تقرير بالتفصيل عن امكانيات نيسان صنى الشكل الجديد وتقرير عن تجربة السيارة والاسعار

اقتباس:

---

المشاركة الأصلية كتبت بواسطة darkmagician

طب ياباشا حرميلك السيفي بتاعي وشغلني معاك ههههههههههههههههه :10d5c8w1107::10d5c8w1107::10d5c8w1107:

مش تقول يا عم :eyecancer::eyecancer:

المهم ياباشا هي النسبة 40 % ودي اللي سمعتها بوداني في لقاء مرة من مدير صيانة اوتوايجبت

---

ههههههههههه
والله انا معرفش انتوا ادرى بس الراجل اشترى العربية وبيقول ان ده كلام مدير نيسان مصر

ممكن الراجل يكون قالو 60 % مش مصري وهو ما اخدش بالو من "مش" :d
ولو 60% اعتقد حيبقى العفشة مصري

اقتباس:

---

المشاركة الأصلية كتبت بواسطة zezodapoor

عن تجربة....
العربية بقالها معايا 10 ايام دلوقتي، بصراحة....
البنزين العربية موفره جدا جداجداجداجدا، هتنفع جدا لو قللوا الدعم علي البنزبن
تكييف قوي جدا جدا زي الصني القديم،
الموتور صحيح صغير بس سريع اعلي سرعه ليا لحد دلوقتي جبت 190 و ده بعد ما طلعت طلعه alex عشان الين. قبل ما اسافر كان كويس، بس كان بياخد وقت علي مينقل،
و الصوت و الحرارة مفيشششش لا تقارن بالموديل القديم.
ثبات عالــــــــــــــــــــــ ــي
الوسع قصة نجاح العربية من جوه طويلة جدا لما برجع الكرسي للاخر الي ورايا قاعد مرتاح جدا، بس العرض مش كتير قوي عادي يعني...
حجم الشنطه قذر مفيش عربية سيدان شفتها خدت الشنط دي كلها
الفرامل هايلة و العربية عالي عن الارض و كنت شايل معايا وزن و مكنش نازلة قوي... مش زي السيراتوا او الاكسنت rb.
ابالنسبة للدواخل طبعا لا تقارن بالصني القديمة ام فرش و جناب تويد و تابلوه جلد مخمل، التابلوة بتاعها شكله فقير بالنسبة للصني القديمة او السيراتو، بس بالنسبة للاكسنت نفس الخامة
مشكلة ان مفيهاش شماعات غير للراكب جنب السواق عجيبة
الكاسيت جيل جدا بس مش بازوكا طبعا، الاريال الطويل وحش اوي بس انا جبت اريال صغير...
اربعة مكان لحامل الاكواب (2 في البابين الاماميين و اتنين امام الفتيس) حلوه
التكييف الخلفي جامد كييييييييك مشفتوش غير في ال s بتاعت ابويا...
التقفيل سيئ شوية بس للي يدور اوي و مش بيأثر علي العربية...
العربية 60% منها مصري (عشان يخدوا تسهيلات جمارك) زي ما عرفت من محمود حلاوه (مدير نيسان مصر) و الباقي من مصانع نيسان في الهند و بعض حاجات بسيطة من نيسان يابان (علي فكره انا شغال في الملحق التجاري الياباني و تأكدت من الكلام ده)
و علي فكرة مصانع نيسان اليابان و الهند و تايلاند و المكسيك كلها واحد و كلهم اداره و مواصفات انتاج ياباني فمفيش فرق بين اي واحد فيهم الوحش مبيخرجش من المصنع...
اه الفوانيس جامد بس الفوجات ضعيفة محتاجة تتعلي...
العفشه قصة مش هتحس بأي حاجة


بإختصار عربية + واسعة + ياباني+اتوماتيك+ قطع غيار موجوده و مش غالية + شكل جامد + 2 ايرباج+abs+ ebd+ عفشة عالية و حلوة +ايموبليزر+ مفتاح شيك+1500cc +موفرة بنزين +تكييف جامد = 100,000 ج very good deal
بينما(سيراتو،اكسنت) كوري+ ستيبترونك+ قطع غيار موجوده و مش غالية + شكل جامد ++مش موفرة بنزين +تكييف جامد +ضيقة= 105,000 ج سرقــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــه

---

السؤال هو المكونات الى بتيجى من الهند هندى التصنيع ولا جايه من اليابان الى الهند ومن الهند الى مصر وأكيد حضرتك غلط فى نسبة المكونات المصرى وقلت 60% والصح بتعها 40% صح ولا ايه ؟؟؟

تسلم ايديك يا أحمد باشا بس زعلان منك بقي كده من غير ما تقولي انت عارفني بحب كل شوية أحط العربية في الردة ههههههههههههه

عربية بمواصفات جميلة شكرا علي الموضوع

جميله بس كيلاسيكيه شويتين

اقتباس:

---

المشاركة الأصلية كتبت بواسطة hossam_elwani

السؤال هو المكونات الى بتيجى من الهند هندى التصنيع ولا جايه من اليابان الى الهند ومن الهند الى مصر وأكيد حضرتك غلط فى نسبة المكونات المصرى وقلت 60% والصح بتعها 40% صح ولا ايه ؟؟؟

