المشاركة الأصلية كتبت بواسطة ehab_mansour
الف مبروك أستاذ كريم علي التغيير و يارب يكون كل الشغل تمام
الله يبارك فيك ياهندسة والحمد لله كله تمام فيما عادا انى لسه ماشى بالكونترول القديم لحد مايجيب الجهاز الجديد علشان يكود وده مخلينى مش حاسس بطعم الموتور الجديد
أنصحك بعد تركيب الموتور و تجربته و استقرار الأوضاع انك تعمل سيرفيس كامل للموتور سيور و فلاتر و زيوت و سوائل و بوجيهات و تراجع علي كابلات البوجيهات عشان تركب العربية و تعيش حياتك و تستمتع بيها
انا لغاية دلوقتى مغير مرتين زيت شيل الاحمر وده علشان غسيل الموتور مرة اول لما سقط الموتور وده علشان الموتور كان جواه زيت مجلمط فخاف من مصفة الزيت انها تتسد وتانى مرة قبل ما اتحرك بالعربية وغيرت معاه فلتر وقالى امشى على الزيت ده 500 كيلو وبعدين اغيره بالزيت همشى عليه بعد كده شيل الاصفر او موبيل ويتغير كل 5000 كيلو, وغيرت فلتر الهواء وسير التقسيمة وسير الدينامو أما البوجيهات مش هغيرها علشان البوجيهات بتاعت بره احسن 100 مرة من اللى هنا حتى لو كانوا مستعملين, وبالنسبة للردياتير محتاج غسلة حلوة كده
بخصوص أسئلتك
1- الايموبلايزر ده عبارة عن جزء حلقي الكتروني موصل بجزء أخر صغير اسود خارج منه كابلات واصلة لكنترول السيارة و جزء أخر مثبت في مفتاح السيارة
وظيفته هو قراءة شفرة مفتاح السيارة و مطابقتها مع الشفرة المبرمج عليها الكنترول و عند تطابق الاثنين يقوم الكنترول باخراج اشاراته للمحرك للتشغيل و بدون هذا التطابق لن تتمكن ابدا من ادارة المحرك و هما حاولت مش هيدور و دي من اهم مميزات هذه السيارات انها مش بتدور ابدا بدون مفتاحها
طبعا فيه طرق كسر التشفير ده و لكن صعبه و قليل ان حد يعرف يعملها او يفهمها
2- وحدة الكنترول اللي هي ال ECU دي تقدر تقول هي العقل المركزي لادارة عموم مكونات السيارة الكهربية و الميكانيكية
كيف يتحكم الكنترول فيها ؟ عن طريق وجود بعض الحساسات علي المحرك و في أماكن مختلفه في عموم السيارة يعني التكييف فيه حساسات و الفرامل ال abs فيها حساسات و وحدة كنترول خاصة بها و نور الصالون فيه وحدة كنترول صغيره بتتحكم في عمله هو و السنتر و الكاسيت الاوريجينال مربوط بالكنترول (ده طبعا في موديلات بداية من 2000 و لكن الأقدم فيه كنترول و لكن التحكم في وحدات السيارة أقل)
لما بتحصل مشكلة في اي جزء من هذه الأجزاء بتعطي error خطأ و بيتسجل داخل الكنترول ولما بتدخل بالجهاز بتقدر تعرف المشكلة فين من الخطأ و رقمه و تفسيره و دي احد اسباب توصيل الجهاز بالكنترول
طبعا فيه حاجات تانية بتتعمل في الكنترول بواسطة الكابل و البرنامج اللي هلي الجهاز زي (تكويد الكنترول علي الايموبلايزر الخاص بالسيارة - عمل basic setting للمحرك بعض فصل البطارية عن الكنترول و .... و فيه حاجات تانيه كتير لا وقت لذكرها و لكن دول اهم حاجه)
تسلم ياهندسة على المعلومات المفيدة
و بالتوفيق ان شاء الله