جزاك الله كل خير تقرير وافى
جزاك الله كل خير تقرير وافى
كالعادة العربيه الى ف مصر ملعوب فيها فقيره جدا موتور ضعيف و التكييف مش تاتش و قعدت الكراسى عاليه مش مريحه زى الافيو والكلام ده والصنى مفيش فيها اى تطور لا ف الجديد ولا القديم يمكن احسن عربيه ركبتها ساعتها كانت ال 2003 اليابانى حرام الى يدفع فلوس ف صنى انا اركب هيونداى كورى اكسنت احسن منها
بصراحة تسعير الهيونداى فى مصر سرقة فى سرقة مين يقول أن الأكسنت rb أول فئه أتو 103000 جنيه فاضية تكيف وباور فقط ولا يوجد أى وسيلة أمان فى العربية وعلى فكرة الناس هى أللى بتخلى الوكيل يعمل كده لو كل واحد فكر قبل ما يشترى السلعة هى تستاهل فلوسها ولا لأ مكانش ده حصل وبلاش سياسة القطيع والكلام الفاضى أصل العربية بياعة أصل العربية سوقها واسع وتتباع فى دقيقة لو عايز الكورى يكسب دائما يعنى من الأخر السوق بتاعنا لا يعرف تقييم العربية سعريا وأنا شايف أن الصنى فلوسها فيها ويمكن أكتر كمان :inlove:
عن تجربة....
العربية بقالها معايا 10 ايام دلوقتي، بصراحة....
البنزين العربية موفره جدا جداجداجداجدا، هتنفع جدا لو قللوا الدعم علي البنزبن
تكييف قوي جدا جدا زي الصني القديم،
الموتور صحيح صغير بس سريع اعلي سرعه ليا لحد دلوقتي جبت 190 و ده بعد ما طلعت طلعه Alex عشان الين. قبل ما اسافر كان كويس، بس كان بياخد وقت علي مينقل،
و الصوت و الحرارة مفيشششش لا تقارن بالموديل القديم.
ثبات عالــــــــــــــــــــــ ــي
الوسع قصة نجاح العربية من جوه طويلة جدا لما برجع الكرسي للاخر الي ورايا قاعد مرتاح جدا، بس العرض مش كتير قوي عادي يعني...
حجم الشنطه قذر مفيش عربية سيدان شفتها خدت الشنط دي كلها
الفرامل هايلة و العربية عالي عن الارض و كنت شايل معايا وزن و مكنش نازلة قوي... مش زي السيراتوا او الاكسنت RB.
ابالنسبة للدواخل طبعا لا تقارن بالصني القديمة ام فرش و جناب تويد و تابلوه جلد مخمل، التابلوة بتاعها شكله فقير بالنسبة للصني القديمة او السيراتو، بس بالنسبة للاكسنت نفس الخامة
مشكلة ان مفيهاش شماعات غير للراكب جنب السواق عجيبة
الكاسيت جيل جدا بس مش بازوكا طبعا، الاريال الطويل وحش اوي بس انا جبت اريال صغير...
اربعة مكان لحامل الاكواب (2 في البابين الاماميين و اتنين امام الفتيس) حلوه
التكييف الخلفي جامد كييييييييك مشفتوش غير في ال S بتاعت ابويا...
التقفيل سيئ شوية بس للي يدور اوي و مش بيأثر علي العربية...
العربية 60% منها مصري (عشان يخدوا تسهيلات جمارك) زي ما عرفت من محمود حلاوه (مدير نيسان مصر) و الباقي من مصانع نيسان في الهند و بعض حاجات بسيطة من نيسان يابان (علي فكره انا شغال في الملحق التجاري الياباني و تأكدت من الكلام ده)
و علي فكرة مصانع نيسان اليابان و الهند و تايلاند و المكسيك كلها واحد و كلهم اداره و مواصفات انتاج ياباني فمفيش فرق بين اي واحد فيهم الوحش مبيخرجش من المصنع...
اه الفوانيس جامد بس الفوجات ضعيفة محتاجة تتعلي...
العفشه قصة مش هتحس بأي حاجة
بإختصار عربية + واسعة + ياباني+اتوماتيك+ قطع غيار موجوده و مش غالية + شكل جامد + 2 ايرباج+ABS+ EBD+ عفشة عالية و حلوة +ايموبليزر+ مفتاح شيك+1500cc +موفرة بنزين +تكييف جامد = 100,000 ج very good deal
بينما(سيراتو،اكسنت) كوري+ ستيبترونك+ قطع غيار موجوده و مش غالية + شكل جامد ++مش موفرة بنزين +تكييف جامد +ضيقة= 105,000 ج سرقــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــه
مفيش فايدة هجوم وخلاص اولا 40% من العربية مصري
ايه المصري في العربية الحاجات البسيطة- زجاج كاوتش -ابواب الفرش
السماعات
مش عارف الضفيرة اي نظامها
وعلى فكرة هي اي نعم حاجات مصري بس مش زي ما انت متخيل دي حاجات مثلا زي كلاريون عاملة مصنع تقفيل هنا وبتحط حاجتها في العربية
ممكن الحاجات اللي 100 % مصري هي الفرش و جلد الابواب
وحضرتك مركز اوي مع العربية معرفش ليه
بصراحه تقرير ممتاز جدا وشكرا على المجهود.
اهم حاجه الصيانه وأسعار قطع الغيار وهل هى متوفره فى السوق وبالنسبه للاعطال قليله ولا بتعطل علطول .