---

العربية 60% منها مصرييييي
القطع الي جاية من الهند دي كانت مخصصة الاول 1000 عربية بس (الشاسية بتاعي رقم 608) و هي مصنعو بالكامل في الهند (حسب المواصفات اليابانية)
الموتور و الفتيس مصنع نيسان يابان (برضة لاول 1000 عربية)، و المواتير الي هتيجي بعد كدا سمعت انها هتيجي من الهند لحد ما يشوفوا امكانية تصنيعها في مصر...
المكونات المصري :
الزجاج - مصنع جريش
- السيور - الفوانيس - العجل الكاوتش (ماركة صيني صنع في مصر بمكونات 84% مصري)
التكييف ؟؟؟؟ - بس التكييف التاتش الي هينزل في الهاي لين هيكون من بره
الكراسي و الفرش و الارضية و السقف (مصنع السلام)
مكن الزجاج و السنتر و البودي و الشاسية مصرييييييييي

اقتباس:

---

المشاركة الأصلية كتبت بواسطة mozalol

والله يا جماعة مش عارف اقوووووول اية بالظبط اقرائوا الكلام دة والنبي

العربية انا حجزها بقالي شهر ولسة مستلمتش لحد دلوقتي وكنت من
الي عندة كلام يصبرني بية يقولة بسرعة لحسن انا هتجيلي جلطة

---

يا باشا والله كويسة جدا نا معاك ان التقفيل مش تمام اوي بس ده طبيعي في اي عربية جديده لسه هيظيطوا فيها شوية و بعدين هما عاملين كده عشان لما ينزلوا منها الاعلب و السوبر صالون يكون الفرق واضح ....
و انا معاك ، انا كان معايا صني 2009 بييز اتوماتيك مش سوبر صالون و كانت من جوه انضف 1000 مره
بس العربيه امان و شكل جامد و توفير و ب 100 الف عايز اية تاني و بعدين صدقني الي بتنزل في الهند و اليابان نفس الكلام (مع ختلاف الخامات)
و برضة احسن ما غبور يسرقك في عربية زي rb و ياخد منك 104 الف و يلبسك عربية شكلها حلو و كلها زبالة

اتوكل علي الله

اقتباس:

---

المشاركة الأصلية كتبت بواسطة zezodapoor

العربية 60% منها مصرييييي
القطع الي جاية من الهند دي كانت مخصصة الاول 1000 عربية بس (الشاسية بتاعي رقم 608) و هي مصنعو بالكامل في الهند (حسب المواصفات اليابانية)
الموتور و الفتيس مصنع نيسان يابان (برضة لاول 1000 عربية)، و المواتير الي هتيجي بعد كدا سمعت انها هتيجي من الهند لحد ما يشوفوا امكانية تصنيعها في مصر...
المكونات المصري :
الزجاج - مصنع جريش
- السيور - الفوانيس - العجل الكاوتش (ماركة صيني صنع في مصر بمكونات 84% مصري)
التكييف ؟؟؟؟ - بس التكييف التاتش الي هينزل في الهاي لين هيكون من بره
الكراسي و الفرش و الارضية و السقف (مصنع السلام)
مكن الزجاج و السنتر و البودي و الشاسية مصرييييييييي

---

كلام يحترم

بس حضرتك وثقت الكلام والتفاصيل دى منين؟؟

وخصوصا المكونات المصرى

وهيا العربيه لحقت من يوم 6/15 تبيع فوق 1000 عربيه؟؟

وازاى اقرأ رقم الشاسيه حسب نظريتك؟؟


تحياتى وتقديرى

اقتباس:

---

المشاركة الأصلية كتبت بواسطة hossam_elwani

كلام يحترم

بس حضرتك وثقت الكلام والتفاصيل دى منين؟؟

وخصوصا المكونات المصرى

وهيا العربيه لحقت من يوم 6/15 تبيع فوق 1000 عربيه؟؟

وازاى اقرأ رقم الشاسيه حسب نظريتك؟؟


تحياتى وتقديرى

---

رقم الشاسية الي كان في اوراق التوكيل و المعرض و رخصت بيه 608 لو عايزني اصورلك الرخصة ماشي
ثانيا يا باشا العربية و اقفه في مودرن ابو رواش من 18/05 ممكن تكلمهم تتأكد لو مش مصدقني..
و العربية في ناس بتوع معارض حجزينها من شهر فبراير و دفعين تمنها كامل (في معرض اسمه الايمن في عز الدين عمر - الهرم كانت و اقفه عنده من يوم 10/6 تقريباً) فأكيد العربية في 28 محفظة باعت كتير انا عندي في الحدائق شفت فيها 8 عربيات... ده غير ان كل و كيل معتمد بيدولوا عربيتن في كل معرض من معارضه للشو فقط... و برضة توكيل نيسان متعاوننين و ممكن يقولولك معلومات كفاية عن نسبة الطلب...
او في تقرير شهري عن مبيعات السيارات في مصر من Egyptian Automobile Manufacture Association بيكون فيه مبيعات كل انواع السيارات و موديلاتها (كيا: سيراتوا، ريو .....)

الكلام عن مكونات العربية و ان فيها هندي و مصري و ياباني .... ده كلوا اتقال في NISSAN SUNNY EXPO الي اتعمل في السبت 17/06 متهيألي ليه فيديو علي ال YOUTUBE او في اخبار السيارات الي بعده مش عارف ممكن تلاقي المعلومات فين غير كده، بس ممكن تكلم نيسان الاداره الفنية تتأكد...