صباح الخير للجميع
انا بقى عندى شهادة حاسة انى لو ماقلتهاش للناس ربنا هايحاسبنى
انا بناتى بيدرسوا الطب واحدة عن قناعة والحمد لله ماشية ودايما تقديراتها ممتازة والحمد لله
التانية ماحدش غصبها بس كان مجموعها كبير ,ومتفوقة واختارت الطب ولكن بعد كل سنة تشعر بالتورط اكتر وانه الدراسة دى لاتتطابق ميولها وبعد دراسة تلات سنين هى فى مفترق طرق ومازالت تفكر فى التحويل لكلية اخرى تصوروا بعد وجع القلب ده كله ومصاريف الكورسات فى الكليات العملية
بنت اختى بقى بكالوريوس هندسة اتصالات السنة دى دمها نشف والله العظيم واوزانهم نزلت النص وتشوفهم تحس ان العيال مساكين وعلى ايه ده كله وفى الاخر مافيش لاوظايف ولايحزنون
وحتى لو وجدوا الوظايف فرضا ...الراتب لايساوى نصف مصروفهم للجيب وهم لسه طلبة
طب يعنى اكيد فيه حاجة غلط .ولما ييجى حد يحاول مجرد ابداء رأى لتصحيح الوضع توضع فى طريقه الاف العراقيل ويمكن يحولوه لمستشفى المجاذيب
نصيحة من ام اوعوا تفكروا فى كليات قمة كله محصله بعضه
اشتروا روحكم ووفروا فلوسكم وحافظوا على الصحة النفسية لاولادكم
دعوتى ليست لترك التفوق والابداع لدى الشباب ولكن لاعادة النظر ولنكن موضوعيين
يارب يوفق الجميع كلا فى مجاله ودراسته ولأولياء الامور اقول لنا جميعا الله
وحسبى الله ونعم الوكيل