عملت حادثه واتخرشمنا انا والعربيه ومحتاج مساعده

**Bishoy.Girgis** · 12-06-2012 07:29 PM

حماده باشا .. الف و الوف سلامه عليك و اهم حاجه انك بخير
في التوكيل العربية هتعمل شغل السمكرة بفلوس اكتر من كده و اعتقد انها هتعوز صدر خلفي كمان غير الاكصدام و الفانوس و كمان هتحتاج شغل في الشاسيه
من الاخر الحرافيين هيبقي ارخص و انا مجربتوش قبل كده لكن التوكيل هيرجع العربية زيرووووو و خصوصا غلق الشنطة هيكون طبيعي بدون رزعها و اعتقد هتدخل معاك في حدود من 5000 - 6000 في التوكيل لو جبت كل قطع الغيار و السمكرة من هناك دا من غير حالة باب الشنطة انا مش عارف حالته ايه بالظبط لأنه ممكن يكون في عكة في باب الشنطة من ناحية العضم لكن طبعا مغطي بالموكيت
رأيي الشخصي تعمل السمكرة و الدهان في التوكيل لكن اشتري كل قطع الغيار من بره لأنك انت اللي هتبقي متحكم في السعر اكتر في موضوع قطع الغيار
ربنا معاك و طمنا عليك

**eshta** · 12-06-2012 07:35 PM

قدر الله و ما شاء فعل - المهم انك بخير يا باشا
قضاء الله لا يأتى الا بالخير

**حماده المصري** · 13-06-2012 01:27 AM

بعد لف كتير ف الحرفيين روحت لواحد في عين شمس وربنا يستر هيرش العربيه كلها الا السقف ويصلح كل حاجه ب 3 الف

غير فانوس واكصدام شاسيه اكصدام

**port_smoker** · 13-06-2012 01:57 AM

اللــه يعينك ويوسع فى رزقك

**mohamedghaly** · 13-06-2012 02:21 AM

والشنطه هتترش من جوه

**tarekmomo** · 13-06-2012 02:33 AM

قدر الله وما شاء فعل الحمد لله انك خرجت سليم

**حماده المصري** · 13-06-2012 02:53 AM

انا هتجنن انا شخصيه موسوسه خصوصا في موضوع العربيه انا عايز الدنيا تتزبط زي الفبريكه بالضبط

كل واحد عاوز يوجب معايا يسوحني في تفكيري

يعني انا لفيت الحرفيين كلها كله قالي سمكره 2000 جنيه اخر كلام الشنطه من جوه والفرده الي معووجه وكمان الستاره بتاعه الشنطه وكمان الصدر الامامي استعداله والحاجات الي بتحصل دي قدام عشان يتزبط

وكله قالي سمكره في رنج 1000 جنيه يادوب الحاجات الي هتتزبط

انا روحت لواحد في الحرفيين معرفه صديق وقالي انه تمام التمام واستاذ قالي انا هنجز لك الليله كلها ب 3 الف جنيه سمكره ودوكو وسبتها عنده

يجي بقى واحد يتصل بيا يقولي لا ياعم كتير ايه الشنطه وقدام اخرهم سمكره 1000 جنيه ورش 1000 جنيه وتعالى وننجز ونروح المنصوره ونزبط

خلاني متجنن ممكن اروح اخد العربيه بكره وامشي واروح المنصوره

مش عارف اعمل ايه وللعلم الشنطه متخرشمه لحد الاستبن ده عشان بس مصورتش عشان مرضيش الباب بتاعها يفتح ف مصورتش من جوه