الموضوع: رسالة من زوجة مستريحة متهنية

المشاركة الأصلية كتبت بواسطة ghosts

الجواز مشروع للقادرين والناضجين فقط ....

بالظبط كده
مع مليون خط تحت كلمة الناضجين فقط

انا شايفة ان اساس المشكلة
ان الطرفين عليهم ضغوط من كل ناحية
والحل بالنسبة لكل واحد انه يطلع همه في التاني

المشاركة الأصلية كتبت بواسطة Ghosts

الجواز كلة مشااااااااااكل ....
الضغوط المادية طبعآ مشكلة كبيرة أوى ....
طب والناس الأغنياء اللى معندهومش أى مشاكل مادية ... ياترى هما سعداء؟؟!!

عن تجارب شوفتها من قريب ناس عاديين جداا في منهم سعداء وفي منهم لأ
وبيفكروا برده في هايعملوا ايه الشهر ده وهايشتروا ايه وبكام عااادي جدا يمكن اسلوب
مختلف وحدود مختلفة شويةبس مش عايشين في الجنة يعني

السعادة في راحة البال وان اتنين يتشاركوا في حياة
يكونوا عايزين يستمتعوا بكل حاجة فيها .. مهما كانت بسيطة ..
يعني من الاخر كده ان كل واحد يكون سكن للتاني

وعموما ده راي شخصي وشايفة انه مايتحققش
الا بتوافق وقبول في حاجات كتير
ممكن يكون حاجة منها مستوي مادي متقارب بس
مش معنى مستوى مادي
المغالاة في كل حاجة على اساس ان ديه اللي هاتحقق
للاتنين السعاااادة

واحيانا موضوع المغالاة في كل حاجة ديه بتبقى لا رغبته هو ولا هي
بيبقى عشان بنت خالتها عملت فرح مش عارف فين
وقريبه فلان عمل كذا وكذا ولا اهلها عملوله ايه واهل البنت يقولوا بنتي لازم يجيلها
وانا ابني لازم تعملوله قصة كده اساسها العيلة والجيران والاصحاب مش هما خاالص

لو دورنا هما كان نفسهم في ايه هاتلاقيهم مش عارفين اصلا
من كمية الضغوط اللي عليهم

المشاركة الأصلية كتبت بواسطة nonia

السعادة في راحة البال وان اتنين يتشاركوا في حياة
يكونوا عايزين يستمتعوا بكل حاجة فيها .. مهما كانت بسيطة ..
يعني من الاخر كده ان كل واحد يكون سكن للتاني

وعموما ده راي شخصي وشايفة انه مايتحققش
الا بتوافق وقبول في حاجات كتير

الكلام ده عظيم عظيم عظيم بمعني الكلمة اشكرك و احييكي عليه .. اول مرة اسمع الكلام ده من بنت

بس الكلام ده يا فندم نظري تماما .. يعني نسمعة و نتخيلة و نتمناه و نحلم بيه بس .. لكن في الواقع مش موجود خااااااااااااااااالص

المشاركة الأصلية كتبت بواسطة bonanza

الكلام ده عظيم عظيم عظيم بمعني الكلمة اشكرك و احييكي عليه .. اول مرة اسمع الكلام ده من بنت

بس الكلام ده يا فندم نظري تماما .. يعني نسمعة و نتخيلة و نتمناه و نحلم بيه بس .. لكن في الواقع مش موجود خااااااااااااااااالص

شكرا لحضرتك بس
للاسف كل واحد فينا متحمل جزء من مسئولية ان الكلام ده نظري
طبعا مانقدرش ننكر ان ظروف الحياة الصعبة والشغل والماديات
عشان اي حد يقدر يبدأ حياة متوسطة او حتى بسيطة

لكن احنا بنزود الضغط مش بنقلله لما كل الناس عايشة في نفس المجتمع
ومع اختلاف الطبقات تقريبا هيا نفس الظروف والمشاكل بس بتبقى بشكل تاني

ليه مفيش بينا تسامح او تقدير للظروف اللي كلنا عايشين فيها
ليه كل واحد بيمارس ضغوط اكتر على شخص تاني
وبندور في دايرة مقفولة

لو المبدأ ده اتغير ممكن يبقى فيه بداية لحل معقول
بس للاسف احنا بنعاني من مبادئ اترسبت من سنين
في الناس ومحتاجة وقت وناس فكرها متفتح عشان
المبادئ ديه تتغير للاحسن ويقدروا يتقبلوا الاختلافات
لاننا بقينا للاسف مجتمع مفيهوش ابسط المبادئ الانسانية ..

