تقرير بسيط عن سيارتى e36

**medo20000** · 14-06-2012 11:39 AM

طبعا مش هاكون زى الخبراء هنا فى المنتدى من ناحية سرد تفاصيل السيارة والحكم عليها ولكن ده تقريرى المتواضع
أولاً مواصفات السيارة :
1- 1600 سى سى أتوماتيك
2- موديل 1997
3- حالة الدهان فابريكة برة وجوه
4- حالة الصالون ممتازة ماعدا قطع بسيط فى فرش الكنبة الخلفية عايز أروح عند سروجى كويس علشان يخيطة
5- الدواسات الأوريجنال بختم بى إم دبليو
6- زينون واطى بعدسة فى الفانوس وعالى بدون
7- فوجات أمامى وخلفى هالوجين
8- شنطة العدة الأوريجنال فى شنطة السيارة
9- الكتالوج العربى
10- 3 مفاتيح الأوريجنال
11- إمكانية ضبط مقعد السائق والأمامى فى أكثر من إتجاه
12- حالة الموتور ممتازة من ناحية السحب وصوت الموتور والعادم وخلافه...
13- حالة العفشة الحمد لله ممتازة بعد فك المقصات الأمامية والكشف عليه والكبالن الخلفية
14- سنتر وزجاج وباور وتكييف تاتش وشاشة معلومات بها ساعة وتاريخ ودرجه الحرارة مع منبه كل ساعة
15- زرار سبورت مود

يعنى تقريبا ده اللى فاكره

ثانياً ماتم صيانته :
أول لما إشتريت السيارة نزلت على طول على الحرفين على ورشة عيد سعيد وتم عمل الأتى :
- تغير 2 بليه خلفية أصلى الواحد ب 175 ج
- تغير خرطوم باور 80 ج
- تغير مفتاح ال سبورت حصيرة الفتيس ب 100 ج
- تغير زيت باور مع غسيل القربة والدورة كاملة
- تغير زيت فرامل مع غسيل القربة
- تغير فلتر هواء
- الكشف وتنظيف فلتر البنزين
-الكشف على البوجيهات وزيت الفتيس والكرونة
-تغير قفل باب السائق لانه كان بيعلق نور الصالون ب 75 ج

-أخيرا ما تحتاجه السيارة :
1- زجاج أمامى لانه فى شرخ بسيط من ناحية اليمين
2- توربيتو

ودومتم على ألف خير ...إن شاء الله هاصورها وأرفع الصور قريب جدا

نسيت أقول ان العربية خلصتها ب 80000 الف بعد لما كان طالب فيها 85000 ...

فعلاً الواحد عرف يعنى ايه بى إم دبليو فعلا إسم يستحق الثقة ...اللهم إحفظنى وإحفظها لى من كل مكروه والمسلمين أجمعييين ....

**sheko_2000eg** · 14-06-2012 11:57 AM

الف مبروك
و في انتظار الصور ان شاء الله

**fahd_628** · 14-06-2012 01:12 PM

الف مبروووووووووووووووك

ممكن تقلى البلى الخلفى كان ماركة اية ؟؟؟؟؟

**medo20000** · 14-06-2012 01:30 PM

eبص ياباشا هو انا اسف مش فاكر إسم الماركة بالضبط بس هى علبتها بيضاء ومكتوب عليها 36

e30وحتى الراجل الأول جاب البلية الرفيعة بعد كده رجعها وجاب العريضة ولقيت مكتوب عليها
فسألته قالى أن من أول موديل 94 بتركب البلية العريضة مش الرفيعة

أنا متأسف والله كان نفسى أفيدك بس كنت لسه فرحان بالعربية ومش مركز قوى فى الحاجات دى ..

**HISHAM80** · 14-06-2012 03:32 PM

الف مبروك

**jackson_75** · 14-06-2012 05:55 PM

ألف مبروك ياباشا
وعلى فكرة أنا كمان أنضميت أمبارح لعالم البى أم وأشتريت e36 316وهى فابريكة برة وجوه وحالة المتور ممتازة بس فيها حاجات كتير عاوزة تتظبط , ياترى أيه رأيك فى ورشة عيد سعيد , وأنت على فكرة مش كاتب حاجة عن المصنعيات , فياريت تقول لنا خدوا منك كام ؟وهل شغلهم كده تمام ولأ كنت تتوقع منهم أكتر من كده .. وشاكر ليك جداً