الموضوع: رش وتغير لون تابلوه التيدا ... تقرير مصور

السلام عليكم ورحمة الله وبركاته

طبعا انا عارف ان إلي هتشوفوه ده ممكن ميعجبش كل الناس بس انا بحب اجرب كل حاجة
انا عندي العربية من جوا بيج في رمادي وبصراحة الرمادي ده كان خانقني جدا فقولت اغيره
رحت لواحد حبيبي في الحرفيين عشان افك التابلوه وارشه

وابتدت مرحلة فك التابلوه








لاحظوا التقفيل الياباني



وده اعلان لأوتو ايجيبت









وديه صورة من برا الإزاز




وديه مكان لوحة التحكم بتاعت الإزاز ( لاحظوا التقفيل والعزل )










وبعد كده ابتدى الصنايعي بتنضيف الفبر بتنر عشان يشيل التراب واي شوائب على الفبر




ركزوا معايا بقى في النقطة ديه ، بعد ما نضف الفبر وقبل ما يرش اللون رش بطانة جلد الأول عشان بعد كده البوية تلزق فيها ودي حاجة مهمة جدا عشان اللون بعد كده ميقشرش بسهولة

بتبقى ماده شفافة كده مش باينة







نيجي بقى للحاجة المحيرة وهي اللون

شفت الوان كتير جدا وكنت محتار والمشكلة ان اللون بعد ما بيترش على القبر وبينشف مش بيطلع زي إلي في الكاتالوج بتاع الألوان ، المهم رسيت على لون ما بين البني والطوبي وادينا بنجرب

وكانت النتيجة












وهنا بقى واحنا بنركب التابلوه بعد ما اترش ونشف ( خد حوالي نص ساعة عشان ينشف)


















وزي ما قلتلكم الحاجات دي اذواق، وانا عن نفسي اللون مش عاجبني اوى صراحة

بس انطباعي عن الموضوع كله /

فك التابلوه طلع سهل جدا جدا ومخدش ربع ساعة
عملية الرش كانت سهلة برضه ومش محتاجة فرن والكلام ده لأن ده فبر وخدت حوالي نصف ربع ساعة رش ونص ساعة تنشيف وعلي فكرة خدت 4 وشوش بوية ونوع البوية كان RM
انا شايف ان الرش طلع كويس بغض النظر عن اللون ولسا مع الوقت هقولكو اذا كان قشر ولا لون طفى وكل حاجة

وانا اكتسبت خبرة في فك التابلوه ، ممكن بعد كده ابقى افكه بنفسي


التكلفة كانت 250 جنيه خامات وبوية + 50 جنيه مصنعية الكهربائي لفك وتركيب التابلوه

المشاركة الأصلية كتبت بواسطة ahmazong

من أحلى المواضيع اللي اتعملت إن التيدا ..

مبرووووووووك يا عمر ..

الله يبارك فيك يا زونجتي