المشاركة الأصلية كتبت بواسطة nonia

ليه مفيش بينا تسامح او تقدير للظروف اللي كلنا عايشين فيها
ليه كل واحد بيمارس ضغوط اكتر على شخص تاني
وبندور في دايرة مقفولة

عشان الستات نسيت ده

قال صلى الله عليه وسلم:" ألا أخبركم بخير ما يكنز المرء: المرأة الصالحة التي إذا نظر إليها سرته وإذا أمرها أطاعته وإذا غاب عنها حفظته " صدق رسول الله صلي الله عليه و سلم

و الطاعة هنا مش معناها حاضر و نبوز و نكشر و نقلب البيت نكد

و الرجالة نسيت ده

" رفقا بالقوارير "

و الستات نسيوا انهم قوارير اصلا

المشاركة الأصلية كتبت بواسطة nonia

للاسف احنا بنعاني من مبادئ اترسبت من سنين
في الناس ومحتاجة وقت وناس فكرها متفتح عشان
المبادئ ديه تتغير للاحسن ويقدروا يتقبلوا الاختلافات
لاننا بقينا للاسف مجتمع مفيهوش ابسط المبادئ الانسانية ..

عندك حق

المشاركة الأصلية كتبت بواسطة bonanza

قال صلى الله عليه وسلم:" ألا أخبركم بخير ما يكنز المرء: المرأة الصالحة التي إذا نظر إليها سرته وإذا أمرها أطاعته وإذا غاب عنها حفظته " صدق رسول الله صلي الله عليه و سلم
و الطاعة هنا مش معناها حاضر و نبوز و نكشر و نقلب البيت نكد
و الرجالة نسيت ده
" رفقا بالقوارير "
و الستات نسيوا انهم قوارير اصلا

عن أبي سعيد الخدري – رضي الله عنه – أن رسول الله صلى الله عليه وسلم قال: (( إن الرجل إذا نظر إلى امرأته, ونظرت إليه, نظر الله تعالى إليهما نظرة رحمة,فإذا أخذ بكفها تساقطت ذنوبهما من خلال أصابعهما )) صحيح الجامع حديث رقم 1977

المشاركة الأصلية كتبت بواسطة nonia

بالظبط كده
مع مليون خط تحت كلمة الناضجين فقط

انا شايفة ان اساس المشكلة
ان الطرفين عليهم ضغوط من كل ناحية
والحل بالنسبة لكل واحد انه يطلع همه في التاني

أخيراً ظهرت واحدة من الجنس اللطيف - منورة ياnonia - أنتي فين من زمان - انا واقفة لوحدي من بدري - وبدور على حد فيكو يستلم التتابع - nonia استلمي الرايا ودفعي معايا عن النساء العاملات بلييييز .
بس للأمانة - أغلبية المشاركين في الموضوع متفهمين الوضع - والحمد لله - لأن لو الراجل مش حاسس بمراته - مش ممكن يكون مش حاسس بأخته أو أمه أو بنته

المشاركة الأصلية كتبت بواسطة friendship7897

أخيراً ظهرت واحدة من الجنس اللطيف - منورة ياnonia - أنتي فين من زمان - انا واقفة لوحدي من بدري - وبدور على حد فيكو يستلم التتابع - nonia استلمي الرايا ودفعي معايا عن النساء العاملات بلييييز .
بس للأمانة - أغلبية المشاركين في الموضوع متفهمين الوضع - والحمد لله - لأن لو الراجل مش حاسس بمراته - مش ممكن يكون مش حاسس بأخته أو أمه أو بنته

ده نورك والله كنتي فين من زمااان بالموضوع ده
ده المنتدى بقاله شهور
فيه هجووووووم مكثف والحمد لله واحتى للفيس
لما خلاص حاسة انهم هاينزلوا مظاهرات ضد البنت المصرية ..

اكيد لو انسان متفهم تعب والدته هايبقى متفهم تعب مراته ..

بس احنا للاسف مفتقدين ثقافة اننا نسمع
لو بس سمعنا شوية مع شوية تفاهم
الحياة خاتختلف كتيييييييييير

بس للاسف ظروف وضغوط الحياة على الطرفين هيا السبب الاساسي