الموضوع: قاموس الزول الفاني ... لفهم اللهجة السوداني

المشاركة الأصلية كتبت بواسطة أحمد كمال

المصطلح السوداني على اليمين و نظيره المصري على اليسار

متين == إمتى

هسة == دلوقتي

يمشي == يروح أو يذهب أو يسافر (بغض النظر عن وسيلة المواصلات)

يصرف == يقبض (صرفت المرتب يعني قبضته مش صرفته)

المرة == الست (مش كلمة قبيحة هنا)

عجالي == كندوز

موية == مية

بارد == حاجة ساقعة

زول == شخص (احيانا تستعمل زي يا كابتن في مصر)

داير == عايز

ما == مش (اداة نفي)

عالمي == دولي (مكالمات عالمية مثلا)

يوغندا, يوغندي == أوغندا, أوغندي

حرف الغين == حرف القاف (القيادة == الغيادة, رقم == رغم .... إلخ)

هبوب (بفتح الهاء) == خماسين

لساتك == كاوتشات عربية

حبابك عشرة == أهلا بيك (صيغة ترحيب و تودد)

ود (بفتح الواو) == ولد أو ابن (ود عمي == ابن عمي)

القروش == الفلوس

مليون جنيه == أحيانا تعني ألف جنيه (مليون جنيه قديم == ألف جنيه جديد)

زبادي == لبن رايب

زبادي جامد == زبادي

كباب == كفتة

حبشي == أثيوبي أو إريتري

تسالي جرع (قرع) == لب أبيض

ريكشة == توك توك

استوب == اشارة مرور

الكونكت == اليو اس بي مودم

السكراتشات == كروت الشحن

ملحمة == محل جزار

طلمبة == محطة بنزين

لفة == يو ترن

الخرطوش == الخرطوم (بتاع الجنينة مثلا)

مغلق == محل حدايد و بويات

ابن النيل == مصري

سمحة == كويسة أو حلوة

شنو == ايه؟

منو == مين؟

الحاصل شنو؟ == فيه ايه؟ حصل ايه؟

داير شنو ؟؟ == عايز ايه ؟


و سنوافيكم ببقية المصطلحات فور وصولنا اليها


-----------------------


برجاء عدم الخروج عن نص الموضوع ....... الموضوع تعليمي و ليس ساخر

يااااااااااااااه مش هتتخيل انا عندي ألفة شديده للكلمات دي خصوصا اني قعدت فتره في النوبه بس مش كتير ومعظم العربي قريب من الكلام ده
لو قعدت مع واحد نوبي هتكره نفسك لانه كله لوغارتمات ومبيتكتبش وفيه منه بيتكتب بس دي حاجه كده مستحدثه غير النوبي الاصلي
بس سيبك كفايه النغمات اللي ممكن تسمعها من الكلام ده تحس ان مش مجرد كلام لا الناس دي عندها نغمه في كلامها كده صعب انها تتقلد حتي لو انت عارف الكلمات بس ماتعرفش تتكلم بنفس النغمه
يااااااااااااااااااااه كانت ايام حلوه والله ياريت ترجع