرعة علشان اللي عندي انتهي خلاص :(
انا رديت عليك فى موضوع عصايه الكوريك بس مش عارف الرد راح فييييين ؟؟
عصايه الكوريك حتلاقيها عند اى حد بيصلح كواريك وفيه ناس فى صلاح الدين طبعا وفيه 2 فى الساعه قريب منى عند بتوع الاستعمال اللى هناك
بالنسبه لطقم الدبرياج قولتك فيه التركى النوع اللى قولتلك عليه ب 275 او 300 كامل لل 1400 واظن ده سعره كويس جدا
ولو عاوز حاجه انضف هات الفايلو ب 450 كامل برضه
وموضوع الكاوتش انا شايف انك كنت جبت ماركه مشهوره افضل زى الكومهو او ال gt او البريللى يعنى الحجات اللى احنا عارفينها دى وخصوصا انك دافع كتير اوى دى الفرده عند 13 مش 14 الكومهو كانت الفرده من سنتين ب 225 تقريبا وبره فى محلات كانت ب 240
ومقولتليش مشكله الكهربا اللى عندك كانت من ايه
ياااااااااااااااااااااسلا م اخييييييرا لقيت حد اسكندرانى ومعاه اخت عربيتى ده انا اتخنقت وكنت بفكر ابيعها والله بسبب الصنايعيه اللى فى اسكندريه
انا بشكر حضرتك جداااااااا وياريت تقولنا كل التفاصيل عن المكانيكى والكهربائى دول طالما هما كويسين لانى حلفت انى مش حروح لاحمد لانشيا تانى واخر مره كان حقى اعمل مشكله معاهم لانهم زودوها جدا جدا معايا بصراحه
احكيلنا عمل ايه معاك عشان اكيد اكيد نفس اللى بيحصل مع اغلب الناس حصل معاك ومش احنا بس ده فى اخ محترم معانا فى المنتدى راحله مخصوص من البحيره وبرضه اشتكى منه ونفس الكلام اللى بيحصل بس هو تقريبا مش بيشارك كتير فى المنتدى عشان يحكى اللى حصل معاه
وكل سنه وانتو طيبين وانت اسمك عمر مش كده ولا انا غلطان
الرد راح فيييييييين :fdsa: :) طيب تعملها كام علشان محتاجها علشان اللي عندي معموله شكلها و لما بستخدمها بتقرفني جدا :( :I_angr1[1]:
طقم الدبرياج اللي ب 300 كويس ؟ يقعد يعني ولا هيبوظ علطول مفيش مشكلة اجيب اللي ب 450 ده بس لو اللي ب 300 كويس يبقي ادفع ال 150 دول في حاجات تانية محتاجاها العربية اصلي خلاص جبت اخري دافع لغاية دلوقتي 2000 جنيه و ناوي احط 1000 كمان و شكرا علي كده فعايز اعمل كل اللي فيها بالالف اللي معايا ديه و الظاهر لما اجي اشتري حاجة بعد كده هتيجي معايا يا ميسو علشان انا متأكد ان الناس بتستهبلني :11: :durak: و بيشتغلوني
الكاوتش خلاص انا لبسته علي كده فمش عايز افكر فيه كتير :crying2: علشان متعبش :) هو اقنعني و انا اشتريت :angelme:
و الله معرفش من ايه لرحت للكهربائي قالي مفيهاش حاجة و شالي فلتر الهواء و لعب في حاجة من تحتيه كده و لعب في البطارية و طلعت شرارة و شافلي الاسلاك و قالي مفيهاش حاجة و اتعدلت من ساعتها :B4_611:
بس قالي كاوتشة الهواء بتاعت الفرامل اللي زي البيجو القديم ديه لازم تتغير علشان ديه اللي بتأثر علي الفرامل عندك و قالي مش عارف ايه كده عايز يتظبط علشان ده اللي مبرجلك الموتور و مخلي صوته عالي فلما هفضي هروحله علطول ان شاء الله
و زيت الباور لازم يتغير علشان ناقص خالص و ده اللي مخلي فيه زنة جامدة جدا في الدركسيون و لو مغيرتهوش هيجبلك ماكينة الباور
العصايه بتاعه الكوريك معرفش بكام بس هو كله ب 80 جديد يعنى العصايه كبيرها 15 جنيه
وطالما الكهربائى قالك فيه حاجه عاوزه تتظبط يبقى اكيد دى فعلا اللى عملالك مشكله البرجله والتقطيع دى
وزيت الباور لو ناقص طبعا حتبوظ الطرمبه يا تزوده يا تدخل على اى بنزينه يشفطوه ويتحط الجديد زى ما قاللى استاز محمد فى الرابطه
وعلى فكره انت واخد فكره غلط عنى خااااااااالص دا انا اكتر واحد بيضحك عليه :):b4_611:
قشطة هشوف العصاية ان شاء الله و هظبط الكهرباء بتاعتها
زيت الباور هيفرق اذا كان ليكوي مولي او اي زيت تاني ؟ علشان لو كده هروح علي البنزينة و اغيره علطول بعد شفط القديم علشان يبقي علي نظافة
ههههههههههههه مفيش مشكلة لما نروح احنا الاتنين و نعمل مفتحين و يتضحك علينا احسن ما كل واحد يروح لواحده :) :cat06: