المشاركة الأصلية كتبت بواسطة wael_ghreez
السلام عليكم . . . موضوعك ممتاز و الله و ربنا يكرمك , انا بحب الناس اللي دماغها شغاله و جريئة , انا عايز اقول بس خواطر بتدور في دماغي و شوية افكار على معلومات يمكن تهم بعض الناس
اولا لازم كل الناس فعلا تشتري المروحة الستة ريشة الألماني ذات السرعتين ام موتور كبير , دي الاصلي , و بالقميص , و لو اقولكم على قوتها مش هاتصدقوا , رهيبة و في نفس الوقت اصليه و تركب بسهولة من غير تقييف و حوارات . . . دي حاجة
تاني حاجة كل 3 سنين غير رادياتير عربيتك بواحد صيني مهما تقولي الرادياتير نضيف او زي الفل هاقولك دة اساسي لازم يتغير ( الصيني بالذات ) و دة لان مادة الالومنيوم بتضعف مع الزمن و دة سعره يعني مش هايزيد عن 140 تقريبا يعني لو قسمتهم على 3 سنين يبقى تقريبا السنة هاتقف عليك بحوالي 45 جنية , مش كتير
ثالث حاجة لو لا قدر الله العربية اتخبطت من قدام و سربنتينة التكييف اتنى فيها ريش كتير فبلاش تصلح , ارمي و هات جديد عشان الريش المتنية صعب اوي ترجع زي الاول مهما صلحت فيها و لو رجعت هاترجع معووجة نوعا ما و هاتكسر انسياب الهوا و تقلل شدته اللي داخله بعد كدة للرادياتير . . . فيستحسن تغيره
رابع حاجة , بفكر حاليا في تجربة مش عارف هاتنجح و لا لأ , بفكر اجرب اخلي سربنتينة التكييف خلف الرادياتير مش العكس و بالتالي الهوا يخبط في الرادياتير اولا و المروحة تسحب منهم هم الاتنين الهواء السخن و تدفعه الى الموتور مش الفتيس زي ما الاخ الفاضل صاحب الفكرة ماقال , المشكله هنا هل السربنتينة اهم و لا الرادياتير ؟؟ السؤال دة محيرني لانه منطقيا طالما الرادياتير اهم ( من وجهه نظري ) فليه المصمم للعربيات دايما يحط الرادياتير بعد السربنتينة ؟؟ و بذلك تستفيد السربنتينة من الهواء اولا ثم الرادياتير , حد فاهم حاجة ؟؟ ههههههه