أنا إتعرضت لحادث بلطجة فى محطة بنزين بترومين قبل دمنهور فى اتجاه القاهرة

**Elawany13** · 16-06-2012 11:12 AM

المشاركة الأصلية كتبت بواسطة _hema

احيانا التمسك بالحق بيفتح على الواحد بوابه المشاكل

راجع حكايه حضرتك تانى

هتلاقى ان بسبب تمسك بالحق ارهبت المدام والاولاد وادخلت الخوف فى قلوبهم وكان من الممكن لاقدر الله لو شيطانك غلبك ورجعت مرشدير باقوى مما فعلت لدهست الرجل او اصبته اصابه بالغه

ماذا سيكون الموقف اذن

راجع حساباتك واسأل نفسك نفس السؤال وحاول ان تصل الى اجابه تقدر تحافظ بها على نفسك وعلى عائلتك الكريمه فى المرات القادمه

لكى تحياتى واحترامى

أخى الحبيب المحترم
شكرا على مشاركتك وعلى نصيحتك الغالية
الحمد لله انى تراجعت فى الوقت المناسب وفى نفس الوقت نفذت اللى أنا عاوزه

بس لو كلنا سكتنا عن الحق علشان خايفيين كل واحد فينا هيبقى شيطان أخرس
أنا مش فاهم شعب ثائر وطلع بصدر مكشوف أمام الخرطوش والمسدسات والقناصة و مدرعات الداخلية
وبيتشطر على الجيش ومش عاجبه قضاء ولا عجبه العجب
شعب عاوز يرجع المليارات المنهوبة
وساكت على المليارات اللى اتنهبت ولازالت بتتنهب من جيوبنا يوميا !!!!
ساكت ليه على اللى بيسرقه قدام عينه
ساكت ليه على سواقين التاكسى اللى بيقسموا المسافة وبيضاعفوا سعر التذاكر بدون وجه حق
ساكت ليه على عصابات السطو المسلح اللى بتثبت الناس على الطرق نهاراً جهاراً واللى يشوفهم يقول يافكيك ويخاف على نفسه ويقول مليش دعوة
ساكت ليه على العيال اللى بتبيع مخدرات فى الشوارع الكبيرة فى كل مكان نهاراً جهاراً وبمنتهى البجاحه
ساكت ليه على البياعين والناس اللى استولوا على الأرصفة وكمان الشارع ومنعوا اى حد يقف أو يوقف عربيته فيها
ساكت ليه على استغلال عمال البنزين ومحطات البنزين للناس واستهبالهم عليهم واعتبار الأمر شيئ مسلم بيه
ساكت ليه على تحول الحق الى باطل والباطل الى حق

**Elawany13** · 16-06-2012 11:20 AM

شوفوا المشاركة الى فى الإقتباس واتنقطوا معايا
أخ فاضل اشترى 20 لتر بنزين 92 بـ 100 جنيه
المفروض السعر الرسمى للصفيحة 20 لتر 37 جنيه فقط لا غير
بذمتكم معايا حق اتنقط ولا لا !!!!!
مافيا تهريب البنزين والسوق السوداء ليهم حق فى اللى بيعملوه فينا ولا لا !!!
حسبى الله ونعم الوكيل

المشاركة الأصلية كتبت بواسطة Ahmed AlGamal

اليومين اللي فاتو دول كنت دايخ على جركل بنزين ( انا ضد الكلام ده بس مضطر عشان انا لسه جايب العربية جديد و سواقتي على قدها جدا ما بطلعش غير و معايا مدرب القيادة و كل ما قول لحد يطلع معايا يقوللي مش فاضي و ما اقدرش استنى في الطابور و الكلام ده )

المهم الحمد لله ربنا سهلها و جبت جركن 20 لتر 92 ب 100 جنيه

اللي جابلي البنزين قاللي انه التانك بتاع العربية بتاعتي ( لانوس 99 ) 40 لتر و هو ميكانيكي على فكرة

مع ان ميكانيكي تاني قبل كده قاللي انه 60 لتر

المشكلة ان الجركن طلع مكتوب عليه 16 لتر ( جركن زيت موبيل) و مع ذلك ملالي نص التانك

معنى كده ان التانك 30 لتر ههههههه و بعدين بقىىىىى

ملحوظة : روحت للي جابلي البنزين و قلتله على حكاية 16 ده.. قعد يقوللي اصل الجركن ما بيبقاش مليان زيت على اخره انما احنا ماليينه على اخره و قعد يحور قلتله ماليش فيه و خدت 20 جنيه الفرق
المشكلة ان الحكاية ده خلتني اشك في امانة الراجل و ممكن يكونو بيغشو البنزين نفسه

ربنا يرحمنا من البنزين و قرفه .... عمال ارغي انا

المهم انا عايز اعرف التانك كام لتر

**Sehsss** · 16-06-2012 09:27 PM

أنا لو مكانك كنت كلته علقة موت

**EhabVet** · 09-07-2012 05:16 PM

المشاركة الأصلية كتبت بواسطة Elawany13

أخى الحبيب المحترم
شكرا على مشاركتك وعلى نصيحتك الغالية
الحمد لله انى تراجعت فى الوقت المناسب وفى نفس الوقت نفذت اللى أنا عاوزه

بس لو كلنا سكتنا عن الحق علشان خايفيين كل واحد فينا هيبقى شيطان أخرس
أنا مش فاهم شعب ثائر وطلع بصدر مكشوف أمام الخرطوش والمسدسات والقناصة و مدرعات الداخلية
وبيتشطر على الجيش ومش عاجبه قضاء ولا عجبه العجب
شعب عاوز يرجع المليارات المنهوبة
وساكت على المليارات اللى اتنهبت ولازالت بتتنهب من جيوبنا يوميا !!!!
ساكت ليه على اللى بيسرقه قدام عينه
ساكت ليه على سواقين التاكسى اللى بيقسموا المسافة وبيضاعفوا سعر التذاكر بدون وجه حق
ساكت ليه على عصابات السطو المسلح اللى بتثبت الناس على الطرق نهاراً جهاراً واللى يشوفهم يقول يافكيك ويخاف على نفسه ويقول مليش دعوة
ساكت ليه على العيال اللى بتبيع مخدرات فى الشوارع الكبيرة فى كل مكان نهاراً جهاراً وبمنتهى البجاحه
ساكت ليه على البياعين والناس اللى استولوا على الأرصفة وكمان الشارع ومنعوا اى حد يقف أو يوقف عربيته فيها
ساكت ليه على استغلال عمال البنزين ومحطات البنزين للناس واستهبالهم عليهم واعتبار الأمر شيئ مسلم بيه
ساكت ليه على تحول الحق الى باطل والباطل الى حق

الله ينور عليك

**Elawany13** · 15-03-2013 09:22 PM

المشاركة الأصلية كتبت بواسطة د.أبونضال

بقالنا سنتين بندفع جنيه في اللتر خصوصا في بنزينات المناطق الشعبية والطرق الريفية ومافيش بقشيش طبعا هو ده البقشيش.. وكمان بيدخلوا قرايبهم ومعارفهم قدامك في الطابور واللي مش عاجبة يمشي.
وبنزعق وبنعترض وبنحسبن وبنشتم ونتهدد ... علشان كده بطلت أحط بنزين 80 إلامن بنزينات معينة محترمة بتشتغل بنظام وبترفض تعبي في جراكن وما بتدخلش عربيات قدام الطابور وهما بنزنتين اثنين عندنا في المنصورة ..مصر للبترول عن المحافظة ومصرللبترول في طلخا قبل الكنيسة لو دول مافيهومش بنزين 80 بحط 92 واشتري دماغي... تحياتي وحمد الله على السلامه

ياأخى احنا اللى اخدناهم على كده
بنسكت وبندفع من سكات ... وده اكبر غلط
السلبية ديه اللى ودتنا فى داهية

**Elawany13** · 16-03-2013 07:46 AM

#خط ساخن 19468 بالتموين لشكاوي نقص وتهريب السلع الغذائية والوقود

-

-

الموضوع: أنا إتعرضت لحادث بلطجة فى محطة بنزين بترومين قبل دمنهور فى اتجاه القاهرة

LinkBack

أدوات الموضوع

عرض

-

-

-

-

-

المواضيع المتشابهه

أفضل محطة بنزين

عاجل طريق مطار القاهرة من الدائري اتجاه المعادى

سؤال عن غسيل العفشة فى محطة بنزين ؟

تحذير من محطة بنزين

خطوات انشاء محطة بنزين

الكلمات الدلالية لهذا الموضوع

المفضلات

المفضلات

ضوابط المشاركة